المساعد الشخصي الرقمي

مشاهدة النسخة كاملة : من قصائد ابن جليغم


ابن جليغم
10-07-2005, 12:06 AM
ياراكب حر زهاه الشدادي = لادك لاحق ولادك مفرود
ركابه اللي مايهاب السودي = ولد النهاري شاهر ترثة الجود
مسرحه من خشم زيد وكادي = والعصر يروي قربته من وقر مسعود
خله يروح يوم هب البرادي = مثل الحنيه يوم توميبها النود
خلة مابين مكلبه والفوادي =وجريدل يبراه وجباله السود
قطب شداده يوم جيت المعادي = من ذلة تسدف على ظمر القود
ينحر سمين قاعد في البلادي = فان كل طراش من العلم منشود
لامن تقهوى فارمحه لبن هادي = مادام راسه بدة الناس ماجود
يعطونه الحكام قب سنادي =مع سيوف الهند وجوخ ماهود
ثم قل والله ما فتقنا البجادي = الا انتنزح من بلا كل مقرود
اشوف صياد على النشر عادي = وابن جروه فاق في ابل ال داوود
الربع جونا بالخطايا عنادي = واللي محاظينا بالطراد ال مسعود
اللي مهيظني نهار الطرادي = يوم على تيما ينشي ببارود
لون حظرنا جاك علم وكادي = ومن سدة الغيبه فلافيه منقود
حنا الظياغم والجحادر جدادي = واللي مكذبني فياتيك بشهود

المنار
10-07-2005, 12:42 AM
السلام عليكم ورحمة الله وبركاته :
لاهنت اخي العزيز ابن جليغم وصح لسانك
والله وستين نعم في ال جليغم من روس وشيوخ وفرسان وشعار قبيلة الفهر
ولكن عندي استفسار بسيط
اين يوجد ( وقر مسعود ) الذي في القصيده .

ولد النايب
10-07-2005, 12:48 AM
قصيده رائعه

الا انك لم تذكر اسم الشاعر
ولعلك تقصد الشاعر والفارس تركي بن سعد

وبعض الابيات بها نقص
وهناك ابيات في القصيدة سمعتها من بعض الرواة لم تذكر

الا انني اذكر ان تصحيح احد الابيات كمايلي :

حتى ابن جروة فاق في ابل آل داوود.

وآل داوود من بني هاجر من اهل بيشه.
والقصة ان ابن هادي يتشره على عبيده لعدم حضورهم معركة تيما
وعبيدة كان في خطرهم ما يكدرها لاعتداء بعض الجحادر وفي اوقات مختلفه
على بعض من عبيدة وكان آخرها اخذ ابن جروة لابل آل داوود.

والقصيدة لاتصلح الا بالقصة . وقد تكون القصة اطول من هذا .
الا ان القصة اذا كانت بين افرع قبيلة قحطان تسبب نوع من الحرج
في الوقت الراهن والا فانها امور عاديه فيما سبق . فالناس اما آخذ او ماخوذ


مع العلم بان البعض ينسب القصيدة الى ابن ريفه وبعضهم ينسبها الى الجضعي
وبعضهم ينسبها الى الفرد .

الا انه من المؤكد ان الشاعر وقت الحدث كان في اعالي بلاد عبيده وقد يكون في
طريب وهو الاقرب الى الحقيقه كونه ارسل النهاري وهو بمثابة المندوب في ذلك الوقت
من خشم زيد . وزيد يقع في اسفل طريب مقابل حدباء نفيش .

اشكرك.

فتى الصبيخة
10-07-2005, 01:04 AM
ابن جليغم
قصيدة طيبة
والشاعر بن جليغم كفو


_____________________________




السلام عليكم ورحمة الله وبركاته :
لاهنت اخي العزيز ابن جليغم وصح لسانك
والله وستين نعم في ال جليغم من روس وشيوخ وفرسان وشعار قبيلة الفهر
ولكن عندي استفسار بسيط
اين يوجد ( وقر مسعود ) الذي في القصيده .

اخي المنار


آل جليغم من روس الفهر وانقول كفو
وهم من فرسان الفهر ونقول كفو
ولكن لا يوجد في الفهر مشيخة الا في آل شفلوت
فهم شيوخ الفهر وشيوخ عبيدة.

والسلام

الهـاجري
10-07-2005, 01:30 AM
لباااااااااااااااا كبودكم يا عبيده

المنار
10-07-2005, 02:22 AM
السلام عليكم ورحمة الله وبركاته :
اخي العزيز فتى الصبيخه المعذره
ولكن حد علمي ان ال جليغم شيوخ جماعتهم في الجله ويمكن اكون غلطان
وال شفلوت وال جليغم كلهم ومليون نعم وعلى العين والراس وانا اخوك . واكرر اسفي اذا صدر مني غلط بدون قصد .

كحيلان
10-07-2005, 07:45 AM
الله يعطيك العافيه يالاجودي

هداج تيماء
10-07-2005, 08:21 AM
أرحب أرحب أرحب يا ابن جليغم والقصيدة قوية وجزلة والله وسبعين نعم بال جليغم ولا على الباقين زود

لكن ودنا انك علمتنا براعي القصيدة وضحت سببها وعلمها

وال داوود من شريف وليسوا من بني هاجر للمعلومية وهم يسكنون في اسفل بيشة

هداج تيماء
31-07-2005, 03:11 AM
ابن جليغم الله يمسيك با الخير القصيدة السابقة ياطويل العمر للشاعر /الفرد الفهري وهذا الكلام على ذمة احد شيبان الفهر رجال يجيب العلم وعفاك ويمكن السوال والنشدة اذ انت مشكك لكن الرجال قالي مافيها نشدة شيخ واكد لي انها للشاعر /الفرد رحمه الله

بن جديد
31-07-2005, 07:15 PM
صح لسانك يابن جليغم
وبيض الله وجهك

المستفيد
04-08-2005, 12:34 AM
السلام عليكم ورحمة الله وبركاته ..


ابن جليغم الله يعطيك العافيه ..


قصيده جزله .. ومعانيها واضحه ولايحتاج توضيحها اكثر من ان نقول بارك الله فيك وعلى نقلك الرائع ..



وايضا اسمحوا لي احبتي بان اعقب على اكثر من نقطه بالموضوع والردود ..


القصيده نعم كما ذكر ولد النايب أنها للشاعر والفارس المعروف تركي بن سعد ..




واما استفسار اخوي المنار عن وقر بن مسعود فحسب علمي والله اعلم انها تقع بين وادي الدواسر ونجد ..



وأيضاً أشكر فتى الصبيخه على مداخلته وعلى ذكره انه لايوجد في الفهر الا الشفاليت ..

اقول نعم كلامك صحيح الشفاليت ليسوا شيوخ الفهر فقط بل شيوخ عبيده كافه ..


ولكن لا ننسى ان آل جليغم هم شيوخ قبيلة آل سالم من الفهر وشيخهم سعد بن عرنان ..

والكل يعرف ذلك جميع القبائل وأيضاً لاننسى أن لدى الشيخ سعد بن عرنان ختم شيخ شمل قبيلة آل سالم قحطان ..


لذلك أخي فتى الصبيخه ليس أنا وأنت من نحدد مشائخ القبائل فهناك من هم أكبر منا وهناك أيضا الحكومه تعلم من تعطي الختم وتعلم ماذا يكتب فيه ..



وأخي المنار آل جليغم ليسوا في الجله بل هم في الرين ..




تقبلوا تواجدي وحضوري وأتمنى أن أكون قد وفقت في الردود والتعقيب ..

وجميع معلوماتي حصلت عليها من شيبان كبار في السن ويعلمون اكثر منا ..








اخوكم
المستفيد

ابن جليغم
04-08-2005, 12:54 AM
الحمدلله والصلاة والسلام على رسول الله وعلى آله وصحبه أجمعين وبعد السلام عليكم ورحمة الله وبركاته :
شاكراً للجميع على المرور والمداخلات والاستفسارات والتصحيح . فنحن في هذا المنتدى الكل منا مكمل للاخر . واخص بالشكر اخوي المستفيد اللذي اوضح ما كان يجب ان ابينه لفتى الصبيخة . واستفسار المنار . اما اخي هداج تيما : تأكد من معلوماتك جيداُ فالقصيدة للفارس تركي بن سعد بن جليغم
والمعذره للجميع عن التأخير .

محمد الفهري
10-08-2005, 08:56 AM
قصيدة طيبه

والردود اللي تخص القصيدة بعد طيبه

ياليت المشرفين ينبهون الاخوان على عدم نقاش هذا الموضوع
لانه ماله دخل في القصيده ولان الوضع مشحون ولان فيه مشاركه كتبها
واحد وحذفت وكان يمكن انها ترتب احسن من الحذف ولكن يوم حذفتها احذفوا
الباقين والا رتبوها .
والا اسمحوا لي اقول رايي في المشيخة ولا تحذفوها.

واما كلام المستفيد عن المشيخه فلا يصح

المستفيد
15-08-2005, 11:47 AM
أخي الغالي محمد الفهري ...


أنا لا أرى مشاركات محذوفه ..



وأتمنى أخي الغالي إذا أن المستفيد قد أخطأ في شيء أتمنى أن تخبرنا ماهو الصحيح ..


وأنا لم أتطرق لموضوع المشيخه إلا بعد أن رأيت أن أخي تركي الفهر قد تطرق لها ..



وكلامي السابق هو الصحيح والكل يعلم بذلك ...








محبكم
المستفيد

هنا الرين
26-10-2005, 11:41 PM
أخي الغالي محمد الفهري ...


أنا لا أرى مشاركات محذوفه ..



وأتمنى أخي الغالي إذا أن المستفيد قد أخطأ في شيء أتمنى أن تخبرنا ماهو الصحيح ..


وأنا لم أتطرق لموضوع المشيخه إلا بعد أن رأيت أن أخي تركي الفهر قد تطرق لها ..



وكلامي السابق هو الصحيح والكل يعلم بذلك ...








محبكم
المستفيد


1- نعم لي مشاركه ولا ادري من اللي حذفها من المشرفين
مع العلم ما فيها شي وكان كلامي عادي


2- الصحيح آل سالم مالهم شيخ من اول وكلامك يالمستفيد ماهو بصحيح
اللي نعرف ان آل سالم في نجد وفي الجنوب وعلمهم عند شيبانهم من اول ومن تالي
وفيهم فرسان من اول ولكن ماهو بكل فارس يطلع شيخ على ربعه.

3- انت تقول ان سعيد بن عرنان عنده ختم واذا كان عنده ختم ليش المشكله الآن واللجنه اللي في امارة الرياض.

4- يقول لي واحد من الفهر ان علم آل سالم عند ناصر بن قريش وان ابن شفلوت يرد له العلم في كل شي يخص
آل سالم.


والله اعلم

هنا الرين
26-10-2005, 11:44 PM
المستفيد وين مشاركة تركي الفهري اللي تقول انه تطرق فيها للمشيخه انا ما اشوف
له مشاركه في هذا الجانب

زور البعير
15-03-2006, 07:51 AM
السلام عليكم ورحمة الله وبركاته

صح السانك يابن جليغم وبيض الله وجهك وجه الشاعر


والقصيده مميزه لانك لم تذكر الشاعر لان كل ال جليغم شعار من طرف

وكلن يباينسبها له ولكم جزيل الشكر يا قحطان ................................

اما عن قبيله ال داوود فهم من الجحادر (((( من الخنافر ))))) نسبا" للشيخ ابن داوود ساكن في الجله



على الخط السريع والراي عندكم كلا يقدح رايه وعفاكم ؟؟؟؟؟؟؟؟؟؟؟؟؟

وحيد الجنوبيه
21-03-2006, 05:40 PM
صح لسانك اخوي الغالي


ابن جليغم


لاهنت

غيث بن جليغم
18-03-2008, 03:30 PM
القصيده ل تركي بن جليغم والجليغم شيخهم ابن سعود لاابن شفلوت ولا غيره

مشاري بن نملان الحبابي
18-03-2008, 03:54 PM
لاهنت على النقل ...

وصح لسان ابن جليغم ...

سعيد بن مسعود آل مهدي
18-03-2008, 09:50 PM
لاهنت على النقل

ومشكوووور

ودمت بخير

عبيد ابن جليغم
23-10-2008, 09:46 PM
[quote=هداج تيماء;39970]ابن جليغم الله يمسيك با الخير القصيدة السابقة ياطويل العمر للشاعر /الفرد الفهري وهذا الكلام على ذمة احد شيبان الفهر رجال يجيب العلم وعفاك ويمكن السوال والنشدة اذ انت مشكك لكن الرجال قالي مافيها نشدة شيخ واكد لي انها للشاعر /الفرد رحمه الله[/quot



الله يعطيك العافيه ياخ هداج تيماء على اهتمامك ونشدتك وتعبك وابن جليـــــــــغم والفرد بني عم وشعار وفريس

وشبوخ لكن ودي انك ماتعبت عمرك وان اخطت ذا صابت ذاك :::::::لكن القصيده مافيها جدال ولا نشدت احد القصيده

المذكوره للشــــــــــيخ /تــــــركي بن ســـــعد ابن جليــــــــغم

والله يعطيك الف عافيه يابن عمي

فيصل ابن جليغم
29-11-2008, 03:26 PM
الله لا يهينك على النقل وماعليك زود يالمنار

محمد آل سويدان
29-11-2008, 06:56 PM
قصيده جزله لاهنت ونعم يا ال جليغم...

بنكتاتير
27-05-2010, 10:34 AM
ماهو غريب من ابن جليغم


ولا هنتو

علي بن شداد القحطاني
28-05-2010, 01:30 AM
القصيدة لتركي وليست لعيسى

ذيب آل جليغم
06-11-2010, 02:46 PM
ابن جليغم
قصيدة طيبة
والشاعر بن جليغم كفو


_____________________________






اخي المنار


آل جليغم من روس الفهر وانقول كفو
وهم من فرسان الفهر ونقول كفو
ولكن لا يوجد في الفهر مشيخة الا في آل شفلوت
فهم شيوخ الفهر وشيوخ عبيدة.

والسلام



إذا انت تبع ابن شفلوت فـ حنا تبع ابن سعود ..

دهام المحاجي
07-11-2010, 03:59 PM
لاهنت يابن جليغم على القصيده

وصح لسان قايلها

ملاحظه (ترك الجدال ولو كنت على حق افضل)

عبدالرحمن العبدالله
22-11-2010, 01:40 PM
ابن جليغم
قصيدة طيبة
والشاعر بن جليغم كفو