على الساحه قريت اليوم يا محمد ولد شباب ..!!

[عايض المقاطي]

بعد,, رحم الله الموتى رحمة واسعه



وألهم أهليهم وغاليهم




الصبر والسلوان


,,

,






على الساحه قريت اليوم يا محمد ولد شباب=خبر خلى دموع العين فوق الخد سكابه
يقول : الموت أخذ (مشلح) عن الدنيا ومعه (ذياب)= وجنب ذياب يا محمد أخذ جمله من أحبابه..!!
وأنا ماني على حكم القدر يا صاحبي مرتاب=على كف القدر نمشي ..وحكم الله نرضى به
ولا لحد"ن" عن اللي قدره رب الملا مجناب=سكن حيد الجبل ولا تعلا فوق مرقابه
نطيع.. ولا نضيع اليا حسبنا للطريق حساب=وعرفنا الموت حق وكل منا داخل بابه
وعرفنا ان الزمن فعله مع المومن سواة الداب=مع الغصن الخضر.. لامن شحن سمه تلوى به
ولكن لو شحن سمه ترى صبر الفتى غلاب=يبا يقضي على داب الثرى ويقلع أنيابه
وأنا يا محمد الليله لأنك فأول الاصحاب=كشفت اللي برى حالي .. وابا أكشف لك عن أسبابه
يشح الرجل عن دمعة قهر فالموقف الغصاب=ولا منه فقد غالي ..تشوف دموع منسابه
صحيح اللي رحل عنا قريب ..!! ولا نقول أقراب=ولا هم يا ولد عمي ليا عدوا من عتابه
ولكن لو تعرف اللي غلاه مطقق الاطناب=تبا تعرف سبب دمع يسيل نجد وشعابه..!!
هذاك اللي ليا منه وقف دونه نسوق رقاب=وغلا الغالي على سلم الوفا عداه لأقرابه
وأنا الليله على شانه نويت أبدي على المرقاب=واوردها على عد الروى واصدر ركابه
سلام الله يا عبدالله .. بطق الباب .. فك الباب..!!=وأخذ من واحد"ن" عزك عزاه اليوم فكتابه
سلام الله يا عبدالله بمد كتاب تلو كتاب=حوى واجب عزا عن ربعي العتبان بنيابه
وسلام الله يا عبدالله عسى قبر غشاه تراب=علاه المزنه الغرا ثلاث شهور صبابه
وعسى رحمة ولي العرش للخمسه بخمس ثياب=وعسى مثواهم الجنه مع المختار وأصحابه
عزايه واقبله .. وليا قبلته طيبه بأطياب=وصبه من على قمة جبال الرين وهضابه..!!1

[عبدالله الوهابي]

لا هنت وبيض الله وجهك على القصيدة

[ابراهيم آل بي حبيب الرفيدي]

لاهنت وعسى الله يرحمهم جميع



قصيدة في غاية الروعه والاتقان




وصح لسانك


تقبل التحيه يالغالي

[سعد القحطاني]

عايض المقاطي .. ارحب ارحب تراحيب المطر

رحم الله المتوفين الذين رثيتهم بهذه المرثيه وجميع اموات المسلمين

وصح لسانك يامبدع

نورت الموقع .. والله يحييك بين اخوانك

.

[عبدالله بن غفره]

رحم الله مشلح وذياب ومن معهم في ذلك الحادث الآليم


ونسأل الله لهم المغفرة وان يتغمدهم بواسع رحمته


صح الله لسانك يالمقاطي
وبيض الله وجهك على هذا الشعور الغير مستغرب
والوفا منك ماهو غريب


تحيتي

[@تركي السنحاني@]

صح لسانك يا المقاطي

و جزاك الله خير

[حسين العبدي]

صح لسانك


ولاهنت عل القصيده


ورحم الله المتوفين.

[سعيد بن مانع]

رحم الله مشلح وذياب وجميع موتا المسلمين ..



لا هنت يالمقاطي ..


مرثيه رائعه رغم حزنها .. إلا انك اتقنت ووفيت يالوافي ..

صح لسانك

[العبدي]

عايض المقاطي , صح لسانك

ولاهنت على القصيدة

ورحم الله المتوفّى



تحيّاتي

[عايض المقاطي]

لكل من شرفني بمروره ولكل من رحب


أقول الله لا يهينك والبقا مليون









,,


تحياتي وتقديري


أخوكم : عايض المقاطي

[سعيد الجهيمي]

الله يرحم مشلح وذياب واموات المسلمين


وصح الله لسانك على هالمرثيه النابعه من صدق مشاعر ومحبه و وفاء

وهذا ليس مستغرب عليكم يالمقطه

والله يجزاك خير ولا يهينك

[عبدالله السحيمي]

السلام عليكم ورحمة الله وبكاته

صح لسانك يالمقاطي

واله يرحم المتوفين رحمه واسـعه وان يسكنهم فسيح جناتــــــه

لك كل التقديــــر

اخوك/عبدالله السحيمي

[غنام القريني]

صح لسانك يالمقاطي على القصيده الجزله ورحم الله من رثيتهم وجميع

موتى المسلمين ولاهنت

[شامانـ العاطفي]

صح لسانك

وبيض الله وجهك ..

وهذا من طيب ساسك وانا اخوك ..

ولاهنت ..

[عبدالعزيز بن عشق بن شفلوت]

صح الله لسانك
الله يرحم اموات المسلمين اجمعين