خطـــــــــــــــــــــــــــــــــــأ!!

[منصور العبدالله]

خطـــــــــــــــــــــــــــــــــــأ
اذاطلعت البنت من البيت وهي كاشخه وريحة عطرها واصله اخر الشارع وتقول

انه الشباب ما يستحون يلاحقوني





خطـــــــــــــــــــــــــــــــــــأ

إنك تروح للمسجد بقميص نوم بينما تروح لربعك بثوب مكوي وطيب يشق الخشم



خطـــــــــــــــــــــــــــــــــــأ
إنك تتصل على ربعك كل يوم وعادي تقعد معه نصف ساعة أو أكثر بينما عمك

أوخالك أو عمتك أو خالتك لهم شهور ماسمعوا صوتك !!! من زينك أنت وصوتك



خطـــــــــــــــــــــــــــــــــــأ
إن الواحد يضبط ساعته على الدوام بينما صلاة الفجر مايدري متى وقت

أذانها !!!



خطـــــــــــــــــــــــــــــــــــأ
إن الواحد يشتري الأغاني بالشيء الفلاني ويسمعها بينما مستحيل يشتري

شريط إسلامي ولو بمبلغ زهيد ولو يهديه واحد شريط إسلامي سجل عليه بابا فين



خطـــــــــــــــــــــــــــــــــــأ
ان الواحد يقعد على التلفون ساعه وصلاته دقيقه





خطـــــــــــــــــــــــــــــــــــأ
انك تحصل واحد يحترم الناس كلها الا امه او ابوه تلقاه يكلمهم بطرف خشمه



خطـــــــــــــــــــــــــــــــــــأ
انك تشتري كل اللي نفسك فيه ويوم يجي طاري الحج او العمره قلت انا ما

عندي فلوس وانا غير مقتد ر



خطـــــــــــــــــــــــــــــــــــأ
انك تكون جالس وتسمع الاذان ومن بعدها الاقامه وانت مكانك وكأنك مثبت

بمليون مسمار على كرسييك



خطـــــــــــــــــــــــــــــــــــأ
لما تشوف واحد في الشارع وتستصغره ولا تسلم عليه



خطـــــــــــــــــــــــــــــــــــأ
اذا شفت صديقك في ورطه ولاتساعده وانت قادر على مساعدتة



خطـــــــــــــــــــــــــــــــــــأ
اذا قدم لك صديقك خدمه وأنكرت فضله عليك



خطـــــــــــــــــــــــــــــــــــأ
انك تحط سيارتك عند باب جارك ..وعندك مكان ابعد شوي



خطـــــــــــــــــــــــــــــــــــأ
لما تجلس بمكان عام تتقهوى انت وعيالك..وتقومون وزبايلكم وراكم
مع ان صندوق الزباله حولك...



خطـــــــــــــــــــــــــــــــــــأ
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسؤولية إهمالك



خطـــــــــــــــــــــــــــــــــــأ
عندما نسهرساعه على النت ولانصلي لو ركعة لله



خطـــــــــــــــــــــــــــــــــــأ
أنه مانشوف القرآن إلا من الجمعه للجمعة علشان سورة الكهف

هذا اذا كنت تقراها


وآخر خطـــــــــــــــــــــــــــأ

خطأ خطأ تبخل ... وأنا كلي عطا

( الأخيرة زاحفه وتروها اغنيه قديمه لمحمد مداح أو طلال الماجد أو راشد عبده )

[الطامي]

كلام واقعي

الله يهدي الجميع


لاهنت يامنصور


تقبل مروري

[أبو علي الطريبي]

بيض الله وجهك يامنصور كلام صحيح.

[خالد العلياني]

خطــــــــــــأ


ان الواحد يدخل على مثل هذا الموضوع الجميل ولايترك دعوه لصاحبه

جزاك الله خير اخوي منصور

واحسن خطأ اخر واحد :)

[أحمد بن حسين]

كلام جميل جدا

خاصة ألي يوقت للدوام ويترك صلاة الفجر

والله مصيييييييييييييييييييييبه

[عبدالله آل عباد]

أول ما قرأت العنوان تبادر ألى ذهني

مطلع القصيده ألي ذكرتها

علماً

أنه أشترك في كتابتها شاعرين عمالقه

هم خالد الفيصل وبدر بن عبدالمحسن

أشكرك بش مهندس منصور

والاخطاء كثير بس منهو صقران ألي يتداركها ويهبها التاليه

[عبدالرحمن المشجري]

لاهنت يا ابونواف

تحياتي

[منصور العبدالله]

الله يسعدكم يا شباب

اسعدني مروركم

ومن الخطـــأ ان لا اقول لكم شكرا جزيلا


لاهنتوا بس وين باقي الشباب

[نواف الحبابي]

اضافة خطأ متمم لخطأ العلياني

خطــــــــــــأ

أن الواحد يدخل مثل هذا الموضوع الجميل وما يرد

الله لا يهينك ولا يحرمنا من طلتك الحلووه

تحيــــــــــــــــاتي

[مشعل بن هادي القحطاني]

صدقت يا منصور العبدالله


لا هنت و تقبل مرررررررورررررري

[منصور العبدالله]

نواف الحبابي

مشعل بن هادي القحطاني


الخطأ في اللي يشوف ردكم الجميل ومايدعو لكم ويقدركم

الله يحفظكم ويسعدكم على مرورك اللي اسعدني وشرفني

[مشيط العاطفي]

اضافه لخالد و نواف الحبابي

خطــــــــــــأ

أن الواحد يدخل مثل هذا الموضوع ولا يعطي منصور سمعه


جزاك الله الف خير يا منصور

[محمد الجابر]

مشكور اخووووي منصور

موضوع مميز لاهنت يالغلا

[رفيق ابو شنب]

خطــــــــــــأ


ان الواحد يدخل على مثل هذا الموضوع الجميل ولا يحب راس منصور اذا لقاه

[منصور العبدالله]

مشيط العاطفي

الله يسعدك وابشر انت بسمعه بعد

والله اسعدني ردك وذوقك ياخوي مشيط واتمنى اشوفك دائما معنى في الاستراحه

وتقبل اروع سلام واكبر شكر لشخصك الكريم

--------------------------------------------------------------------------

محمد الجابر

الله يسعدك اخوي محمد الجابري

والله سعدت وفرحت ان اول مشاركه لك في الموقع هذا الرد على موضوعي

أعتز وأفتخر بك اخوي محمد وهلا فيك

---------------------------------------------------------------------

رفيق أبو شنب

شوف ..انا من يوم شفت صورة ابو شنب في صورتك من الأول وصورتك الأخيرة وانا ادري انك والله شيخ وامير

ويسلم راسك وحبة خشم أرسلها لخشمك يالسنافي

ولاعدمتك يارفيق ابو شنب وهلا وغلا فيك ياذيبان

[ابن جرمان]

والله كلام واقعي وهاذا الي حاصل لدا كثير من الشباب
ولا نبري انفسنا فكلنا مقصرين نسئل الله الهدايهق

[منصور العبدالله]

ذيب المريتعي

هلا وغلا بمرورك الجميل

وشكرا لإضافتك الرائعه

اسعدني وشرفني مرورك العاطر ونتمنى ان نراك في استراحتنا دائما