المساعد الشخصي الرقمي

مشاهدة النسخة كاملة : هل فيه شخص بيصوت بدالي عن بن زهره


عبدالله بن غفره
10-07-2008, 01:37 AM
لا اتوقع ان فيه احد مكلوف بغيره

فالرجاء كل الرجاء عدم الأتكالية من ناحية التصويت

فالشاعر بن زهره دخل قلطة الوطن ووصل المرحلة النهائية

ويوم الجمعة يتحدد شاعر الوطن ومن سوف يحصل على المليون دولار والبيرق

من ناحية المليون مانبيه ياقحطان ولا هوب ماخذه الا بن زهره
اما البيرق من حقنا نتنومس به ونفتخر به عند القبائل كلها

وهذا الناموس والفخر ما هوب حاصل الا بفزعتنا الصادقه والصارمه مع شاعرنا

وممثلنا في هذا البرنامج العملاق والتي تعد جائزته اضخم جائزه مرت على المسابقات الشعرية

ومنافس الشاعر بن زهره شاهر العنزي وقبيلة عنزه تبي مثل ماحنا نبي
ولا يستهان بها فهي قبيلة ذات مساحة كبيرة وداعمه حقيقه لابنها في هذا البرنامج

ونحن من أوصل الشاعر بن زهره لهذه المرحلة طيلة الشهرين الماضية
ولم يتبقى الا يومين فقط على أعلان الفائز باللقب والحاصل على المليون دولار


لو كل رجال ارسل خمس رسائل من أربع ريال كلفت عليها عشرين ريال فقط لا غير

وكلنا حسب مجهوده وقدرته واللي جواله سوا يشحن بمية ريال ويجيه هديه من شركة الأتصالات 40 ريال
حولها كلها تصويت يعني 10 رسائل بـ 40 ريال والمية ريال تبقى في رصيدك كامله


يالربع الموقف صعب على بن زهره وعزالله العزيز انه جملنا ورايته بيضا
ونخى قحطان في جميع المراحل اللي شارك بها
وراح الكثير ولاعاد بقى الا القليل

اصملوا في البيرق وعزالله ان يتناوله بن زهره بيمناه يوم الجمعة


تكفون لا تذخرون شيء من دون بن زهره
خلونا نرد له علومه الغانمه اللي رسمها في قصيده الجزل والموجه لقحطان




المعذره الكلام ماهوب مرتب لكن
الوضع ما يسمح اني ارتب وانقح
تقبلوا موضوعي زي ماهو
والله الله فالتصويت

13
بدون اي اضافات
على ارقام التصويت الموضحه في البانر العلوي من صفحة المجالس

عبدالله بن غفره
10-07-2008, 01:39 AM
يا لابتي قحطان يا ساس العرب
الى صمدتوا بيرق الشعر اقترب
و فيما يخص الشعر في هذا الشنب
مايحتمي الوقفات غير رجالها

سعيد بن زهره الحبابي

فيصل الحطاب
10-07-2008, 02:24 AM
يوم اتذكر لابتي سقم العدا
يصير لي في مسرح القلطه صدا
على القدا و الا على غير القدا
ما يحتمي الوقفات غير رجالها

واللي يقول انـّا رجعنا بالشقا
حنا هل الوقفات لا صار اللقا
لو انها بالجد نحسم ما بقى
مايحتمي الوقفات غير رجالها

يا لابتي قحطان يا ساس العرب
الى صمدتوا بيرق الشعر اقترب
و فيما يخص الشعر في هذا الشنب
مايحتمي الوقفات غير رجالها

تراك القحطاني
10-07-2008, 02:51 AM
ابن غفره

كلامك في محلة والبيرق همنا الوحيد يبقى باسم قحطان

مواضيعك مية ميه


تكفووووووووون لايروح البيرق

شامانـ العاطفي
10-07-2008, 03:43 AM
بيض الله وجهك يا وجه ال عاطف ..

وبن زهرة كفو ويستاهل من يوقف معة ..

مرعي بن دواس الحبابي
10-07-2008, 11:40 AM
ابن غفره

بيض الله وجهك

على الدعم الصادقق
وافي ومن ربع وافين

نعم لو كل يوم يرسل الرجال كم رساله اجتحنا التصويت بكل قوه

لاهنت ياذيب

اخوووووووووووووك

عبدالله بن غفره
10-07-2008, 02:30 PM
فيصل الحطاب


شكراً لمرورك الغالي

سعد القحطاني
10-07-2008, 02:43 PM
ياصدق لحيتك يابو غاده

ايبالله الفزعه ياهل الفزعه والحميه من عصر الجهل

يستاهل ابن زهره والله يوفقه

وفوزه نوماس لنا كلنا

لاهنت يالذيب لاهنت

.

العداله البشري
10-07-2008, 03:26 PM
وكلنا حسب مجهوده وقدرته واللي جواله سوا يشحن بمية ريال ويجيه هديه من شركة الأتصالات 40 ريال
حولها كلها تصويت يعني 10 رسائل بـ 40 ريال والمية ريال تبقى في رصيدك كامله

عبدالله بن غفره
11-07-2008, 02:18 AM
تراك القحطاني

مرورك مية مية


شكراً لك