بطي مسفر الحبابي
27-06-2008, 03:12 PM
الله يبيــض وجـــه الأيـــام والضيــــق = وصكات بقعاء والسنين العجافــــي
وثّـقــت منها صـادق العلــم توثيــــــق = وبنــات بقعــاء بيّـنـت كل خافـــــي
صندوق صدري شال وسطه صناديق = ودفنتها خلف الضلوع النحـافـــــي
بسُكوتـي آلجّــم وســـاع المشاديــــــق = وآخاف يقفاني من الناس قافــــــي
واسلي الخاطـــــر بجــر الطواريــــق = واهيم واسلا في بحور القوافـــــي
وافخر بعرفي للرجال المطاليـــــــــق = أهل الوفا واهل القلوب النظافــــي
ولا الــردي لا بيّـنـتــه التحاقيــــــــق = صدّيت عنه وقلت ماصار كافـــي
ياليتنــي بقلــوب خلانــي آويـــــــــق = منشان ما اصدم لا لحقني خلافــي
ياكثر ماخلف الصدور المغاليـــــــق = ويبين مافيها لاصـار اختلافــــــي
احدٍ يوقّف لانشف عنـدك الريــــــق = يقدم على جال الخطر مايخافـــــي
واحدٍ يقول بحزّه الضّيق ماطيـــــق = وهذا يسمّونه صديق العــوافـــــي
ماكل رجلٍ يرتكي كنه أطــويـــــق = ولاكل منهو وافي أجدود وافـــــي
كم نسل وافينٍ يـبــوق المواثيــــــق = ياتيه في وقت اللّزوم أرتجافـــــي
واللي وقّف للمرجله دون تعليــــــق = عـز الله أُوقافــه وانا فــي وقافــــي
واللي يبي طاريه للناس لاسيــــــــق = يكسب نعم يمشي على الشوك حافي
وكلمة نعم ماهي تجي بالتلافيـــــــق = يبغالها وقفـه وسعــي وطوافـــــي
تبقى الجبال الشامخات الشواهيـــق = وقارها مـــع قاطعـيـن الفيافـــــــي
والعشق يجري في دمي المخاليــق = وعشق المراجل ميزةٍ للسنافــــــي
وعشق الغزل لوينبع من المعاليـــق = مع الزمن تسفي عليه السوافــــــي
ترا المراجل ماعشقها مطافيـــــــق = ولاّ الغزل يعْشقه وافي وهافـــــــي
والحظ وهبه والمواهب توافيــــــق = والوقت ماهو لك على طول صافي
الحظ نودٍ والخلايـــق غرانيـــــــق = لها مع النود إنحناء وانحرافــــــــي
اصبر وصبرك طبقه خير تطبيــق = وان شفت مبلي قل ياكافــي تعافـــــي
ولاتَشْمت ولو هو من اهل التعاليق = ما يشْمت إلا الاردياء والضعافــــــي
أخذ العبر لأجل الليال اللواحيـــــق = تجارب الـدنـيــا دروسٍ تشــافــــــي
وانا طلعت بدرس من عقب تحقيق = من واقــع شفته وحسـب أكتشافــــــي
ياقل ربعك حزه العسر والضيــــق = وياكثر ربعك كان صارت عوافـــي
وثّـقــت منها صـادق العلــم توثيــــــق = وبنــات بقعــاء بيّـنـت كل خافـــــي
صندوق صدري شال وسطه صناديق = ودفنتها خلف الضلوع النحـافـــــي
بسُكوتـي آلجّــم وســـاع المشاديــــــق = وآخاف يقفاني من الناس قافــــــي
واسلي الخاطـــــر بجــر الطواريــــق = واهيم واسلا في بحور القوافـــــي
وافخر بعرفي للرجال المطاليـــــــــق = أهل الوفا واهل القلوب النظافــــي
ولا الــردي لا بيّـنـتــه التحاقيــــــــق = صدّيت عنه وقلت ماصار كافـــي
ياليتنــي بقلــوب خلانــي آويـــــــــق = منشان ما اصدم لا لحقني خلافــي
ياكثر ماخلف الصدور المغاليـــــــق = ويبين مافيها لاصـار اختلافــــــي
احدٍ يوقّف لانشف عنـدك الريــــــق = يقدم على جال الخطر مايخافـــــي
واحدٍ يقول بحزّه الضّيق ماطيـــــق = وهذا يسمّونه صديق العــوافـــــي
ماكل رجلٍ يرتكي كنه أطــويـــــق = ولاكل منهو وافي أجدود وافـــــي
كم نسل وافينٍ يـبــوق المواثيــــــق = ياتيه في وقت اللّزوم أرتجافـــــي
واللي وقّف للمرجله دون تعليــــــق = عـز الله أُوقافــه وانا فــي وقافــــي
واللي يبي طاريه للناس لاسيــــــــق = يكسب نعم يمشي على الشوك حافي
وكلمة نعم ماهي تجي بالتلافيـــــــق = يبغالها وقفـه وسعــي وطوافـــــي
تبقى الجبال الشامخات الشواهيـــق = وقارها مـــع قاطعـيـن الفيافـــــــي
والعشق يجري في دمي المخاليــق = وعشق المراجل ميزةٍ للسنافــــــي
وعشق الغزل لوينبع من المعاليـــق = مع الزمن تسفي عليه السوافــــــي
ترا المراجل ماعشقها مطافيـــــــق = ولاّ الغزل يعْشقه وافي وهافـــــــي
والحظ وهبه والمواهب توافيــــــق = والوقت ماهو لك على طول صافي
الحظ نودٍ والخلايـــق غرانيـــــــق = لها مع النود إنحناء وانحرافــــــــي
اصبر وصبرك طبقه خير تطبيــق = وان شفت مبلي قل ياكافــي تعافـــــي
ولاتَشْمت ولو هو من اهل التعاليق = ما يشْمت إلا الاردياء والضعافــــــي
أخذ العبر لأجل الليال اللواحيـــــق = تجارب الـدنـيــا دروسٍ تشــافــــــي
وانا طلعت بدرس من عقب تحقيق = من واقــع شفته وحسـب أكتشافــــــي
ياقل ربعك حزه العسر والضيــــق = وياكثر ربعك كان صارت عوافـــي