ظلم الاقراب

[سعد السنحاني]

تدري وش اكبر ظلم من ظلم الاقراب
=ظلم الحبيب اللي تضحـي عشانـه
تتعب لجل عينه وتسهـر وتنصـاب
=وهـو يذوقـك القهـر والاهانـه
تقول له ضحيت ويـرد ( نصـاب )
=( جحود ) والا ذي تسمـى ميانـه
تقول دمعي ذاب والقلـب بـي ذاب
=يقـول قلبـك لاتغـيـر مكـانـه
تقول انا مسحور من سحر الاهداب
=والعقل مـن سبتـك زايـد جنانـه
يقول لحظه واستمع صكـة البـاب
=ماكـل عاشـق ينتصـدق لسانـه
تقول هات اسباب مايذكر اسبـاب
=الله حسيبـه كـان قصـده لعانـه
علمني ان الحب والشـوق غـلاب
=وعرفت بانه ماعـرف لـي مكانـه
ان كان ماجاني على سلم الاحبـاب
(= الله يستر شـان قلبـي وشانـه )





عبدالله العصيمي
.

[ابراهيم آل بي حبيب الرفيدي]

صح لسان الشاعر



والله لا يهينك يا سعد


اقدر اسمي اقصيدة

اكبر من ظلم الاقراب


تحياتي

[سعيد الجهيمي]

صح الله لسان قايلها وسلمت يمين اللي نقلها

وبالفعل ما اقوى من ظلم الأقراب

لا هنت يا السنحاني

[@تركي السنحاني@]

لاهنت يا كحيلان

و بيض الله وجهك:)

[عبدالله الوهابي]

كلمات وأبيات جميلة أعجبتني

[محمد آل غانم]

رائعه جدا

صح لسان شاعرها وناقلها

لا هنت وبيض الله وجهك

شكرا:)

[ابومشرف]

-وظلم ذوى القربى اشد مضاضة ..............على المرء من وقع الحسام المهند


تعطيه ويمنعك ..تصله ويقطعك ..تحلم عليه ويجهل عليك


الله يصلح قلب الاقراب والمجتمع كله ..اذا الايمان موجود ...فالخير موجود


وان كان ما به ايمان فو الله ان الخير قليل والشيطان موجود ...


شكيت من ظلم الاقراب تعنيت واشقيت ..............وانا احب الخير حتى لو كانوا ابعاد

ايش اللى حصل منى لاعرفت ولادريت ............... كل وقت شفت المهانه لابقى ولاعاد

الله يشفى قلوب متوجعه بها ما ترديت .............. صافى النيه الله يجمع شملها لا راد



شكرا خوى يا/سنحانى