المساعد الشخصي الرقمي

مشاهدة النسخة كاملة : اشوف من تبكي ولا احد رثاها = عميا نظرها والسبب من ولدها


ابن شديد ال مخثله
28-05-2008, 06:45 AM
هذه قصيدة للشيخ/علي بن وازع بن علي بن شديد ال مخثله - قالها قبل (25عام) ينصح فيها اهل (تثليث) ويحثهم على التعاون وترك المشاكل والشكاوي الكيدية التي كثرت في ذلك الوقت وتسببت في تعطيل مصالحهم وحالت دون ايجاد المرافق والخدمات العامة0

يقول من هيض شجونه وهاضه=دار اهاليها قليل رشدها

والعفو ياعراف لو قلت زلة=ضمايري فيها سعير حشدها

ممانشوف ويدركه كل عاقل=وعين الحقيقة من يشك بوكدها

اشوف من تبكي ولا احد رثاها=عميا نظرها والسبب من ولدها

سبّب عماها والفضايل نساها=ونهايته بيديه يحفر لحدها

الدار ياهل الدار تشكي وتبكي=باسباب من طرق العدالة فقدها

دار عزيزة من عصور قديمة=بآثارها واذكارها من بعدها

تعرف قبايلها وماضي سلفها=قبايل ماينحصى لي عددها

(تثليث)هي دار(الجحادر)وخلطهم=(آلاد مسرد)يوم يركز وعدها

تقدم على كل الامور الصعيب=وافعالهم كم واحد قد شهدها

تكفون يالاخوان كيف دياركم=فيها الحسد عن كل خير قردها

هذا رفيق لذاك00وهذاك ضد ذا=ناس تفور قدورها من حقدها

كثرت مشاكلها وطوّل عناها=والكل صارت عيشته في نكدها

كم حجة كبرت على غير داعي=بين الخصوم محكمات عقدها

تقبل وتقفي بين وارد وصادر=ومن بعد حرف السين جيم بجدها

وان قيل فيها الاطلاع والافادة=مافيه مسؤول يقارب سددها

اما تهاون في القضية وشانها=ولا اقحم الموضوع بامرّ وادهى

وطال المدى بايقاف كل المصالح=واهل البلد هم من يسبب لددها

ماوفقت بالحظ رجل مخلص=يهتم بحقوق الرجال وبلدها

إلا بعد جاها الامير (ابن صامل)=وكشف حقايقها وطيلة جلدها

فاهتم فيها من جميع النواحي=رتب ونسق والمصالح رصدها

شرح وطرح كامل في اعداده=لاركز بدعوى يقوم بسددها

من عادة الامير هذا ومثله=لاقام فيها قوم الله سعدها

لاشك يبغي له رجال تساعده=عز البلد وابناء البلد من بددها

تسلك طريق الحق من كل جانب=وتصفي قلوب غشاها كبدها

تجمع على نبذ الحسد والضغاين=وفيما يحق الحق تبذل جهدها

حتى البلد يبقى لها العز دايم=وتصغر مشاكلها ويكثر رغدها

الحق له منهاج بين وواضح=وادناه كلمة ماربح من جحدها

والقوم لامن صار فيها تكاتف=تكبر مهابتها ويقوى سندها

تعتز بالجمعا ويلتم شملها=وراع المطالب لاطلبها وجدها

والفضل فضل الله ثم الحكومة=حكومة الاسلام كل حمدها

تمت وصلى الله على خير هادي=عدد هماليل حقوق رعدها

أبــومبارك الـعـابسي
28-05-2008, 08:34 AM
لاهنت يا ابن مخثلة على ايراد هذه القصيدة


تقبل مروري

ابن شديد ال مخثله
29-05-2008, 12:10 PM
لاهنت يا ابن مخثلة على ايراد هذه القصيدة


تقبل مروري



القايل مايهون

مشكور يابو مبارك ومرورك يشرفني

ابراهيم آل بي حبيب الرفيدي
30-05-2008, 07:11 PM
لاهنت على ايراد القصيدة الطيبه


وصح الله لسان الشاعر


والله يحسن الحال

ابن شديد ال مخثله
02-06-2008, 01:21 AM
لاهنت على ايراد القصيدة الطيبه


وصح الله لسان الشاعر


والله يحسن الحال

الاخ/ابراهيم الرفيدي

صح الله بدنك 00 ومشكور على حضورك الكريم

ولك شكري وتقديري

عبدالله بن غفره
02-06-2008, 06:39 PM
لاهنت ياوجه آل محمد


وبيض الله وجهك على النقل المميز والرائع



والله يصلح الشان ويسر الامور باذن الله


تحيتي لك يالغالي

ابن شديد ال مخثله
13-06-2008, 10:51 PM
لاهنت ياوجه آل محمد


وبيض الله وجهك على النقل المميز والرائع



والله يصلح الشان ويسر الامور باذن الله


تحيتي لك يالغالي

مرحبا اخوي عبدالله

ومن قال مايهون000ووجهك مايلام

مشكور على حضورك الكريم