شهوان
29-06-2005, 06:12 PM
نظم الشاعر راشد بن عفيشه ال شهوان هذه القصيده يمدح الشيخ قاسم بن محمد ال ثاني مؤسس حكم ال ثاني في قطر , وذللك في سنة 1900 م
يا الله يا المطلوب يا رب يعقوب = يااللي تجيب وتستمع كل طلاب
قم يا نديبي وارتحل فوق مرعوب = وقم السديس وتو ما شق له ناب
نابي سنامه غاربه تقل مجذوب = يشدي كما سيف ٍ مسويه خشاب
فج ً عضوده ما صطا فيه شاذوب = مربع ٍ صدره كما فرخة الباب
طلق الذراع وعدل ساق ٍ وعرقوب = مادارج الرقاع خفه بمجذاب
جسم الفخذ ومن الذنب مجبوب = حث ً ولا يحتاج راعيه مشعاب
بشداد وبطان ٍ على المتن مقطوب = وخطام وخزام ٍ وراعيه ركاب
كنه الى انحى بك مع ايات لهبوب = فرد ٍ كفخ ٍ في هامته ريح معطاب
ثم غبشه من قبل ياتيك لاهوب = ومر المقير وانشحه عقب الاتعاب
وروح وخل النضو يمشي على الدوب = ملفاك عند اللي يثني برحاب
منصاك شيخ ٍ يجعل الشره مادوب = ابو فهد نور الوطن غوج الاطلاب
الشيخ قاسم زبن من جاه مكروب = فرز الوغى لا من هبا كل هياب
نجم ٍ لعفاريت الفراعين مكتوب = مفراص فولاد ٍ وللحرب دولاب
حصن ٍ لنا عن سو الايام منصوب = وحن سيفه اللي مايبقي بالارقاب
هو درعنا الضافي الى مسنا الدوب = سور ٍ لنا عن جور الايام وحجاب
اربط ولا تدرا غضب كل مذهوب = حن خزنتك لا بار من بار او عاب
نفوز بافعالك الى نلت مطلوب = وبافعالنا تفرح ولو كان غياب
ياما خلطنا المر والسم مذيوب = نسقيه طلاب الخطايا ولا نشاب
حنا وقود الحرب لا عاد مشبوب = بارماحنا نروي شنيعات الاصواب
بايمننا كم فارس ٍ طاح مقلوب = بمصقلات ٍ كنها وصف الاطناب
اللي نصيبه ما يقولون مصيوب = لا من تعافى خبث به كل ماطاب
ياما صفق بيديه خطوات رعبوب = من فقدها الغالي تبعط بالاسلاب
والطامح اللي كنها الشاخ مصبوب = تكره الى جاها وتفرح الى غاب
نطلق نشبها يوم ياتيك مجلوب = حاديه جلاب المنايا ولاسباب
يا الله مالي غيرك اليوم مطلوب = يا ماحي سيات عبده الى تاب
العفو لا حطيت في القبر مصلوب = ماعاد يزداد العمل كود بحساب
يا مول ٍ يوسف على شوف يعقوب = والقى عصا موسى لفرعونهم داب
خمت صنايعهم وما كان مطلوب = وحل الرهب فيهم وقروا لما جاب
وصلاة ربي عد ما خط مكتوب = على رسول الله واله ولاصحاب
يا الله يا المطلوب يا رب يعقوب = يااللي تجيب وتستمع كل طلاب
قم يا نديبي وارتحل فوق مرعوب = وقم السديس وتو ما شق له ناب
نابي سنامه غاربه تقل مجذوب = يشدي كما سيف ٍ مسويه خشاب
فج ً عضوده ما صطا فيه شاذوب = مربع ٍ صدره كما فرخة الباب
طلق الذراع وعدل ساق ٍ وعرقوب = مادارج الرقاع خفه بمجذاب
جسم الفخذ ومن الذنب مجبوب = حث ً ولا يحتاج راعيه مشعاب
بشداد وبطان ٍ على المتن مقطوب = وخطام وخزام ٍ وراعيه ركاب
كنه الى انحى بك مع ايات لهبوب = فرد ٍ كفخ ٍ في هامته ريح معطاب
ثم غبشه من قبل ياتيك لاهوب = ومر المقير وانشحه عقب الاتعاب
وروح وخل النضو يمشي على الدوب = ملفاك عند اللي يثني برحاب
منصاك شيخ ٍ يجعل الشره مادوب = ابو فهد نور الوطن غوج الاطلاب
الشيخ قاسم زبن من جاه مكروب = فرز الوغى لا من هبا كل هياب
نجم ٍ لعفاريت الفراعين مكتوب = مفراص فولاد ٍ وللحرب دولاب
حصن ٍ لنا عن سو الايام منصوب = وحن سيفه اللي مايبقي بالارقاب
هو درعنا الضافي الى مسنا الدوب = سور ٍ لنا عن جور الايام وحجاب
اربط ولا تدرا غضب كل مذهوب = حن خزنتك لا بار من بار او عاب
نفوز بافعالك الى نلت مطلوب = وبافعالنا تفرح ولو كان غياب
ياما خلطنا المر والسم مذيوب = نسقيه طلاب الخطايا ولا نشاب
حنا وقود الحرب لا عاد مشبوب = بارماحنا نروي شنيعات الاصواب
بايمننا كم فارس ٍ طاح مقلوب = بمصقلات ٍ كنها وصف الاطناب
اللي نصيبه ما يقولون مصيوب = لا من تعافى خبث به كل ماطاب
ياما صفق بيديه خطوات رعبوب = من فقدها الغالي تبعط بالاسلاب
والطامح اللي كنها الشاخ مصبوب = تكره الى جاها وتفرح الى غاب
نطلق نشبها يوم ياتيك مجلوب = حاديه جلاب المنايا ولاسباب
يا الله مالي غيرك اليوم مطلوب = يا ماحي سيات عبده الى تاب
العفو لا حطيت في القبر مصلوب = ماعاد يزداد العمل كود بحساب
يا مول ٍ يوسف على شوف يعقوب = والقى عصا موسى لفرعونهم داب
خمت صنايعهم وما كان مطلوب = وحل الرهب فيهم وقروا لما جاب
وصلاة ربي عد ما خط مكتوب = على رسول الله واله ولاصحاب