..محاورة المري في شاعر المعنى..

[فهد حمد الحبابي]

السلام عليكم ورحمة الله وبركاته

اخواني اعضاء ومشرفي شبكة قحطان

تحية طيبة وبعد..

رغبت في الاستفسار منكم في موضوع يختص بمحاورات شاعر المعني وهو:

ما نوع الشعر اللي قاله الشاعر المبدع متعب بن كروز المري في

محاورات شاعر المعنى مع الشاعر الشمري؟

هل هذا الشعر من الشقر ؟




وهذه مجموعة من ابيات الشاعر البدع متعب بن كروز المري:

سلام منــي على حضــــرة سمـــــو الأميــــر ..... رديـــــة راجــــــح(ن) بـالطيـــــب ميزانهـــــا

وأثنى التحية على أهل أبها وأهالـي عسير ..... ومـدايـــــن أهــل السعوديـــــة وسكانهـــــا

الله تعالــــى علــــى خلقـــــه عليم(ن) بصيـر ..... وامانتـــه ما توفـــق واحــــــد(ن) خانهــــــا

والشعـــر يا صاحبـــي بحر(ن) وموجه غزيــر ..... واللي يغوص البحـــور يجيـــــب مرجانهـــــا





وهذا الرابط لمن اراد الاطلاع:

http://www.youtube.com/watch?v=mwEh00lG3X4



ارجو افادتي ولكم جزيل التحايا..

اخوكم

فهد بن حمد الحبابي..

[مشاري بن نملان الحبابي]

أرحب يا بو حمد ...

وبيض الله وجهك ...

وجعلك سالم ...

وما يجي منك الا العلم الغانم ...

تحياتي

[سعد القحطاني]

وعليكم السلام ورحمة الله وبركاته

الله يحييك يافهد

والمحاوره التي تستفسر عنها

مالها اي صله بالشقر

وإنما طاروق عادي ويطرقونه الشعراء من قبل

على سبيل المثال :

ابن شايق يقول

انته ليا اوحيت صوت الذيب ماهو غريب // ذيب عوى في جبال تقنب ذيابها

والقرقاح يقول

من يوم شفنا السناني في مثلث طريب // قلنا ليال السعاده دايرٍ دورها

وحبيب يقول

أنته من العام وأنته تنتظر فالمطار // والطائره فالمدرج وأنت تبرا لها



ولكن بعض الشعراء أحياناً يقوم بتغيير اللحن فقط ويأتي بلحن غريب او نادر في محاولة لإرباك الخصم

وهذه خطوه قد تحرج الشاعر الغير متمكن دائماً .. مثل ماشاهدناه في هذه المحاوره

هذا ماحبيت اقوله ودمت

.

[علي بن مسفرالحبابي]

ارررررررررحب يابوحمد والله يحيييك


وانت ياهل قطر ماشاء الله عليكم متعنصرين مع شعراءكم


ويحق لكم


اما متعب بن كرزو شاعر رائع وحاول احراج خصمه الشمري ونجح نجاح باهر في ذلك


والابيات ما اعتقد فيه شقر انا صعوبه اللحن عموما لاهنت لاهنت

[بحر]

وعليكم السلام ورحمة الله وبركاته

الله يحييك يافهد

والمحاوره التي تستفسر عنها

مالها اي صله بالشقر

وإنما طاروق عادي ويطرقونه الشعراء من قبل

على سبيل المثال :

ابن شايق يقول

انته ليا اوحيت صوت الذيب ماهو غريب // ذيب عوى في جبال تقنب ذيابها

والقرقاح يقول

من يوم شفنا السناني في مثلث طريب // قلنا ليال السعاده دايرٍ دورها

وحبيب يقول

أنته من العام وأنته تنتظر فالمطار // والطائره فالمدرج وأنت تبرا لها



ولكن بعض الشعراء أحياناً يقوم بتغيير اللحن فقط ويأتي بلحن غريب او نادر في محاولة لإرباك الخصم

وهذه خطوه قد تحرج الشاعر الغير متمكن دائماً .. مثل ماشاهدناه في هذه المحاوره

هذا ماحبيت اقوله ودمت

.



على فمك الشحم يابوعبدالله

اجابه وافيه وكافيه

واللحن بسيط جداً جداً

ولكن مثل ماتفضلت لارباك الخصم

لاهنت وتقبل تحيات بحر