المساعد الشخصي الرقمي

مشاهدة النسخة كاملة : |؛¤ّ,¸¸,ّ¤؛|يا قلب حول في مثانيـك هوجـاس|؛¤ّ,¸¸,ّ¤؛|


خالد بن حمير الحبابي
06-05-2008, 10:49 PM
يا قلب حول في مثانيك هوجاس=حول وكدر كل منظومة فيك
صرت اتحسس جمرة بين الانفاس=من كثر ما شبت عليك الدواكيك
اليا رحل وسواس ياتيك وسواس=متبادلين اشفاتهم في مثانيك
ما اظن لك في مجلس الدمع مجلاس=الدمع ذله يختلف عن معانيك
اصبر وشد الباس لا انشب الباس=رماح غدره في مثاني علابيك
كليب يبقى كليب لو خان جساس= تبقى الملوك ملوك رغم الصعاليك
حتى متى بتراضي الناس والناس=اليا تكدر خاطرك ما تراضيك
حتى متى واللي على الصدر حساس=ما يستمع قولك ويسمع معاديك
لا بو علاقه وطت النفس والراس=ولا بو محبة حدتك صوب شانيك
يا قلب خلك شامخ مثل الاوراس=لو حل فيك السيل ما هو بيوذيك
قصر النفس يرميك في جرف الافلاس=يرميك يوم انه قصار مراميك
من عاش عمره للمخاليق مدواس =تكثر بدربه معضلات الشرابيك
واللي يخلي عزة النفس بلهاس=ما يرتفع لو ترتفع قيمة الشيك
يا قلب ذنبك اوقع براسك الفاس=ذنبك ما هو يرسي على غير شاطيك
كانك بصحراء الذنب ظميان محتاس= فالله بغيم العفو يا قلب يسقيك
كم مرة يعطيك دون أية قياس=لو كان تمشي بالخطايا خطاويك
سبحانه الي فرق اجناس و اجناس= اللي اذا ما باعت الخلق يشريك
اغرق بدمعة توبتك كل خناس=يربض على صدرك علشان يغويك
اهديت لك در على وجه قرطاس= لعل در النصح يا قلب ينجيك

دهام الجروي
28-05-2008, 03:43 PM
بيض الله وجهك قصيده وافيه من وافي