مشخص الفهري
29-04-2008, 08:46 PM
السلام عليكم
متواضعه للتواصل
البارحه يوم المخاليق رقاد = ماطب حلو النوم عين الشقاوي
صبري مثل صبر المهادي ولافاد = واليوم انا للصبر ماني بقاوي
وقفت للدنيا على كل مرصاد = واثر السعاده ماتجي بالمناوي
لولا الحيا من سالفة كل نقاد = سيلت من دمعي شعيب ٍ سناوي
وش عاد يادنيا الغرابيل وش عاد = جرح المفارق مالقيله مداوي
ماهوب فرقا الي على الحب معتاد = يتبع هوى نفسه وقلبه هواوي
الضيق من فرقا شغاميم الاولاد = روس الرجال مزبنين الجلاوي
ربع لهم في قمة المجد مقعاد = ماطاوعو في رفقتي كل غاوي
ان غبت ياتيني من البعد نشاد = وان جيت احدهم فز مثل النداوي
مامنهم الي للمعاريف جحاد = الا قروم وياصلون الحراوي
ياما تجمعنا على غير ميعاد = كل ٍ على شوفة رفيقه شفاوي
ويامحلا شوفة مداهيل الاجواد = ويصير للتاريخ قصه وراوي
وعسى الليال الي على البال تنعاد = تقرب ديار مبعدين الهقاوي
ويشب في قلوب الحواسيد وقاد = ويلوي كبود اهل السواليف لاوي
لاخير في الي ينكر الملح والزاد = حتى ولوهو في حياته غناوي
وسلامتم
متواضعه للتواصل
البارحه يوم المخاليق رقاد = ماطب حلو النوم عين الشقاوي
صبري مثل صبر المهادي ولافاد = واليوم انا للصبر ماني بقاوي
وقفت للدنيا على كل مرصاد = واثر السعاده ماتجي بالمناوي
لولا الحيا من سالفة كل نقاد = سيلت من دمعي شعيب ٍ سناوي
وش عاد يادنيا الغرابيل وش عاد = جرح المفارق مالقيله مداوي
ماهوب فرقا الي على الحب معتاد = يتبع هوى نفسه وقلبه هواوي
الضيق من فرقا شغاميم الاولاد = روس الرجال مزبنين الجلاوي
ربع لهم في قمة المجد مقعاد = ماطاوعو في رفقتي كل غاوي
ان غبت ياتيني من البعد نشاد = وان جيت احدهم فز مثل النداوي
مامنهم الي للمعاريف جحاد = الا قروم وياصلون الحراوي
ياما تجمعنا على غير ميعاد = كل ٍ على شوفة رفيقه شفاوي
ويامحلا شوفة مداهيل الاجواد = ويصير للتاريخ قصه وراوي
وعسى الليال الي على البال تنعاد = تقرب ديار مبعدين الهقاوي
ويشب في قلوب الحواسيد وقاد = ويلوي كبود اهل السواليف لاوي
لاخير في الي ينكر الملح والزاد = حتى ولوهو في حياته غناوي
وسلامتم