استفسار ياقحطان وقعه بين العرافا ال سعود وال سعد قحطان

[القهره]

السلام عليكم ورحمته وبركاته

يالربع امس كان عندي واحد من الربع ويسولف على من كلام ابوة كان راوية وقد توفاه الله منذ سنين

بسالفة وقعه بين ال سعود العرافا في بدايات ضهور الملك عبالعزيز وقبل توحيد المملكه ان العرافا كانو زعلانين من الملك عبالعزيز رحمه الله وغزوو قحطان في حدباء قذلة وطاحوو في ال سعد الجحادروبدت المعركةوكسرت يد واحد من العرافا بالمذورع والثاني وقعت في بطنه شلفاوانهزموووو واحتمووو ال سعد ابلهم من الغزووو

ارجووو من يعرف احد من رواه شيبان قحطان يجيبنا السالفة كاملة

للاهمية ودمتم بخيررر

[مشاري بن نملان الحبابي]

يفيدونك الربع بإذن الله ...

[القادري الشريفي]

بيفيدونك الربع

وخاصة ال سعد

تقديري

[الحرررر السعدي]

أخوي القهره كلمت كذا واحد من الشيبان للتأكد منهم وقالوا لي ماسمعنا بالسالفه ذي
لكن أخوي الواقعه اللي صارت في حدباء قذله معروفة بأنها على الخنافر واللي أحتمى فيها ذيب بن شالح إبلهم من جيش الملك عبدالعزيز رحمة الله عليهم جميعا .

[القهره]

ارحبووووو

الله لايهينكم على التعليق

وبخصوص وقعة ابن هدلان معروفة الي صارت في حدباء قذلة

اخوي الحر السعدي السالفة ذي سامعهامن واحد من المقابيس ال سعد كان مع جد الشاعر الامير السامر وجده هو الي صارت علية السالفة ويمناه فيها عطب من اصابته وقالها للمقباسي بلسانه وشافها المقباسي بعينه والسالفة صحيحية مليون بالمية

وشكرااااااااااااااااااااا

[سعيد الجهيمي]

ما هي بغريبه على آل سعد وقحطان


يفعلونها ويحتمون القبيايل عوال مضيم


لا هنت يا القهره

ونتمنى من يزودنا بعلموات وافيه

[الحرررر السعدي]

ارحبووووو

اخوي الحر السعدي السالفة ذي سامعهامن واحد من المقابيس ال سعد كان مع جد الشاعر الامير السامر وجده هو الي صارت علية السالفة ويمناه فيها عطب من اصابته وقالها للمقباسي بلسانه وشافها المقباسي بعينه والسالفة صحيحية مليون بالمية

وشكرااااااااااااااااااااا


والله يا ابن الحلال أنا سألت شيبان لكن أنا والله ما عندي علم

[محمد خليل جخدب المشعلي]

بسم الله الرحمن الرحيم

اخوي القهره / مالك مسفوه ولاهي غريبة على قحطان سوى الخنافر الاد ابن دراج** ولا صبيان ال سعد** سقم الحريب
ومن جاتة القوم تبغي ابله عياء عليها لين يموت دونها وكلا فيه حقه من قحطان ومن القبائل الاخرى
والله يرحم الملك /عبد العزيز لان له الفضل بعد الله في تغيير الوضع السابق لما نحن فيه الان



(بن جخدب المشاعله

[القهره]

لاهنتووو جميع من علق

وفي انتضار من يجيب لي السالفة كاملة

[شارب الفناجيل]

اخواني الكرام أنا قرأت قصة في كتاب من الكتب الشعبيه لاحد الكتاب السعوديين وعلى ماأظن قبل 7 سنوات ولكن ألي أذكره أن الكاتب يقول ان المعركة في موقع غزيز القريب من محافظه ضرماء مع بدايات ظهور الملك عبدالعزيز رحمه الله وطيب الله ثراه تقريبا عام 1318 هجري وقد كانت بين ال سعود وبين قحطان وحصل فيها قتلى وهذا ما ذكرتة في كتاب لا حد المؤرخين ولكن أسمة ناسيه ولكنه لم يحدد أي فخذ من فخوذ قحطان وأنما شملهم حتى أنه ذكر قتلى بين الطرفين وأسماء بعض القتلى

[شارب الفناجيل]

مع العلم أن صبيان قحطان (بني مضيم) مساندون الى ال سعود في مر العصور منذ الدوله السعودية الاولى الى الاخيرة
ولم يكن هناك معارك بينهم وان وجد معركة فلم تكون مشهورة ****
فنحن قحطان ونعتبر درع للدوله السعودية وأفعالنا ظهرت في الشدة وليس في الرخاء فنحن من كسر جيش الشريف
عام 1213هجري قرب رنية وكان جيش الشريف جيش جرار وكان معه من كل قبائل الحجاز من البقوم وعتيبة ومطير وحرب والحرث والاشراف وعنزة اهل المدينة سابقا قبل حرب وهل تعلمون ماهي النتيجة ؟ النتيجة مبهرة قبيلة مواليه
الى ال سعود وهي قبيلة واحدة هزمت جيش دوله الاشراف في الحجاز وكسرناهم كسرة لن تنساها العرب قاطبة هل تعلمون يا صبيان قحطان كم قتل من جيش الاشراف من قبائل الحجاز مجتمعة ؟؟؟؟؟؟
الاجابة قتل الف ومائة واثنان وعشرين فارسا مسلحا وليس عازل ****** هل تعلمون كم قتل من الاشراف الذين يعتبرون من الامراء والقادة ؟؟؟؟؟؟؟ خمسة وأربعون فارسا ؟
وكل هذا لنصرة الدين والحق وأن قحطان أذا عاهدت وفت ولا نخون مهما حصل ورفضنا حكم الباشا وقاتلناه في وادي الصفراء وقتل زعيمنا و أبينا الشيخ هادي بن قرمله شيخ قحطان في سبيل دولة السعودية
وهذا قليل من كثير والجاي أكثر

[خالد آل سعد]

كفو يا آل سعد كفو

ولاهنت يالقهره
وانشالله تجيب لنا المعركه مشكلتنا
إنا ما نهتم في حفظ موروثنا التاريخي
وانشاله بنشد

واجيب لك السالفه