المساعد الشخصي الرقمي

مشاهدة النسخة كاملة : من القلب لقلوبكم يا عوال الشايب


بندر بن ماعز
19-04-2008, 07:10 AM
السلام عليكم ورحمة الله وبركاته

معكم بندر بن ماعز. من آل مدير من أحد رفيده

هذي أول مشاركة لي في المنتدى واتمنى انها تعجبكم

يا كاتب الأشعــار بيت ورا بيت
يا مصور أقسى الذكريات أمجاد

يا عايش العز لامنّك أشفيت
يا مخمد أحقاد ومشعّل أحقاد

يحق لك تفتخر لكنّك أخطيت
في ذكرك أجداد وتهميشك أجداد

نسيت جدّك هود ولاّ تناسيت
اللي عصوه عاد بجحود وعناد

يا جدنا المرسول كفّيت ووفيت
وكفاك ربك شر ذات العماد

صلى عليك الله وانت صلّيت
لرب الريح العاتيه رب العباد

علّيـت يا هود مبنـاك ودقّيت
في صخر الوفا من الصلب أوتاد

وشدّيت أطناب المروّه ووازيت
لها أطناب الموده قطيبات وشداد

واجهرتنا بحكمتك يوم نصّيت
عمود البيت قحطان شيخ الأحفاد

علويت يا قحطان مبناك واضويت
اسواره بقناديل حكمه وإرشاد

ارشدتنا ونوّرتنا يوم وصيت
بالوصل وترك الحسد وبالرشاد

وخلّفت ربعي اللي بهم شديت
ظهري في زمن جلّاد واصفاد

قحطان ربعي اللي بهم غنّيت
تاريخهم أمجاد وحاضرهم أمجاد

أهل الكرم والجود طيبين الصيت
من دونهم روحي وعالموت ورّاد

في عزهم شامخ ولا يوم ذلّيت
وانا لهم سيـف ودرع وزنـاد

ياما على الحاقد ردّيت واشفيت
غليل قومي على روس الأشهاد

ولو انها بكيفي كان سـويّت
لهم من وجيه الحاقدين سجاد

اهل الحميه ما نخاف الطواغيت
نقدم على الموت جماعات وافراد

يالله طول العمـر لاني لو افنيت
عمري لهم شعر ما اوفيت الأجواد

أبــومبارك الـعـابسي
19-04-2008, 08:39 AM
صح لساااااااااااااااااااااااانك



وعلا شااااااااااااااااااااااانك


وسلم بناااااااااااااااااااااانك


قصيدة جزلة وبيض الله وجهك

عبدالله السحيمي
19-04-2008, 10:29 PM
ارحب يا بندر

حياك الله معنا في شبكة قحطان

بين اخوانك وربعك

وصح لسانك على القصيده التي تفوق الروعه

ولاتحرمنا من تواصلك

اخوك/عبدالله السحيمي

فلاح القحطاني
19-04-2008, 10:48 PM
صح لسانك يابندر

قصيدة كافية ووافية

بندر بن ماعز
21-04-2008, 04:56 PM
صحّت ابدانكم

أعتزّ بكلامكم والله يوفقكم