المساعد الشخصي الرقمي

مشاهدة النسخة كاملة : نوري المـــــالكي


خولان بن عامر
08-04-2008, 05:56 PM
السلام عليكم ورحمة الله وبركاته


اعذروني يالربع على هذه الخاطره فوالله انها من ما اشوف من مايفعله في شعب العراق المسلم
عبر وسايل الاعلام المرئيه والمقريه والمسموعه.


يانوري المالكي عليك ما تستحق=ارضيت الاجناب وازعلت العرب كلهااا
خذيت لك بندق واعطاك بوش الفشق=وتزوم لك حملة ماتقدر تشلها
تبي الحقيقه ورب الشمس واللي خلق=ن الزعامة حرامٍ ما انت كفولها
والاسم هذا حراام انه لشحصك لبق = ابعد عن الالبه اللي جعلك افدا لها
عساك فدوة بني مالك عزاز الرفق = اللي سهوم المنايا ضدك تسلها
والا انت قدرك يانوري المالكي في ( عقق ) =لاتدعي بالعروبه زلها زلها
انهيت شعب العراق اللي عليك اتفق=ضدك على السلطه اللي بيحّت غلها
ثلثين ماتوا وثلثٍ عايش في قلق= ولا خير في ديرةٍ من سادها ذلها
الشعب منك انقهر والنفط منك احترق=وامجاد بغداد والبصره وبابل لها
ذليت شعبِ على درب الشجاعة سبق=قومٍ زمان مضى ينخاف من ظلهااا
مكّنت منها عداها ياقليل الوفق= واغضبت عرافهااا وارضيت محتلهااا
يامجرم الحرب بعت الدم لاجل الورق=وارخصت دم العروبه خلها خلها
تقتل وتنهب وتدرق مثل منهو درق= وتقول انا اللي با اعز الدار واظلهاا
ولعت حرب الطوايف لين راحوا مرق= وتروح مع شلة الارهاب وتفلها
ياشلة كل ابوكم في الحكومة سرق=حكومةٍ والمشاكل عجزت تحلهاا

خولان بن عامر

معيض بن صميع
08-04-2008, 07:17 PM
ذليت شعبِ علـى درب الشجاعـة سبـق = قومٍ زمـان مضـى ينخـاف مـن ظلهـااا
مكّنـت منهـا عداهـا ياقلـيـل الـوفـق = واغضبت عرافهـااا وارضيـت محتلهـااا





شاعرنا الفاضل والمبدع ..

صح لســــانك .. حتى حدود أسوار بغداد وأبعد .. وبيض الله وجهـك ..

هنا للسياسه .. حضور .. ولكن .. بشرف .. وعزة .. وكرامه .. و وعي ..

هنا للشعر حضــور .. ولكن .. مشـرق .. وراقـي .. وجـزل .. وأصيـل ..

شكراً جزيلاً .. على هذه الرائعه .. شاعرنا الرائع .. ودمت بألف خير ..


تقديري ،،

عبدالله السحيمي
09-04-2008, 02:08 AM
السلام عليكم ورحمة الله وبركاته

صح لسانك ياخولان

على القصيده كلمة رائعه قليله في حقها

لله درك يا خــولان

اخوك/عبدالله السحيمي

بعيد المدى
09-04-2008, 03:43 PM
الله يصح لساااااااااااانك


رائع ومبدع يابو نايف


صح لسانك مرة أخرى


وتقبل تحياتي

سعيد الجهيمي
10-04-2008, 04:14 AM
السلام عليكم


الله الله

صح لسانك وعلا شانك وعلى الاخرى عانك


ابداع يا ابن شتوي متواصل
والله يخزيه ذا الهلامه نوري المالكي وينصر اخواننا السنه في العراق


لا هنت ولا تحرمنا من جديدك يا مضواح

أخوك البشري

معيض بن دشن
10-04-2008, 05:24 AM
خولان بن عامر صح والله لسانك مليون مهما قلت إنك مبدع فلن اوفيك كلمات معنى الابداع شاعر يحمل هموم المجتمع الاسلامي بكل المقاييس...... كتبت فأبدعت حروفٍ من ذهب ....
تقبل كل الود والتقدير يابو نايف ،،،،،

مشاري بن نملان الحبابي
10-04-2008, 12:52 PM
تقتل وتنهـب وتـدرق مثـل منهـو درق = وتقول انا اللي بـا اعـز الـدار واظلهـاا
ولعت حرب الطوايف ليـن راحـوا مـرق = وتـروح مـع شلـة الارهـاب وتفلـهـا

الله المستعان

صح لسانك ...

حسين العبدي
10-04-2008, 05:20 PM
تبي الحقيقه ورب الشمـس واللـي خلـق ن الزعامـة حـرامٍ مـا انـت كفولـهـا


ماقلت الا الحقيقه يابونواف

صح لسانك ايها الغيووور.

عبدالله بن غفره
11-04-2008, 05:53 PM
شعر أصيل وشعر يتكلم بلسان العروبه الأصيله


خولان بن عامر

هامه شعرية لا تكفيها كلمات الشكر والتقدير
بل يعجز اللسان عن كيفية تقديم الشكر والعرفان على ما يقوم به من شعر يرضى غرورنا الشعري


بيض الله وجهك وصح الله لسانك


اخووووك

شامانـ العاطفي
11-04-2008, 06:13 PM
صح لسانك يا خولان ..

وشعر جزل ..

لاهنت يا وجة عبداللـــــــــــــه ..

ولد جوف المعمر
11-04-2008, 06:40 PM
تقبل مروري



قصدة جزله


من شاعر كفو



صح الله لسانك

رائد الكيرعاني
21-04-2008, 10:06 PM
اررررررررررررررررحب يا بو ياسر بيض الله وجهك والله انك شاعر جزل ولا تجيب الا الجزل دايم لا هنت يا كحيلان
تقبل مروري

فراج بن محمد القرقاح
22-04-2008, 07:35 PM
ياسلام يابو نايف


خولان بن عامر

( ابو نايف )
جزالة معهودة لا تكفيها كلمات الشكر والتقدير