المساعد الشخصي الرقمي

مشاهدة النسخة كاملة : الجمس


مصلح المشعلي
18-06-2005, 12:41 PM
يالله يالي مكون الكون تكوين
ترزق عبادك من جزيل العطايا
يالي عبادك لك صيام(ن) مصلين
ياعالم(ن)الغيب ومافي خفايا
يالي خلقت الخلق وخلقة من الطين
ومسير(ن) الدم وسط الخلايا
ارفق بعبدن خاشعن في الصلاتين
تبعد همومي وتجلي عني شقايا
ياراكب الي من الوكاله قزوزين
رفرف ولا ركب علية الحنايا
جمس(ن) جديد(ن) من مديل الثمانين
ومتحركاته كاملات المزايا
وصفة من التمثال لاقصى الشكامين
ما يطري الا شوف قايد سرايا
ايا عطاه اول(ن) مع رمشة العين
اتقول وراد(ن) في حوض المنايا
واليا عطا الثاني وارخى على البنزين
ما رده الا جبال سبت العلايا
والا عطاه نمره اخر الترسين
مازان للسواق شوف المرايا
ياسامع(ن) هرجي عسى قلبك يلين
وتجبر بقلب(ن) باريته البرايا
انته ابوي الي على الراس والعين
مادام جدي يعطي ابل ومطايا

ابوملاك
18-06-2005, 08:45 PM
صح لسااااااانك يا المشعلي

ولاهنت .

المجهول
19-06-2005, 11:48 AM
صصصصصصصصصصصصصصصصصصح لسانك على ذي القصيده ولدعمممممممممممك المجهول العاصميد
]

تركي ال مهدي
20-06-2005, 01:15 AM
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين أرحب أرحب أرحب شكراً لك اخي الكريم على هذا المشاركة

الخنفري
14-07-2005, 04:11 PM
صح الله السانك يا وجه دهيم
على ذلقصيده الطبيه وطيب مايجي الا من اهل الطيب
اخوك الخنفري

الامبراطور
15-07-2005, 10:58 PM
السلام عليكم ورحمة الله وبركاته


رحب ارحب ارحب ارحب ارحب ارحب


الله لا يهينك يا ذيبان على المشاركه الطيبه وانت تدري ان الجمس ما هوب والله رخيص عندنا


وانت ما يا تي منك الا الطيب يا ذيبان


لك مني الشكر والتقدير

ابن عمك /الامبراطوووووور((ال فطيح المشاعله))

عبدالمحسن جفين المشعلي
23-07-2005, 08:07 PM
صح السانك ملايين وتقبل المرور والاعجاب لك .
اخوك
عبدالمحسن

مصلح المشعلي
11-08-2005, 02:11 PM
لا هنتو على ذا المرور وشكرا لكم

تركي الفهري
11-08-2005, 04:23 PM
صح لساااااااااااااانك يالمشعلي - - - - بس وش فيك ماحطيت القصيده في الشعر النبطي دامها لك

معتلي المرقاب
19-08-2005, 01:57 AM
بسم الله الرحمن الرحيم
السلام عليكم ورحمة الله وبركاته
شكراً لك اخي الكريم على هذا المشاركة

مصلح المشعلي
31-10-2006, 05:57 PM
مشكوووووووورين والله يعطيكم الف الف عافيه على المرور ولاهنتووووووووووووو

ساج الوقت المشعلي
02-01-2007, 04:12 PM
صح لسانك يابو محمد ولاهنت .....

تقبل تحياتي:

ساج الوقت المشعلي

<<آل فطيح>>

مصلح المشعلي
04-01-2007, 01:29 PM
الله لايهينك ياساج الوقت المشعلي على مرورك والله وسبعين نعم بال فطيح