رد المشعان على بن فطيس

[خالد بن حمير الحبابي]

هذا رد خلف المشعان على قصيدة بن فطيس والتي يقال انه قصدها به والله اعلم


ماني بمن ياتي على شان يدرون=انا الذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت اهايط بس لا زم تعرفون=ما زعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي
يامحمد ابن فطيس وش فيك مشحون=مااخطيت يوم اني حسبتك لقاتي
ابي اطفي الفتنه وابي انشدك وشلون=اسلم من الضيعه واجمع شتاتي
الناس معها عقل ولسان وعيون=وقدامهم كزيت يمك وصاتي
ماجيتك ببيت مع الشعر مدفون=جيتك على وضح النقا ياغناتي
ماني من اللي في قفا الناس يحكون=عيب على ألحق خويي حصاتي
اللي لياقفيت عنهم يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيت يفسر سكاتي
الله يجيبك من بعيدن ليا دون=والله يحطك باللقا من تلاتي

[كاسر]

مشكور بس ما عرفت السالفه

[محمد آل غانم]

لا هنت وخلف شاعر كبير قرم


لا هنت يالقرم

[مشعل بن هادي القحطاني]

و الله ان ابن فطيس شاعر


و خلف مشعان شاعر



و الله يوفقهم


و لاهننت على نقل القصيده و تقبل مروري

[ولد جوف المعمر]

لاهنت يالغالي

[مشاري بن نملان الحبابي]

لاهنت ...

والله يعطيك العافية ..

وخلف شاعر كبير ...

وكذلك ابن فطيس ...

[سعيد الجهيمي]

لا هنت على النقل


وابن فطيس علم وخلف مشعان علم

واتوقع ان خلف فهم المقصد من قصيدة بن فطيس انها موجه له

حيث ان بن فطيس العام الماضي قال في احدى قصايدهـ

نذرن علي اني لأسلمها الفخر وكتابه ,,,,,,,,, فوفى بوعده وعهدة ونذره

اما خلف فقد قال في قصيدتة انه انه بياخذ البيرق وتوعد بذلك ولكن لا تحضرني ابياته ولكن لم تجري الرياح بما تشتهي السفن ففهم انه المقصود

ونضل نقول العلم الوكاد عند الله ثم عند صاحب القصيده ابن فطيس


وتقبل المرور

أخوك البشري

[أبو عساف]

يارجال ماشئ حول شئ

أبن فطيس صعب منافسته

ولو أنه بس شارك بالقصيدتين الأخيره

عطوه البيرق

ابن فطيس شاعر يعجز الشعار

وخلف شاعر لكن من الظلم المقارنه بينه وبين أبن فطيس

تحياتي وتقديري

[ناصر بن محمد]

مشكور على نقل القصيدة والله لآآآآيهينك


خلف مشعآآآن شآآآعر كبير وجزل لكن طآآآح من عين الكثير من خلآآآآل الابيآآآت اللي قآآآلهآآآ واللي بذكر منهآآآ اجزآآآء تحت:

لعيون نوت وغلآة مويس
غير انطح الليل واسريبه
البيرق اللي مع ابن فطيس
مآني خلف كآن مآجيبه



انآآعليّه دين لآآآزم اوفيه
بالبيرق اللي عندكم يذكرونه



ارسلت لابن فطيس نآآسٍ توصيه
يرهي على البيرق من ازرق دخونه




وفيه بيت قآآآله في الـ 48

ترى الشجآآعة تغلب الكثره وانآآ اعطيك الدليل
الذيب يدرع فـ الغنم ولآآيحسب حسآآآآآبهآآآآ


وكآآآن مقصد خلف انه هو الذيب والشعرآآآء البآآآقين غنم


فـ قآآآم ابن فطيس وقآآآآل

الذيب كآآنه ذيب يدرع فـ الذيآآآب
ويخلي الخرفآآآن للضبع العويق



وابن فطيس لآآآيمكن منآآآفسته لآآآ من خلف ولآآآ من غيره


وخلف خرّب على نفسه وخسر جمآآآهير كثير يأبيآآآته اللي قآآآلهآآآ



وتقبل مروري مع فآآآئق الود والتقدير



نآصر بن محمد آل مهدي

[عبدالله بن غفره]

خلف شاعر كبير ومنافس قوي جداً لحمل البيرق


لآنه من وجهة نظري أرى جميع مقومات الشاعر موجوده فيه
من شعر وأدب وأخلاق وعنده روح المنافسة الشريفة وايضاً شاعر على وضح النقاء
والأسلوب اللي أتخذه طبيعي جداً وهذا حال المنافسة
لكن أستبعاده من شاعر المليون مقصود


وشكرا لخلف فقد مثل شعب المملكة بشعر راقي وفاخر


تحيتي

[جبران أبن هتلان المهداني]

أبن فطيس شاعر وأخذ البيرق بمنافسه شريفه ولو تقدم كان من نصيبه لكنه ترك المجال لغيره

وأما الشاعر الكبير خلف فله جمهوره ولكن جمهوره خذله لأنه خرج بقلة التصويت مثله مثل غيره من الشعار الكبار,,\


ولكم تحياتي

[فواز أبوخالد]

لو فيه عداله في شاعر المليووووووووون

كان أخذ البيرق خلف ...... ولايهون الفراعنة


......

[صالح بن ناعمه]

يعطيك العافيه واشوف

الشاعرين من طينة بعض...

[نيّاف]

شكراً على النقل الجميل



والله ياخوك إني أستغربت من ابن فطيس هذا الاسلوب اللي أنا متأكد إنه دخيل عليه فهو كما نعرف عنه خلوق ومؤدب ولكن بيته اللي يقول فيه


الذيب كانه ذيب يدرع بالذياب .... يخلي الخرفان للضبع العويق

كان تهجم غير مبررعلى ا لشاعر المبدع خلف مشعان بالرغم من أن خلف لم يتهجم على شاعرية ابن فطيس بل اعلن التحدي المشروع والمؤدب للجميع وخصص ابن فطيس كونه حامل البيرق

عموماً من دق باب الناس دقو بابه وكنت متوقع من رد خلف مشعان المدوووي والجارح ولكن وكعادة الكبار لم يجرح وأأكد تمكنه وبالطريقه اللي استخدمها ابن فطيس ومسك أشهر بيت لبن فطيس ليقلب عليه الطاوله

ماني بمن ياتي علشان يدرون... انا اللذي يدرون به قبل ياتي


ويوصل رسالته المؤدبه بعدها ليقول لبن فطيس


ماجيتك ببيت مـع الشعـر مدفـون جيتك على وضـح النقـا ياغناتـي
ماني من اللي في قفا الناس يحكون عيب على ألحـق خويـي حصاتـي

وهو صادق فخلف مشعان كان خارج المنافسه وقتها يعني مقفي وهذا ما أخذ على ابن فطيس المشحون


مع احترامي للشاعر الكبير ابن فطيس ولكن هذا كلام المحب العاتب

وجلّ من لا يخطئ


تحيه للجميع

[سعد الجنوبي]

الله يعطيك العافية

ووجهة نظري ان وجه امحلف شاعر جزل ولا يختلف عليه اثنين

واما قولة خلف ماجيتك ببيت مـع الشعـر مدفـون جيتك على وضـح النقـا ياغناتـي
فهي احدى ثنتن::-
1- اما ا نه عاجز عن الرد بجزالة ابن افطيس
2- واما اذا كانت هياط فبقول والله انك خبل ياخلف


ومشكور يا خوي خالد على الموضوع وتقبل مروري

[حـمـد القحطاني]

كفـو ياخلف

لكن شاف رووحه اكثر من الازم

وخاصه يوم قال (ماني خلف كان ماجيبه)

[العبدي]

خلف شاعر جماهيري

وابن فطيس شاعر عملاق بشعره وأخلاقه

وردّا على الاخ نيّاف

أين الأدب وهو ينعت الشعراء بالغنم !!



تحيّاتي

[خالد بن حمير الحبابي]

انا صراحه برد على اللي يقوول انه ماحد يقدر ينافس ابن فطيس لا خلف ولا غيره كل شاعر عنده قدره والطيب في كل محل