قصيــدة فكاهيــة عـن قضيـــة أجتماعيــــة ...

[شامانـ العاطفي]

((( اكثر من رائعه )))



شاب فقير خطب بنت عمه المليونير وزوَّد عمه الطلبات عليه فقال قصيده



وانا انقل لكم القصيده:



سبحان من يرزق بتوع الملاييـن

.............الرازق اللي ما يخيب الرجـا بـه-

لي عم عنده معـرضٍ للصواليـن

.............أموت واعرف بس من وين جابـه -

وإذا سألته قـال بعـت الدكاكيـن

.............ما يدري إني ما هضمت الإجابـه -

الشاهد إني رحت له قبـل يوميـن

.............في قصره العامـر ودقيـت بابـه -

قال ارحب ارحب عدّ ورد البساتين

................يا مرحبا باللـي لفـا يـا هلابـه -

قلت البقا عـدّ النفـل والرياحيـن

...........يا شيخ شمل اهل الكرم والذرابـه-

قال اسلم الله يحفظك لي من العين

...............وآمر أوامر حضرتـك مستجابـه -

قلت الصراحة طالبٍ قرب غاليـن

...............ودي تزوجنـي كريمتـك يـابـه-

ثنّى وقال اهليـن والله وسهليـن

............والكون ترخص لجل عينك رقابـه -

لكن ترا عندي شـروط وقوانيـن

..........قلت اشرط اشرط يا حبيب الغلابـه -

قال أولاً مهر العروسـة ثمانيـن

.............غير الرسوم وغير حق العصابـه -

والثانية عمك يبي منـك سبعيـن

...............رسم الأبـوّة والنسـب والقرابـه-

- وام العروسة حقها منـك ستيـن

..............عشانها ست الحسـن والمهابـه -

واخوانها كلن يبي منـك خمسيـن

.............عداً ونقـداً تنـدرج فـي حسابـه-

- وخواتها الخمس اعطهن من ثلاثين

..............عشان تتوثـق عـروق النسابـه -

- وتجيب طقم عيار واحد وعشريـن

............وخاتم من الماس المصفى ترابـه-

- واكياس متروسة كعوب وفساتيـن

.............ألوانهـا واشكالهـا مـا تشابـه -

- وموتر بسواقـه وفيـلا بدوريـن

..............أثاثهـا مـن بطرتـه ينحكـابـه -

- واحجز لنا قاعة بقصر السلاطيـن

.............واحجز بهـا رقاصتيـن وربابـه -

- وامنع دخول اهل اللحى والبزارين

...........واعزم أميـر المنطقـة بالنيابـه -

- هذي الشروط اللي على بالي الحين

.......وذكرني اللي ما حسبنـا حسابـه -

قلت اذكر الله يا عـدو المساكيـن

.........واستغفـره لا يبتلـيـك بعـذابـه -

الظاهر إنك منت عارف أنا ميـن

.........أنا لو ارقا فـوق متـن السحابـه -

ما جبت حتى نص درزن مواعيـن :021:

........واضحك بكيفك واعتبرهـا دعابـه-

- شروطكم هذي شـروط المجانيـن

...........شروطكم شغـل ابتـزاز ونهابـه -

- شروطكم تقصم ظهـور البعاريـن

.............شروطكـم همّـن وغـم وكآبـه -

شروطكم والله سيوف وسكاكيـن

..........تذبح بنات المجتمع مـع شبابـه -

- وين الرضا والعطف واليسر واللين

..........اللي ذكرهـا الله بمحكـم كتابـه-

- وين الصفات اللي أمرنا بها الديـن

......وين اختفى نهج النبي والصحابـه -

يا عم جعل اللي خلقنا من الطيـن

.............يرد عقلك مـن خطـاه لصوابـه -

ويجعل نصيبي عند غيرك قل آمين

........ويحسن عزا الصابر ويجزل ثوابه -

قال انت لو فكرت تفكير صاحيـن

........ما شفت في مجمل شروطي غرابه -

حنا بعصـر العولمـة والمزاييـن

..........ماهوب عصر الفلسفة والخطابـه -

الناس تسعى للرتـب والنياشيـن

..........وانت اهتمامك بالشعـر والكتابـه-

والشعر ما ينفعك لو هو دواويـن

............ما دام جيبك مثـل بيـت الخرابـه -

يا بوك لا تسمع كلام المصاخيـن

........واسأل مجرب عاش في وسط غابه -

قلت الله اكبر يا محـرر فلسطيـن

..........من يسمعك يحسبك ذيـب الذيابـه-

تراك شايب راس مالـك رياليـن

..........والبنت ما تسوى جنـاح الذبابـه -

قال انقلع مالت على وجهك الشين :017:

............لا عاد اشوفـك عندنـا يالزلابـه -

قلت ابشر ابشر لكن الباب من وين

.........واقفيت من عنده على صوت بابـه-


وتقبلـــوا تحيتـــي ..

[@تركي السنحاني@]

هههههههههههههههههههههههه

الله يلوم اللي يلومه

لاهنت يا ابو مانع دائما مبدع

[منصور العبدالله]

الله يعينه


عز الله العم الشين


فكاهيه اجتماعيه هذه الكسيده وبها جوانب فنيه وهي تعتمد على المباشره ( حركات شاعر المليون )


لاهنت ياذيبان


شامان والله حضورك عندي يوم عيد وافرح لما شفتك


الله يسعدك ويبيض وجهك والله انك قمه في اعلى قمه

[شامانـ العاطفي]

هههههههههههههههههههههههه

الله يلوم اللي يلومه

لاهنت يا ابو مانع دائما مبدع


ارحب يابو راكان..

الله يلوم الذي مثلي يلوم :cool: ..

ومن قال ماهان ..

والإبداع مرورك..

[مشعل بن هادي القحطاني]

لا هنت على القصيد الرائعه



و الله انه صادق في كل شي

و الله يعطيك العافيه

[محمد آل غانم]

والله انه ماينلام


لا هنت على القصيده الطيبه

هع هع هع هع

[جبران أبن هتلان المهداني]

تســــــــــــــــــــــــــــــــــــــــــــــــ ــــــــــــــــلم (ياشامــــــــــــــــــــــــــــــــان)

لاهنت على القصيدة الفكاهيه,,,,,,,,,’’’’’’’’’’’,,,,,,,,,,,

[سعيد الجهيمي]

لا هنت يا ابن عاطف

والله يكون في عون اللي ما قد تزوج ويرزقه ببنت الحلال اللي تضمه وتكسر ضلوعه

هههههههههههههههههههههه

والله ما ينلام ذا الشاعر في المهور وغلاها

[شامانـ العاطفي]

منصور العبدالله ــ مشعل بن هادي ــ محمد ال غانم

جبران بن هتلان ــ سعيد الجهيمي ..

اررررررررررحبوا ..

وما يعطر متصفحي الا مروركم العاطر ..

وتقبلوا تحيتي ..

[مشاري بن نملان الحبابي]

لاهنت يا شامانـ

بس أرب القصيدة ماهيب لك ...

هههههههههههههههههه

[رفيق ابو شنب]

لاهنت ياغالي
تحياتي

[أبو عساف]

قصيده وافيه وصح لسانك وعلا شانك

ياوجه الله أيش فيها من الصور الجماليه والأبداع

وآخرتها أنقلع لاعاد أشوف وجهك

ههههههههههههههههههههههههههههههه


مايلام المسكين الطلبات بتزوجه أربع

تحياتي ياشعلة المجالس

أخوك / أبو عساف

[شامانـ العاطفي]

بن نملان ــ ابو عساف .......

ارررررررررررررررررررحبوااااااااااا ولاهنتوا يطوال العمار ..