المساعد الشخصي الرقمي

مشاهدة النسخة كاملة : الشاعر : محمد بن علوش الهاجري - (ديوان مصغّر )


خالد بن شايع
30-03-2008, 01:10 PM
السلام عليكم ورحمة الله وبركاته


أسعد الله مسائكم بالخير


الكل منا يعرف من هو سعد بن علوش


شاعر مبدع مبتكر صاحب فكر راااقي .......


ومهما نتكلم عن متنبي الشعر (سعد بن علوش)


نعتبر مقصرين في حجم هذه المعضله الشعرية


تخيّلوا أن يكون لـــ ابوجابر


أستاذ في الشعر و قدوه له يتعلّم منّه الكثير والكثير


أو بالأصح كان بمثابة الأب لشاعرنا سعد بن علوش


هذا الإستاذ والأب هو : محمد بن جابر بن علوش


الأخ الأكبر في (المدرسه العلوووشيه)


وما سعد بن علوش وعبدالله بن علوش


إلا إمتدااااد لــــــ محمد بن علوش


هذا الشاعر لا يكتب إلا جزالة الشعر


له في الحكمه العديد من القصائد


وله العديد من الرواااائع التي ترتقي بسماااء الشعر


جمعت القليل من القصائد للشاعر الكبير بأسمه وشعره


محمد بن علوش


وسأضعها بين أياديكم للإستمتاع في قراءتها





اشــهــد ان الـبــنــي آدم عـجــيــب .... جـــــل سـبــحــان رب (ن) ركــبـــه

كل وصف (ن) من اوصافه قريـب .... يـشـبـه الـكــل وهـــو مـالــه شـبــه

مـتـنــاقــض مـتـســائــل صــعــيــب .... ازدواجـــــي الـطـبــايــع فـأغـلــبــه

مـر (ن) أحلـى والـذ مــن الحلـيـب .... ومـــر لــــو انــــه مــــا مـاتـشـربـه

يعـشـق الصـبـح ويـحــب المـغـيـب .... فــيــه فــوضــه وامــــور مـرتــبــه

فــي شـبـابـه وتـلـقـى فـيــه شـيــب .... واخـــذ عــنــدك مــثــالا بـأضـربــه

يعنـي لـو جبـت لـه وش ماتجـيـب .... لأعـجـبـه شــــي مــاعــاد اعـجـبــه

وأعـتـقـد مـاعـلـى الـدنـيـا غـريــب .... دام فــيــه اسـئـلــه بــــلا اجــوبـــه

هـــب مـــرداك يـــاردي الـنـصـيـب .... كـيـف تـجــرا عـلــى الله وغـضـبـه

تـســهــج الـمـوبـقــات ولاتـهــيــب .... وفيـك كـم واحـد (ن) ضــاع تعـبـه

ويـن بـتـروح مــن رب(ن) رقـيـب .... يـرقــبــك يـــــوم مــنـــت بـتـرقـبــه

فيـه عيـب (ن) يعيـب وفيـه عـيـب .... مـايـعـيـب الــرجــل عــنــه عــربــه

وجرح يبرى وجرح (ن) مايطيـب .... كـــون لاعـــرف اسـاســه وسـبـبـه

والـمـجـرب مـاهــو مـثــل لطـبـيـب .... وواصـــف الـشــي غـيــر مـجـربـه

مايخلـص طلـيـب (ن) مــن طلـيـب .... مـــن يــشــوف الـسـنــع ويـجـنـبـه

لاتبـرى صحيـب (ن) مـن صحيـب .... وابـتـعــد عــنـــه مــاعـــاد قــربـــه

كـنـه الـجـنـي الـلــي شـــاف ذيـــب .... والله مـــاعـــاد تـــقــــدر تــقــربـــه

ولو ماربي ماخلق شك (ن) وريب .... كـــــان مـافــيــه نــفـــس مــعــذبــه

واختـبـار اليـقـيـن ان فـيــه غـيــب .... واكــثــر الــنــاس فـيـهــم ذبــذبـــه

والـجـهـل هــــو مـعـانــاه الـلـبـيـب .... لأنـتـبـه والـلــي غــيــره مـاانـتـبـه






الردي منه المذمه كالمديحه ......... كل طيّب له ردي ذمه يسبّه


والقلوب المستعلّه والجريحه .......... والله ماتبرا على من لاتحبّه


والردي لابان لي منه نظيحه ......... لاعذره، ولاأعتبره، ولا حسبّه


إستريحي يالنفوس المستريحه ........ وإستشبي يالقلوب المستشبّه


لو يعوم البط ماسلمت مشيحه ......... ناقةٍ مبطي وهي معها ابو دبّه


ليت من عجز يتحاكا بالفصيحه ....... مايشرّف في الطويل ولاينبّه


ماخبرت من القبيح الا القبيحه ....... كلٍ يعود على طبعه ولبّه


يالله انك اترّيحه والا اتريحه ........ ويالله انك تشفط انفاسه ياربّه






يانفـس لا تزعليـن ولا تضيقـيـن ....منتي بنفس(ن) من انفوس الصحابـه

لامن لقيتـي ربـع مـا تستحقيـن ....من واحـدِ مرجلـة راسـه هبابـه

مثل(س) يعذره وذى طبـع المساكيـن ....فـي كـل ديـره طبايعهـم تشابـه

تحمدي دام(س) ابخير(ن) لا ذلحيـن ....غير(س) حداه الزمـان ايليـن جابـه

أنتـي تعشيـن فالواحـد وعشريـن ....قرن(ن) عسـى الله يعدينـا مصابـه

دام(س) خلقتي وعشتي عـام الالفيـن ....انسي خـراج السحابـه والسحابـه

خليه لابليـس واعيـال الشياطيـن ....أليـن يفتـح لـ(س) الرحمـن بابـه

مهمـا تشوفيـن ماكنـ(س) تشوفيـن ....حتـا(س) تنجيـن مـن جـو الكأبـه

هذا عصر تختلـف فيـه الموازيـن ....فيه التقـي ينقلـب ريّـس عصابـه

عصر(ن) هله والله ان ماهم بصاحين ....دام اختلافـه وصـل حـد التشابـه

عصر(ن) هل الدين فيه اتهمش الدين ....ينـذر بيـوم القيـامـه واقتـرابـه

عصر(ن) ويملك زمام اموره اثنيـن ....واللـي بقـى مثـل مذّنـة الخرابـه

يامشين الشين لا زيّن وهـو شيـن ....ولا قامت النفس تجلب لـه اجلابـه

والله مـاحــن ذلان ورديـيــن ....حنـا رجـالٍ لنـا عـز ومهـابـه

وشلون نحمل مسمـا إنّـا مسلميـن ....ونسيرنا بأسـم مايحسـب أحسابـه

حنـا المسلميـن وأسـلاف النبييـن ....أهل الكرم والشجاعـه والصلابـه

الصايميـن المزكّـيـن المصلـيّـن ....ذرىً ينجـي وينجـي مـن لجابـه

وراثـة الديـن وأحافـد السلاطيـن ....تاريـخ ينبيـك عـن شيبـه شبابـه

إن كانهـا بالعـدد حـنـا ملايـيـن ....حنـا هـم اللـي لا قالـو يندعابـه

والله مايضحك مـن ادمـوع باكيـن ....رجل(ن) يخـاف الله ويخشـى عقابـه

الخشم لالطم أكيـد ابتدمـع العيـن ....حتى لو انـه سبـب مابـي ومابـه

أما حيات(ن) نعيش ابهـا عزيزيـن ....ولا معاش(ن) واخّيـر النـا ذهابـه

العبد له يـوم مـال العبـد يوميـن ....كل(ن) ويومه مسجـل فـي كتابـه

وعدٍ من الله ونصر(ن) لو بعد حيـن ....مـدام معـنـا ملايكـتـن تهـابـه

متا ومن وين يالامـه علـى ويـن ....يامـن لكـم دعـوة الله مستجـابـه





لج صدري لج طرشٍ على عدٍ همل ........ يوم شربة صدّرت كل ذود لحالها


ومل قلبٍ من زمانه غدا مسكن نمل ........ من امورٍ ماتصدق لو انه قالها


وعيني اللي قدلها أشهر وماها ينهمل ....... عشرة شهورٍ وهو ماوقف همالها


والله لولا الصبر وإن عادلي في الله امل ....... يادليٍ خانة الما لجب إحبالها


خابرٍالحمل ما ينقله كون الجمل....... ومايقرب للثقيله يكون جمالها


غير لا حمل إبما لا يطيق ويحتمل........ برك بحموله ولامن برك ماشالها


يالله إنك لاتوفّق خبيثين العمل ....... يوم تجزا كل نفسٍ بشر أعمالها





اشرقي ياشمس من دون وضّاح الجبين ...... واسفري خلي عيوني تشوف عيونها

علميها انّا جنوب(ن) من الماء نازلين ….. وعودي منها لقامت تهز امتونها

هزت المتنين كنها تقول موافقين ....... لاتخونون الوعايد وأنا ماخونها

من لقاها قال يالله طلبتك طلبتين ...... خلها ليلا وأنا خلّني مجنونها

قالت شهوله تمنى لغيرك؟؟ وأنت وين ...... العرب منوين بكره وذيك ضعونها

قوم واخذ الليل بأوله كان انك فطين ..... ويش عند الناس للموت غير كفونها

حط جاشي فوق جاشك تطيب العلتين ...... خل روحي عقب روحك تزين إلحونها






يـحـسـبـون إنـي شـوي شـوي بـدلـه ..... وانا والله داري(ن) مانـيب دالـه

واهني اللي زمـانـه ماقـعـدلـه ..... لاتـعـومـس لـه شوي انساح باله

مامعه قلب(ن) يشل الهم قدله ..... من غرابيل الزمان اللي مظاله

كل ماصدّر وكنه اقفى وردله ..... مارد اللي ترهي الجمه حباله

لا بغاها عدلة ماجات عدله ...... لين قام إيشك حتى في ظلاله






لانـي بأناني ولا أحب الأنانيه .....ولانـي بمفتون في تحقيق رغباتي

ولاني بمشفوح أبي هذي وأبي ذيه .....عندي قناعه وتعجبني قناعاتـي

ومن فضـل ربي وذي نعمه الآهيه ..…قلبي غني كٍن ماتحصى عماراتـي

قلبي غناوي ولي نفسٍ غناويّه ….وماهيب تطري الحسف في فايتٍ فاتي

عندي خبر ماكتب ليّه كتب ليّه …..وأدري بأن ماكتب لي لازمٍ ياتي

ماخذ الأموور برخى وشويّه شويه …..الوقت علمني أراجع حساباتي

ومانيب حبّاب للروحات والجيّه …..في المجلس أرتاح وأقضي معظم أوقاتي

مابين عود وشحـم ودلال بريّه …..وجمعى ارجالٍ يسدّون المهماتي

وعن من تمنّا ولا حقق تمانيّه ….. يالله عساني بك الحق باقي امناتي

العين شرهه ولي نفسٍ رهاويّه ….. ترهيني الحق علي باقي طموحاتي

ولايمكن أضحك وأجامل ناس معنيّه …..حتي لو أنها تلدد بعض حاجاتي

وماعرف في كل يوم أعيش شخصيّه …..وعلي المصالح ماحب أبني علاقاتي

وماني بأخطط علي الأريا الدناويّه …..حتي ولو خابت ظنوني وهقواتي

أشوم واللي تلوآ له ملاويّه …..ومعذره يوم عجز يسوي سواتي

ومن فضل ربي لاشفت عباد مبليّه …..تطري عيوبي علي وأشوف زلاتي

من شاف غيره تهاونها بلاويّه …..والكامل اللي رفع سبع السماواتي

الله عطاني كرم طبع وحسن نيّه …..هذي طبوعي مع الناس ومع ذاتي

هذي طبوعي سواءٍ زينه أو سيّه …..أنا كذا هذي عيوبي وميزاتي

واعيب من بالقفيّا ترقل إلحيّه …..ومع الطراقي علومه تاتي افواتي

ولعلمه إني لو أكوي بنجح الكيّه …..ساكت ولايحسب أنه إبيطول سكاتي

أنا صديعٍ لمن خابت هقاويّه …..في واحد او فألف لاساوم ولاأحاتي

أبيعهم بيع جمل وبيع كميّه …..حييّن وأعدهم في أعداد الأمواتي

وأن جات للشـعر يعني عشره في الميّه .....مع إني أعتبره من افضل هواياتي

أسبح بحوره وتطربني معانيّه …..ومع من أغلي وأحب أذخر مهاراتي

إلاّ لمن لحقت الأشيا الضروريّه …..أقدم ولايمكن أرجع في قراراتي

لامن قريت ولقيت بيوت مخفيّه …..في وسط بعض القصايد في المجلاتي

لامن تأكدت بإن هو،، هو وهي ،، هيّه …..أنسي النسب والهوايه وأسـمع الآتي

والله يوم أعتمدهـا للأهميــّه …..إنها عن بيوت غيري تفرق أبياتي

خصٍ لمن الزعــل بانت مواريّه …..ومن الزعل كأنها كثرت حركاتي

ياويــل من ساقته الأقدار في إيديّه …..والله إن يقفي إقفاية ميتٍ مــاتي





مـالـلـه بـكـاتبٍ لـعـداي مـاهم يـبون ........ عادنا في العرين ومحتمين جسده

يحسبون إنهم بأردى ماهم يعملون ……. يستطيعون هدم أقلاعٍ مشيده

اعلموا واخبروا وادروا مالا تعلمون…….. انكم من ثمان شهور في المصيده

ياضعوف الروابع قبل لاتفرحون ……. كل منكم مكانه لاوقف يقعده

غنت ام الطبول وجت بكم ترقصون ……. ماقعد مارقص واحد ولا وحيده

ول ياقوم موسى ساء ماتصنعون…… كل منكم جمع شرٍ يفوق عدده

مايروب أزرق الما لوغشته المزون…….. لو يكب السما ماه ويفك برده

وشتحسبون يالحمقا أو شتحسبون ؟……. عاد جرب الركاب بعقل ومقيده

تحسبون الرجال بتامن اللي يخون ؟ ....... جبتوا العيد زين العيد يامعيده

اغبيا ميتين قلوب مايفقهون ........ ان مالله يوفق عبد مايعبده

يمهل الله ولا يهمل لمن يفسدون ....... من زرع شر لامنه حصده اوجده

الذكا في خبيث الطبع يرث جنون ....... وطاهر القلب يرقد لاهجد مرقده

من عمر قلبه بالايمان ماجاه لون ……. وحاسد الخلق ماياكله كون حسده

ومن بغى الشر يبشربه وهم يبشرون……. ومن بغى الخير يبشربه لانصى بسعده

انا لله وانا اليه لاراجعون…… عالمٍ معتر فنابه وما نجحده





مالوم المولع لأعتزل من جميع الناس ...... علشانها خلا الحبايب وخلانه

ليا شفتها فالروض مادكّ بي عوماس ...... ادوه واترجح بالمغاتير رمانه

تفرد مع الطياح لا وصلت المرواس ...... وتلفّت على الراعي ليا دكّ حيرانه

ليا سمعت الدواه كنها تحس احساس ..... تلفّت على صوته وترجع علشانه

عسا لايمي في حبها يعلن الافلاس ...... تراكم عليه الدين وأذاه ديانه






يالله لطفك وحسن الخاتمه والثبات ...... والعفو والعافيه ومحتوياتها

يا فارج الكرب حلال أصعب المشكلات ...... يا ملبّي الخلق لاجاتك دعاواتها

يا جاعلٍ كل جمعى تاليتها شتات ....... يمّشتت جموع خلقك جامع شتاتها

تعين من حس بأنه مات قبل الممات ....... من سابقات الأمور ومستجداتها

وأطلق لك ايديه يا واحد بكل الجهات ...... ظاقت به الأرض بأربعة اتجاهاتها

امجار ياقلب في نصفك ومافات فات....... دامك سمحت اقلب الصفحه بسياتها

لق ظهرك للمقافي وانطح المقبلات ....... باللي بقى منك والدنيا بدوراتها

عادك رجى ثاني أكبر زينةٍ في الحياه ....... ومثل ماقصرت عوضها بما فاتها

ايلين يوقظ لك الله عقب طول السبات ....... حقيقةٍ ضيعتنا في متاهاتها

دامه يفضل على الصدق الصحيح السكات ....... آخير من كثر حكي العالم سكاتها

من أعضل المعضلات توضح الواضحات ....... مصيبةٍ حلها منها وفي ذاتها


ولمشاهدة بعض من القصائد المرئيه للشاعر : محمد بن علوش

تجدها في المجلس الصوتي

محمد آل غانم
30-03-2008, 01:51 PM
لا هنت وبيض الله وجهك



انا اشهد انها مدرسه علوشيه شعريه كبيره


لا هنت

خالد بن شايع
30-03-2008, 03:54 PM
لا هنت وبيض الله وجهك



انا اشهد انها مدرسه علوشيه شعريه كبيره


لا هنت



ولا تهوووون ،ووجهك أبيض يـــ محمد آل غانم


وآل علوش يستاااااااهلون الرااااايه البيضا في كل علم طيّب <<< (ياجعلني فداااااهم)


وكل الشكر يا محمد على المرور الجميل


وهذا عادتك دائما سبّاق في علوم الطيب

سيف بن شايع الكدادي
30-03-2008, 04:50 PM
لاهنت يابو شايع

عز الله انك ماقصرت

... انا متابع للشاعر محمد بن علوش ولكن ما قدرت اجمع له شي
اما انت ماشالله ماخليت له شي...

لاهنت مره ثانيه
وتقبل تحيات اخوك

سيـــف الكدادي

خالد بن شايع
31-03-2008, 01:29 AM
لاهنت يابو شايع

عز الله انك ماقصرت

... انا متابع للشاعر محمد بن علوش ولكن ما قدرت اجمع له شي
اما انت ماشالله ماخليت له شي...

لاهنت مره ثانيه
وتقبل تحيات اخوك

سيـــف الكدادي



ولا أنت يـــ سيف الكدادي


وهذا أقل مجهوود في حق هذا (المدرسه الشعريه)


واللي مثلك يستاهل من العلوم هاذي وأطيّب


ولاتهووون وكل الشكر على المرور الراااائع

جبران أبن هتلان المهداني
31-03-2008, 01:43 AM
لاهنت على الديوان المصغر لأبن علوش

خالد بن شايع
01-04-2008, 12:01 AM
لاهنت على الديوان المصغر لأبن علوش


ولا تهون يــــ ابن هتلان


ومشكوووور على هذا المرور الجميل

عون الرفيق
01-04-2008, 01:18 AM
خالد بن شايع الله يبيض وجهك عز الله انك تجملت فيني حيث اني استمتعت بكل حرف في كل قصيده ومحمد واخوانه انا مسميهم من مبطي ملوك الشعر

مشاري بن نملان الحبابي
01-04-2008, 05:04 PM
بيض الله وجهك يا أبو شايع ...

على جمع هذي القصايد الجزلة ...

ومحمد ابن علوش شاعر كبير ...

لاهنت ....

والله يعطيك العافية ...

متألق دائماً في حضورك ومواضيعك ...

ما تجيب إلا الجزل ....

تحياتي

أخوك

مشاري بن نملان الحبابي

خالد بن شايع
04-04-2008, 10:09 PM
خالد بن شايع الله يبيض وجهك عز الله انك تجملت فيني حيث اني استمتعت بكل حرف في كل قصيده ومحمد واخوانه انا مسميهم من مبطي ملوك الشعر



وجهك أبيض يـــــ عون الرفيق


والجماله محسوبه لــ محمد بن علوش هو اللي أتحفنا بهذا الإبداااااع الشعري


وبالفعل آل علوش يعتبرون من آسياد الشعر ،بل يفتخر الشعر بهم


اخوي عون الرفيق


لك جزيل الشكر على المرور الراااائع

خالد بن شايع
04-04-2008, 10:20 PM
بيض الله وجهك يا أبو شايع ...

على جمع هذي القصايد الجزلة ...

ومحمد ابن علوش شاعر كبير ...

لاهنت ....

والله يعطيك العافية ...

متألق دائماً في حضورك ومواضيعك ...

ما تجيب إلا الجزل ....

تحياتي

أخوك

مشاري بن نملان الحبابي



وجهك أبيض يــــ بن نملان


ولا تهون وجعل ربي يطوّل بعمرك سنين


ولا عليك زود في العلوم الطيّبه ولك حضورك المميّز


أشكرك يـــ مشاري


على المرور الأكثر من رااااائع

عبد الملك المذحجي
05-04-2008, 01:48 PM
شكرا جزيلا

خالد بن شايع
05-04-2008, 11:36 PM
شكرا جزيلا


العفووو يـــ عبدالملك

والشكر لك على المرور