المساعد الشخصي الرقمي

مشاهدة النسخة كاملة : حـامــد بــن مـايـقـه ** والـعـتب الرّاقي


العبدي
29-03-2008, 11:40 PM
هذه قصيدة للشّاعر الكبير \\ حامد بن علي بن مايقه الحبابي

ومناسبة القصيدة أنّ هنالك قصيدة للشّاعر حامد نشرت في أحد الصفحات الشّعبيّة بإحدى الصحف

والتي يشرف عليها زميله الإعلامي الشّاعر حمد محسن النعيمي وكان هنالك خطأ مطبعي بالقصيدة

فما كان للشّاعر حامد إلا ارسال قصيدة عتب لزميله

************************************************** ****


قولوا لبو محسن بالأبيـات غلطـات=الها تغيّب وين حرفـه مـا شووفـه

ما هو بحـق ٍ ياعشيـر الخونـدات=وانت الأديب اللـي يرتـب حروفـه

النقص ما يصلح على الشعر بالـذات=لي قطع راسه مـن علابـي كتوفـه

وان قطع راسه مات وان مات ما فات=تبقـى تعاليـق الخلايـق تحـوفـه

والناس وان شافوا على الرجل زلات=ما عاد يبقى فـي قصيـده طروفـه

واللي يطرش لي بيـوت وعبـارات=ما رتـب القيفـان مكـرم ضيوفـه

والحر يالضرغـام يفهـم الأشـارات=وان شاف عنوان الخطا مـا يطوفـه

وانا على مـا قيـل مانـي بشمّـات=ادرى رفيقـي واتفـقـد ظـروفـه

وان زل ما زليت وان جـاب دانـات=يتعب عليهـا مـن تعابيـر جوفـه

وانا على الدانات عنـدي مغاصـات=الغـوص فيهـا والبحـور معروفـه

مابين ساحلنـا وساحـل الأمـارات=يـوم الطواشـه والتعـب والنكوفـه

والبوم والنهـام والغيـص ينشـات=والسيب مـن حبلـه تقطـع كفوفـه

والنوخذا يسري على النجـم مابـات=يرفـع شراعـه والهبايـب تلوفـه

واليوم سووهـا جسـور وعمـارات=خير ٍ عسى الله مـا يغيـر وصوفـه

في نعمـةٍ كبـرى والأيـام عـدلات=وقلـوب قادتنـا علينـا عطـوفـه

من عقب وقت ٍ مرنـا والصعوبـات=وايـام فاتـت مـا عليهـا حسوفـه

والشعر له ميزان وعقول واصـوات=تدجر على فنـه وعرضـة سيوفـه

الشعر الأول لـه فحـول وزعامـات=ناس ٍ قمرهـم مـا تواجـد كسوفـه

عنوانهـم يبنـي رمـوز ومقامـات=وافكارهـم تاخـذ عليهـا بـروفـه

متفرديـن ٍ بالبـيـوت المهـمـات=رمز القصيد الفـذ واجمـل صنوفـه

واليوم صار الشعر تلقيـط واحتـات=قلـت سمينـاتـه وزادت ضعـوفـه

ينشر على صفحات بعض المجـلات=شعـر ٍ يسمونـه قصيـد العلـوفـه

ولا على شاشات بعـض المحطـات=من شان عشـاق القصايـد تشوفـه

اللي تبث اسفافها من عـرب سـات=الله يوطيهـا مصـايـب حـذوفـه

ياهـل البيـوت الطيبـه والمـروات=مافات مـن ذيـك القصايـد ذلوفـه

بالله عيـدو لـي بيوتـي سليمـات=ان كان مـا يوجـد عليكـم كلوفـه

محمد بن حامد بن مايقة
30-03-2008, 03:15 PM
أرحب يالعبدي ....

بيض الله وجهك يالذيب عداد السيل....

الله لا يهينك على القصيدة...

وتقبل تحياتي...

عبدالله بن غفره
30-03-2008, 05:53 PM
قصيدة رائعه جداً

تحمل في طياتها العتب الراقي والغير جارح

حامد بن مايقه إستاذ عالي جداً في الأدب والأخلاق والدليل معاتبه لزميلة بهذه الشامخه بشموخه وعلو هامته


العبدي
بيض الله وجهك على نقل هذه القصيدة الجميلة جداً


ولك مني جزيل الشكر والتقدير

العبدي
30-03-2008, 06:14 PM
أرحب يالعبدي ....

بيض الله وجهك يالذيب عداد السيل....

الله لا يهينك على القصيدة...

وتقبل تحياتي...

ووجهك أبيض يا بو حامد

ولا سوّينا شي

وشاكر لك مرورك

العبدي
30-03-2008, 06:15 PM
قصيدة رائعه جداً

تحمل في طياتها العتب الراقي والغير جارح

حامد بن مايقه إستاذ عالي جداً في الأدب والأخلاق والدليل معاتبه لزميلة بهذه الشامخه بشموخه وعلو هامته


العبدي
بيض الله وجهك على نقل هذه القصيدة الجميلة جداً


ولك مني جزيل الشكر والتقدير



ووجهك أبيض يا بو غادة

والشكر لك على المرور

تحيّاتي

مشاري بن نملان الحبابي
30-03-2008, 06:47 PM
قصيدة جميلة ...

بيض الله وجهك يا بو علي ...

والله يعطيك العافية ...

العبدي
31-03-2008, 10:02 AM
قصيدة جميلة ...

بيض الله وجهك يا بو علي ...

والله يعطيك العافية ...


هلا يا مشاري

ووجهك أبيض

والله يعافيك , وشاكر لك المرور