صووور حصريه لــ (( ابوجابر+ منصور العبدالله + آل معمر + سعيد الجهيمي ))

[عبدالوهاب آل راضي]

بسم الله الرحمن الرحيم



السلام عليكم


صبحكم الله بالخير \ مساكم الله بالخير



وش حالكم يا رجال


وش علومكم










يالربع الوقت اللي مر على الإستراحه خاصة من سنه وجااي


كان من احلى ايامها


كنا اول ما ندخل الشبكه نرووووح اول شي للإستراحه

نشوف الجديد من صوور ومقاطع ومواضيع شيقه



وردود زاحفه وطائره


وأشيااء جميله




بعدين صار مزح بين الشباب وانا وااحد منهم


وكانت الأمور ممتازه

لأن كل شي كان في حده ولا به خلاف


لاكن عقبها صارت الدعوى واسمحو لي على ذي الكلمه سماااجه



لأن الشي لا زاد عن حده ينقلب


لا مانع من المزووح و (( التخبااال ))


لاكن على أشياء حلووه











ملاحظه :



الر أي شخصي


وانا قابل الشجب والإستنكااار وأيضاً المدح والتأييد





ومن ناحية الصوور قريب ان شالله <<<<<<<<<<< ما اسرع هع هع هع





تحياتي لكم جميعا ما عدى .....



ولا تدرون لكم كلكم ما لها داعي

[صالح السنحاني]

ياخي انشهد انك ساااااااااااحر




كيف عرفت باللي في خاطري؟


والله كنت اكلم تركي عن هالشي


وانا الصراحة اشوف انها سمجت

وطالت وشمخت << ما اعرف ايش معناها بس سمعتها :)

الا وش اخبار الحرب؟ << ماسرع؟

:)



جعلي ما اعدمك يبو علي

تشكراااااااااااااااااتي

[مشعل بن هادي القحطاني]

يا الربع و الله الدعوى مزح


و اضحك للدنيا تضحك لك


و لاهنت و تقبل مرررررررررورررررررررري

[@تركي السنحاني@]

يا هلا و غلا بالغالي

لاهنت فديتك

و انا اضم صوتي لصوتك يا عبدالوهاب و صالح

و خاصه اني انا من ضحايا هااذي الحرب

لاهنت على كل حااااااااااال

[مشاري بن نملان الحبابي]

ايش أخبار الحرب يا أهل الشرقية ...

[@تركي السنحاني@]

هههههههههههههه

((اعصد له))

ترا عادي نمزح بحدود و في اوقات معينه مو على طووووووول يا مشاري يالغالي

[محمد آل غانم]

ارررررررررررررررررحبوا


الله حيهم


والله انا من وجهت نظري

ان المزح حلو ومتقبل من الكل


وانا اقول المزح بحدود كما تفضل كل من قبلي


بس سواء مزح او مافي مزح

تضلون كبار بأعين الذين يرونكم ويستمتعون بمزحكم الطيب المحدود



فلسفه

خخخخخخخخخخخخخخخخخخ


اراء حلوه

وكل واحد يعطينا رايه بها


لا هنت يابو علي


ولا اقول




وش اخبار الحرب؟؟؟؟؟؟؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!

[@تركي السنحاني@]

ههههههههههه

((اعصد له)) بعد

[محمد آل غانم]

ههههههههههه

((اعصد له)) بعد




ماعندك كبدة حاشي

طيب

خخخخخخخخخخخخخخخخ

اعصد له

[عبدالوهاب آل راضي]

ارررررررحبوا جميع


يالربع انا ما قصدي ما نمزح


بالعكس تخيلوا الإستراحه بدون مزح وخبال ما تصلح بريال


لاكن موهب بزيااده


الشي لازاد صار سماجه





لاتنسون ان حن في شبكه رسميه يعني

الواحد له معارف واقرباء بيفهمون الدعوى غلط



يعني يالربع بالعربي خفو الرررررررررررررررررمي






اضرب لكم مثال من امثلة السماجه



الحين انا نزلت موضوع جدي ابغى ارائكم فيه وابي اناقشكم فيه


يجون بعض الشباب خفيفين الدم اللي ما شالله عليهم



ينكتون انا بغيت اموت من الضحك عليهم ماشالله تبارك الله



الله لا يضرهم ................







\





هع هع هع هع هع خربهاااااا



لاوالله يالربع والله اني صادق تراكم سمجتوها وخربتوا علينا الإستراحه

[محمد آل غانم]

صدقت اخوي عبد الوهاب

لازم في بعض لمواقف الجديه


لكن لاباس ببعض المزح


الله يوفقكم جميع

اعذرنا على كثرة المرور

[عبدالوهاب آل راضي]

اقول يابن عمي انت وافي ولا فيك شكه


مرورك شرف لي



يعني تقدر تمر مره ثالثه هع هع هع

[@تركي السنحاني@]

جعلني ما اعدمك يا ابو علي

و الله انك وافي

و تعرف وش صار بيني و بينك على التفون من كلام علشان الاستراحه و تطوراتها


و على فكره ترا ولد عمي

يسلم عليك واااااجد

[سعيد الجهيمي]

شوهد مع الشكر ,,,,,


صوره مع التحيه لكل من :

ابو جابر
منصور العبدالله
آل معمر <<<<<<<<<<< مسكين الرجال دخلتوه في شئ ماله به خص لكن اشوف ان طعم
وعلى قول المثل اياك اعي وافهمي يا جارهـ
سعيد الجهيمي


لكن كل محارب ناجح وهذا يكفينا ..,,,,

واعترافات بعض المعارضين من الشيعه تغنيني
هههههههههههههههههههههه

لازم من الخويش والله انكم وثرتوا به ودكم الحين ولا بعدين

نسيت صورة الاصل لازم ترسلونها لــ الشيخ ابن دليم والصوره طبق الاصل لــ الأداره الموقرهـ ,,,,,



المجاهد في أستئصـــال السماجه / سعيد الجهيمي

[عبدالوهاب آل راضي]

اررررررررررررررحب يابو حسين


انت صادق لابد من السامجين اللي مثلك عادي ما حن بقايلين لهم شي


لأنه ميهب مستغربه منك ومن شرواك


خخخخخخخخخخخخخخخ


ابوحسين خذ راحتك وانا بعد لابد من السماجات

لاكن ما هيب على احد بعينه


وعفاك





سعيد حرام لاقد ما تسمع الكلام ان قد اوصلك لجده











وحب على خشمك

[حسين فارس الفحوس]

شوهـــد في الأستـــراحـة سمـاجة قويـــة ...

1) ـ ... تركي السنح ــاني .

2) ـ ... عبدالوهـاب آل راضي .

3) ـ ... مـاجد الخليفــي .

4) ـ ... أبو جـابر القحط ـاني .

5) ـ ... إلخ


صراحتــا : لاحـــد مني يزع ـــل ... وأنا أتقبــل آرائكـــم بكـل تقديـر و أح ــترام ...

والشئ إذا طـال ... يسمـــج >>> وبقـــوهـ ...

هذا والله أعلـــم ... أن أصبــت فـ من الله ...

وأن أخطئــت ... فـ من نفسي و الشيطــان ...

وأتمنـى أن ماحد يزع ـــل مني ...

فائق التقديــر و الأحـــترام لصــاحب الموضوع ... حسين فـارس الفحوس .

[عبدالله آل عباد]

على ماقال أبن شايق


والله أني مستحي لاقول حاجه

كلمة الجاهل من العاقل سماجه

أخر الدنيا فقس بيض الدجاجه

الله أكبر يا عبدالوهاب الراضي <<<< هذي ماقالها


يعني أنك منت بسامج




رساله ألى كل المناضلين أمثالي والمحاربين الصادقين لمشكلة السماجه في الاستراحه

عليكم وهل مجالس الاتصالات

تروهم ألي يبون يدمرون الاستراحه علشانهم طفشو من مواضيع بعض هناك

هذا ينزل موضوع وهذا يرد عليه

وهذا يرفع الموضوع بعد فتره

وهذا يعيد التعليق عليه <<< ألافنه جديد



ألي مستغرب كيف طلع من بينكم يا أهل ذيك المجالس أبن خضير

القلب النابض للموقع

[سعيد الجهيمي]

عبد الوهاب هذا الموضوع اللي منزله ترى ما هو منك وانا متأكد من الشئ هذا واعرفك زين
صدقني انك مغير مسوي نسخ ولصق له ؟؟؟؟؟
او مطلوب منك ان تكتب عنه ,


وأصلاً اللي يصير بيننا كلنا تعرفون انه مزح وضحك ومحبه ومعزهـ وخارج من القلب وفوق يعني النيه صافيه

لكن اللي يبغى هذا الشئ لا عاد يفتح على نفسه مجال ,,,,


واللي بيقعد معنا من السامجين امثالي وامثال ابو جابر ومنصور وطقتنا اما ان معنا والا يعدل من ذا الدرب .

ان كان الموضوع جدي وهذا الواضح منه

فالرساله واضحه للجميع ,,, وسلامتكم

[@تركي السنحاني@]

لاهنت يا يا عبدالوهاب


و كلامك مفهوم طاااااااااال عمرك


حسين اشكرك على صراحتك

[عبدالرحمن المشجري]

ابوعلي

جبتها عل جرح

والله انك صادق

ليت الايام الي راااااحت ترجع

اضم صوتي لاصواتكم جميعا

تحت شعار (( لا والف لا للسماجه بالاستراحه ))

تحياتي لكـ

[@تركي السنحاني@]

يعيش يعيش يعيش

ههههههههههههههههههههههه

يعطيك العافيه يالمشجري

يعيش

[منصور العبدالله]

السلام عليكم ورحمه الله


مدري حاط العنوان صور لأبو جابر وانا وسعيد الجهيمي وال معمر


يعني حن السامجين ولا وش السالفه


طيب دخل معانا واحد منكم ياهل الشرقيه


بالعكس انا ماشوف سماجه ابد المواضيع ياشباب ماتتحمل كل هالحساسيه


انت رايق امزح وسولف ونعرف بعض زين وماعمري شفت مزح وحتى لو سامج يجرح أو يزعل


وعلى فكره فيه ناس تمزح بدون سماجه وكلامه حلو ويضحك وهذا هو المطلوب


وفيه مزح ثقيل دم وانا معك ياعبدالوهاب انه سامج وماله داعي


يعني تعتمد على الشخص نفسه


بعدين ياشباب حن نجي علشان ضايقه خطرنا ونبي نفرفش ونغير جو وهذا هو المطلوب


انا ماراح احط ولا اشرط شيء معين كل واحد وذوقه واسلوبه في المزح


ومتأكد أي شيء يزيد عن حده ينمل منه علشان كذا امزحوا وسولفوا بس بخفة دم



شكرا اخوي عبدالوهاب والله يعطيك العافيه


لك حق ان تبديء رايك فنحن هنا اخوه وجميل انت نتكلم براحتنا ونصحح اخطائنا


وطبعا هذا من طيبك يابو علي

[عبدالوهاب آل راضي]

السلام عليكم


ارررررررحبوا جميع


واشكركم على المرور وابداء ارائكم



يالربع انا ما اقصد ان حن ما عاد نمزح ولا نتخبل على بعض بالعكس المزح زين خاصة اذا كان مع اخوان غلاه شرواكم



ولابه حد زعل ولا به حد تضايق ولابه حد جرح حد <<<<<<<<<<<< كلها حد حد



المهم



لاكن المقصد ان حن نخف ونوزع الخبااال










سعيج الجهيمي تكلم بصرااحه وقال انا اعرف من انت تقصد يا عبدالوهاب


وهو كلامه صح



ابو جابر والله ما ادري وش قصدك بالمواال اللي انت كتبته لاكن لو مانيب ارعفك زين ولو انه وااحد ثاني اللي كتبه كانت صاارت علووم
لاكن انت تموون





تركي السنحااااني انت المقصد من الموضوع وانت عارف ذا الشي واكثر الشباب عارفين



ابو نوااااف انت جبت زبدة الموضوع واللي انا ابي اوصل له


يالبى قلبك يا شيخ

لو اني داري كان كلمتك بالتلفون وعلمت لك وخليتك تنزل الموضوع




حسين الفحوووس


الله يسامحك يا شيخ


واعذر لنا انا والشباب ان كان حن سمجنا جوك وخربنا عليك الإستراحه






هذا وسلامتكم

[@تركي السنحاني@]

عبدالوهاب

و

سعيد


ترا المقصود من هذا الكلام ليس انا بحد ذاتي و لا فلان و لا علان

الكل يمزح و ياخذ راحته لكن بحدود و انا اخوك

و ترا البعض من الشباب يتضايق من المزح لفتره معينه بسبب فترتها الطويله و يمكن انت بعد المقصد من الموضوع يا عبدالوهاب

لذلك تبغا نمزح ما عندي اي مشكله لكن بحدود


تبي الصدق موضوعك ساااااااامج
ههههههههههههههههههههههههههههه

[هبشان]

سبحان الله ....


الظاهر انك خلقت انت والسماجة سوا

[حسين فارس الفحوس]

حسين الفحوووس


الله يسامحك يا شيخ


واعذر لنا انا والشباب ان كان حن سمجنا جوك وخربنا عليك الإستراحه



وقف عند هاذي النقطــــة ... الأســـتراحـة ليســـت لي فقــط ...

لكــن شباب الأســتراحة منهم أنا ( ولن أزكي نفسي ) ... تعدينـا الحدود ... ولكل شئ حـد معيـن ...

واحد من الجمــاعة ... شاف رد لي على واااااحد من الموضيع ... وزع ـــل مني ... ليـة ؟؟؟ ما أدري ...

أرجوا ... من الشبــاب مايلي ... ::: ...


1 ) التنكيــ ت على بعــ ض ماله داااااااااااعي ...

2 ) الموااااااااضيع المتكــــررهـ ... حفظتهـــا ...


وأرجوا أن تفهـــم وجهـــ ت نظـــري ... فقط لاغيـــر ... حسين فارس الفحوس

[@تركي السنحاني@]

لاهنتوا يالغلاه


و ان شالله ان الموضوع انتهى


هبشان

سوال من تقصد بردك الاخير؟؟؟؟

[منصور العبدالله]

الله يعطيكم العافيه ياشباب


الرساله وصلت والكل فهمها ولاودنا نوسع الموضوع اكثر من كذا


اشكر ابو علي على إنسانيته واشكر الشباب على تفاعلهم


بيض الله وجيهكم