سؤال اخر ... !!!!

[ماجد الخليفي]

السلام عليكم



http://www.qahtaan.com/works/up/get.php?hash=13fgijqstw1206536388 (http://www.qahtaan.com/works/up)



في هذه الصورة تشاهد كاونترات المحاسبين في يسار الصورة في اسواق السوبرماركت اليابانية ...

اما على اليمين تشاهد طاولات اخرى بعد المحاسبين ...


ما الغرض منها ...؟؟؟؟

[مشاري بن نملان الحبابي]

يمكن تكون للمعاليق حقت الملابس ...

يقطونها فيها ...

[سلمان آل سعد]

أتوقع يا ابوعصام أنها للتشييك على تاريخ انتهاء الصلاحية لكل منتج أو أنهم حاطين لها قطعه لأنذارهم في حالة عدم الدفع مثل (سيتي ماكس).


هذا اللي عندي واتمنى ان يكون تخميني في محله.





.

[@تركي السنحاني@]

انا اضم صوتي لصوت اخوي ال سعد


لاهنت يا ابو عصاااااااااااااام

[هبشان]

أسئلتك غريبة عجيبة

والاجابة ...؟؟؟

مبدع يبو عصام ..وتستاهل حلاوى

[عبدالرحمن المشجري]

والله يا قلبي

يمكن للي معه اقل من عشر قطع علشان لا يصف سرى

ننتظر الاجابه

[ولد جوف المعمر]

ممكن علشان customers


يدققون بعد المحاسبين



هذا في رأيئ

[العبدي]

ومع ولد الجوف

وشووووكرن

[خالد العاصمي]

حلوه يابو عصام --- لاكن ماأدري توقعي صح او خطاء

أنا ركزت على الطاولة الأخيرة --- سيدة يابانية محترمة تقوم بتعبئة الأغراض في أكياس

وبما ان الشعب الياباني متحضر و يحب السرعة في الأنجاز والتعاون المشترك ويقدر الوقت

يتم تجميع الأغراض في أكياس بواسطة الزبون نفسه وبطريقته الخاصة ووقته الخاص



عندنا بجانب الكاشيير تجد طوابير --- والسبب أن الكاشيير يستغل أسواء أستغلال

يزن الخضار والفاكهة -- ويعبي لك الأغراض في الأكياس -- والحساب نقدا -- أو يدخل بيانات بطاقة الصراف للحساب

فتتراكم الطوابير وتتزارق العيون يمين وشمال -- واحد يكلم جوال -- وواحد يراقب أغراضه لا تنسرق

وواحد ترك العربة وراح يجيب باقي المقاضي -- ورع يسرق علوك ويدلع لك لسانه ليعلن لك التحدي والنصر

وبنت شيفة شوشتها طايرة تبكي تبي كاكاو -- شايب توه ماخذ الراتب يعزم الجماعة على سواكني

بنقالي معبي كيس ( دهن شعر -- نيفيا -- علبة صلصة -- حبة بصل -- سكروب وزرادية عدة السرق ) هذا كيف تحاسبه

وفتاة جميلة بعباءة ضيقة توزع أبتسامات :d وزوجها الهطف بجانبها -- وشاب نشأ في طاعة الله يستدرك وقت الصلاة

فلم هندي مأساوي يتكرر بشكل يومي

[جبران أبن هتلان المهداني]

السلام عليكم ورحمة الله وبركاته


أحتمال تكون لجمع الكوبونات الشراء للربح بها.

[عبدالله آل عباد]

هذي بعد مايحاسب الواحد

يمر عليهم يفكون حساسات السرقه

[ماجد الخليفي]

السلام عليكم وصبحكم باخير

جواب الاخ العاصمي صحيح وكامل

بعد المحاسب تاخذ الاغراض الى تلك الطاولات وتكيسها وتوضبها على مزاجك حيث تجد على الطولة اكياس بلاستيك

صغيرة وشطرطون وخيط للربط ومغاط واكياس ورق وكرتون وفوطة مبلله للاصابع حتى ما تستخدم لسانك ونوعين من

الثلج .. ثلج عادي وثلج جاف لتضعه مع الايسكريم او اللحوم حتى لا تذوب .. تبقى طازجه

تحياتي لكم


http://www.qahtaan.com/works/up/get.php?hash=z3jiftb7p91206840947 (http://www.qahtaan.com/works/up)


http://www.qahtaan.com/works/up/get.php?hash=a3veo2czd81206840947 (http://www.qahtaan.com/works/up)


http://www.qahtaan.com/works/up/get.php?hash=45efhikovw1206840947 (http://www.qahtaan.com/works/up)


http://www.qahtaan.com/works/up/get.php?hash=16acklnrtu1206840947 (http://www.qahtaan.com/works/up)

[سعيد الجهيمي]

يا شيخ والله يا هذا التطور ان نقعد يا العرب مئات السنين ما وصلنا له وهو شئ عادي وكل تاجر يقدر يسويها

لكن الكسل والتقاعس هو اللي مخلينا نجيب هنود يحطون اغراضنا في الاكياس


ولو عندي دراهم فتحت سوبرماركت كبير واخلي الواحد يريح في سيارته بس عليه يكتب الطلابات في ورقه وياخذها منه ابو فسيه ويجيبها وعليها عموله والله ان يشتغل واحسن سوق في المملكه لأننا نبغى كل شئ يجينا وانا منهم


يعطيك العافيه يا ماجد

[عبدالرحمن المشجري]

العن ابوووووووو التقدم

تحياتي