المساعد الشخصي الرقمي

مشاهدة النسخة كاملة : ((((( الفوطه ))))) للشاعر سعيد الفهري


علي بن مسفرالحبابي
26-03-2008, 02:09 PM
يا سيف وقفاتنا بالعز مشروطه = الوقفة اللّي تشرّفنا نشرّفها
يشوفها من يشوف الفجر وخيوطه = حتّى لو انّه من الاجناب ينصفها
ما هي بوقفة لحن مايع ومصفوطه =ما يعرف الوقفه الاّ من يوقّفها
سوق الجواهر دخلته واحفظ شروطه = واختار من سلعة التاجر واصرّفها
ونوط الشرف يوم كل مضيّع ٍ نوطه = يقضي على روس عدواني ويخلفها
والشاعر الديكتاتوري لو رفع سوطه = اسحبه منّه و يدّه خلفه اكتفها
كم عاصي من دهانا ينشق سعوطه = ويحرّم الجور والاجوا يلطّفها
وكم من رفيق يقول النفس مغبوطه = في ساعةٍ غترته فالجو يحذفها
الاّ رفيقٍ يده لعداه مبسوطه = اما خدم جهدها والاّ يضيفها
هذاك تكرم يمينك كنّه الفوطه = من غسّل ايده من البزبوز نشّفها
يضحك عليه الردي بافكار مخلوطه= الشرهه يحوفها حتّى يهدّفها
والله لو انها معاديل ٍ ومحطوطه = انّي لحمّل عباد الله واكلّفها
واشرح لها رفقة بالسلم مربوطه = الطيب فرش لها والصدق لحّفها
الفضل للّي حصانه منهيٍ شوطه = وجرد الاصايل على الجالين ينسفها
ما هو لورعٍ من اقصى الرين للحوطه = معا خبولٍ هبوب الغي تشعفها
وقت جمع هدهد السدره وشبّوطه =لايمكن انّه مع الوكري يولّفها
قناعة ٍ ثابته ماهي بمغلوطه = الانسان اجهل ضيوف الارض واضعفها

الشاعر / سعيد الفهري القحطاني

عبدالله بن غفره
26-03-2008, 04:43 PM
صح لسان أبو علي


قصيدة رائعه ومميزه


ولاهنت يابو فيصل على النقل الرائع

العبدي
29-03-2008, 11:51 PM
صح لسان الشّاعر

قصيدة رائعة

والشّاعر سعيد , شاعر يسير بخطى ثابتة

وأوجد لنفسه مقعد في النجومية

وسط هذا الزخم الشعري

لاهنت يا بو مسفر


تحيّاتي

أبو وليد الجروي
31-03-2008, 05:19 PM
لاهنت يابومسفر
الله يعطيك العافيه

علي بن مسفرالحبابي
31-03-2008, 05:36 PM
صح لسان أبو علي


قصيدة رائعه ومميزه


ولاهنت يابو فيصل على النقل الرائع

مرحبا الف والله يحييك مليون

معيض بن دشن
24-04-2008, 01:36 PM
لاهنت وبيض الله وجهك على النقل ووجه الشاعر سعيد الفهري

أبو عساف
24-04-2008, 02:24 PM
صح لسان أبو علي

والله لايهينك يابو مسفر على النقل

القصيده وافيه وراعيها وافي وأنت وافي

ولو أني زعلان على أبو علي ؟؟؟؟؟؟؟؟

تحياتي للجميع

أخوك / أبو عساف