المساعد الشخصي الرقمي

مشاهدة النسخة كاملة : (((( تصريعة الموضة )))))


بداح الكودري
14-03-2008, 10:38 PM
من ارشيف بداح الكودري للتواصل


قديمة(1414هـ) لكن لعلها أن تنال القليل من الاستحسان




يالله ياللي تبعث الحي لامات=ياللي خلقت اول عبادك من الطين
نطلبك عفوك يابديع السموات=لاجا نهار(ن) فيه نصب الموازين
ويحاسب المخلوق عن كل مافات=وتشهد عليه الرجل واليد والعين
اما يخلد في نعيم(ن) وجنات=في زمرة ابرار البشر والنبيين
ولايخلد في عذاب(ن) وحسرات=وياكل طعام(ن) مثل روس الشياطين
ياسامع(ن) قولي ترا العمر ساعات=حن هل سفر لاتحسب انا مقيمين
الاعمار محسوبه والايام عجلات=والموت ماخلا غني(ن) ومسكين
باوصيك ياسامع كلامي وصيات=وانا استمع واحب هرج الموصين
شهادة(ن) مضمونها نفي واثبات=شهادة(ن) ترجح بكل الموازين
وبوصيك في المسجد وحفظ الصلوات=خمسة فروض (ن)واجرها ند خمسين
واموالك اللي في حسابك مخبات=زكاتها دور السنه لو هي الفين
وصوم ارمضان(ن) واجتناب الخطيات=ماافطرت فيه بعذر يبقى معك دين
والحج مفروض(ن) ومقري بالايات=خامس ركون الدين للمستطيعين
واحذر ليا صادقت بعض الصداقات=واختر صديقك واحد(ن) من ثلاثين
احذر صديقك يافتى عشر مرات=قد قالها قبلي رجال(ن)فهيمين
فيه اصدقا نعمه وصدقان شدات=ياكثر ذولا غير ذولا قليلين
اما اصدقا النعمه ملايين و(ا)ميات=ولا الشدايد ليت يصفي لك اثنين
وباوصيك لاخاويت حسن المخاوات=ترا الخوي له حق من دون الادنين
قد سجلوها في التواريخ باثبات=اللي ذبح خاله عقب حلف وايمين
مانيب اشجع للجهل والعصابات=اذكر فعول الطيب ولا الجهل شين
وباوصيك باذنك لاتسمّع لنمّات=إجعل بذي عجين والثانيه طين
ولياسمعت وشفت بعض التفاهات=طنش لها كن مالك (ا)عيون واذنين
وان جاك ملقوف(ن) يذكرك مافات=ويشب نار الحقد والناس ناسين
هذاك خله من عداد الخوندات=ولاّ اكرشه وادبل له الصاع صاعين
ملحق مشاهيب(ن) (ا)مخرب علاقات=مايستمع هرجه يكون المصاخين
ومن بعد ذا باشكي على الله شكايات=شبابنا راحوا طعام المعادين
اصل وفصل ويقلدون الخواجات=تصريعة الموضه على الراس والعين
أكثر ملابسهم تقاليد موضات=لانافع(ن) دنيا ولا نافع(ن) دين
لالبس قبّوعه ورزّ المرايات=يفكر انه يملك الهند والصين
هذا خساره من كبار الخسارات=ياعزتي لبوه وابوه مسكين
رباه ابوه وكان عنده طموحات=وراحت مراويح الهوى بالدخاخين
هذا زمان(ن) فيه امور(ن) عجيبات=حتى فروخ الحر تطلع كراوين



وسلامتكم جميع

سعيد بن مانع
14-03-2008, 11:25 PM
ياسلام ياسلام يابداح


الله يرحم والديك على ذا القصيده الطيبه

ولاهنت جعل ايامك سنين

مضواح بن جابر
15-03-2008, 12:22 AM
صح لسانك


وعلا شانك لاهنت


تقبل اعذب تحيه

في امان الله

بداح الكودري
20-03-2008, 01:15 AM
ياسلام ياسلام يابداح


الله يرحم والديك على ذا القصيده الطيبه

ولاهنت جعل ايامك سنين


سعيد بن مانع الرفيدي أرحب يالغالي


الله يجزاك خير



ومن قال ما يهون



مشكور على المرور و الاطراء الجميل




تقبل خالص التحايا

عبدالله الوهابي
20-03-2008, 06:10 AM
ما شاء الله عليك يابداح

قصيدة جزلة ورائعة

صح لسانك وحجة يمينك

سعد القحطاني
22-03-2008, 12:12 AM
بداح الكودري

حضور متميز

وابداع ملحوظ

صح لسانك يامبدع

ولاعدمناك

.

محمد بن جزاء الخنفري
22-03-2008, 01:44 AM
السلام عليكم ورحمة الله وبركاته
أخي الكريم: بداح الكودري
صح لسانك وعلى شانك
كعادتك شاعر دايم الابداع
تحياتي لك
اخوك الفقير الى عفو ربه: محمد بن جزاء الخنفري

عبدالعزيز بن شري
22-03-2008, 05:29 PM
صح لسانك يا بداح...

ابن خضير
22-03-2008, 08:49 PM
صح لسانك على هذه القصيده


ولاهنت


وبارك الله فيك

عبدالله بن سعيد البشري
22-03-2008, 11:27 PM
اررررررررحب يابداح

حكمه000ابداع000تفرد

الله يبيض وجهك000

هذه الجزله تستحق الاحتفاء000

تحيااااااااااااااااتي

بداح الكودري
23-05-2008, 12:16 AM
صح لسانك


وعلا شانك لاهنت


تقبل اعذب تحيه

في امان الله


صح بدنك وقايل ما يهون


شكراً على المرور



وتقبا تقديري

بداح الكودري
23-05-2008, 12:18 AM
ما شاء الله عليك يابداح

قصيدة جزلة ورائعة

صح لسانك وحجة يمينك




صح بدنك يا عبد الله



لا هنت يا الغالي


مشكور على المرور



وتقبل تقديري

بداح الكودري
23-05-2008, 12:21 AM
بداح الكودري

حضور متميز

وابداع ملحوظ

صح لسانك يامبدع

ولاعدمناك

.



المراقب الغالي سعد القحطاني



شكراً طال عمرك على المرور


وعلى الاطراء الجميل



تقبل خالص الود

بطي بن لبده
28-05-2008, 11:01 PM
صح الله السانك والله يكتب اجرك

عيد البصيري
29-05-2008, 02:01 AM
ااارحب يابداح

صح الله لسانك

وبيض الله وجهك

قصيدة جزله

من شاعر جزل

ننتظر جديدك