بنت البدو !!!

[ابن كشم العبيدي]

اخواني عيال الشايب..
صلو على النبي..
اليكم اول مشاركة لي في هالمجلس الطيب..
اتمنى ان تحوز على رضاكم.

هزت خفوقي بنت البدو ريـــانة العــــود*********** بــــلا سبــــب وبـــــــدون اي مقــــدمات
قمت اتكلم واتلعثم وانا طبعي ركـــــود************ الوكــاد اني انا وعقلي رحنا في شتات
قلت ابركد لكن وينها ايــــــام الركــــود*********** ودي امدحها واوصف حسنها لكل البنات
ردت انا يا خـــــــــوي مدحي لـه حــــدود********* انا يا ولد ماني بجاهلة ولو عيوني نايمات
قلت انا يا بنت ذا اللي خلاني اجـــــــــود********* بكل مدحــي والقـصيد والهروج موثــقـات
قالت يا ولد ما اردك ولا طبعي جحـــــود*********** مير البلا ما بعتبر ان كــــل مدوحك واصفات
قلت انا يا بنت قحطاني وكل له حـــــدود********** ماني بحثالة ربع وتــــرى علومي نــايفــات
لي الفضل وافعل بعد الجود في من لا يجود******** ولاهوب انا اللي يحتري رد الجمايل والهبات
قالت جعل ربي يحرسك من كل عيان وحسود******* وادري بعد واقسم قسم ان كل هروجك صادقات
مير البلا ولا يزيـــد على عــلـومـك اي زود******** ما اشوف الا فــارس من بين ذيــك الــعـاديــات
صرت اتسائل واتسيئل واحترى كل الردود******** واسال انا منهو اللذي داخل حنايــاهـا يبــات
قلبي حزن حزن اليتيم اللي يتوه بلا حدود********* تايه ينادي بصرخته يمه فراقك هو ممـــات
لكن امل قلبي ترى ماهو مثل حزنة ودود******** قلبي مثل باسي قوي ويعيش في كل الجهات
صدفة خفوقي انتفض كنه تناهيد الفهود******** يصرخ ينادي وونته كـل سمعــها وكــل ذات
قلبي ينادي ويحترق يا زمن ليه الصدود********* مرحوم يا قلبي ترى قضيت عمرك في شتات
قلبي ينادي يا ؟؟؟ اما تعالي للصمود********** او اتركيني احترق واحلى لي اموت بسكات


وسلااااامتكم..


ابن كشم العبيدي

[ولد النايب]

هزت خفوقي بنت البدو ريـــانة العــــود*********** بــــلا سبــــب وبـــــــدون اي مقــــدمات

مالها حق المفروض تستأذن

قمت اتكلم واتلعثم وانا طبعي ركـــــود************ الوكــاد اني انا وعقلي رحنا في شتات

يمكن التلعثم يكون وراثي

قلت ابركد لكن وينها ايــــــام الركــــود*********** ودي امدحها واوصف حسنها لكل البنات

البنات صافين ينتظرونك

ردت انا يا خـــــــــوي مدحي لـه حــــدود********* انا يا ولد ماني بجاهلة ولو عيوني نايمات

حدد.... البنت تقول ياخوي والا تقول ياولد
اذا كانت تقول ياخوي فلا يجوز تغزل
وان كانت تقول ياولد فهي تقول لك باسلوب منمق انك لا تزال صغير

قلت انا يا بنت ذا اللي خلاني اجـــــــــود********* بكل مدحــي والقـصيد والهروج موثــقـات
لا تعليق

قالت يا ولد ما اردك ولا طبعي جحـــــود*********** مير البلا ما بعتبر ان كــــل مدوحك واصفات
والله ما يستقيم وزن البيت الا ان كان يفزعون لك كل شعراء المنتدى

قلت انا يا بنت قحطاني وكل له حـــــدود********** ماني بحثالة ربع وتــــرى علومي نــايفــات
كفو ....... بس ما احد تقيد بحدوده

لي الفضل وافعل بعد الجود في من لا يجود******** ولاهوب انا اللي يحتري رد الجمايل والهبات

مقتبس من حمد هادي بتصرف ...بس الفرق واضح هنا اكثر دقه ووضوح واكثر سلاسه في المعنى
ومعاني متصله .... لو ان حمد هادي حي سلم راية الشعر واعتزل.

قالت جعل ربي يحرسك من كل عيان وحسود******* وادري بعد واقسم قسم ان كل هروجك صادقات

قل قسم.

مير البلا ولا يزيـــد على عــلـومـك اي زود******** ما اشوف الا فــارس من بين ذيــك الــعـاديــات

آتي

صرت اتسائل واتسيئل واحترى كل الردود******** واسال انا منهو اللذي داخل حنايــاهـا يبــات
قلبي حزن حزن اليتيم اللي يتوه بلا حدود********* تايه ينادي بصرخته يمه فراقك هو ممـــات
لكن امل قلبي ترى ماهو مثل حزنة ودود******** قلبي مثل باسي قوي ويعيش في كل الجهات
صدفة خفوقي انتفض كنه تناهيد الفهود******** يصرخ ينادي وونته كـل سمعــها وكــل ذات
قلبي ينادي ويحترق يا زمن ليه الصدود********* مرحوم يا قلبي ترى قضيت عمرك في شتات
قلبي ينادي يا ؟؟؟ اما تعالي للصمود********** او اتركيني احترق واحلى لي اموت بسكات
لا تعليق


صح لسانك.

مستقبل واعد
انصحك بكثرة القراءة ومتابعة الشعراء
انصحك ان تقوم بغناء كل بيت حتى يستقيم معك الوزن
لان كل بحور الشعر في هذه القصيدة وهي سابقه لم يسبقك عليها شاعر
انصحك بعدم تكرار كلمات القوافي فكلمة شتات وردت مرتين
وكلمة الحدود ورت ثلاث مرات.... انجاز عظيم.
وكذلك جود وردت مرتين.
انصحك بعرض قصيدك على احد الشعراء قبل نشره.

هذه بعض الملاحظات والتعليقات الخفيفه
ولعلمي انك تحب النقد وان صدرك وسيع للمداخلات والردود الهادفه
كونك احد مثقفي شبابنا المتحظر.
وفي النهاية اشكرك .
لعلها تفيد الجميع .

[ابن كشم العبيدي]

ولد النايب يسعد لي مساك يالغالي..
اولا: فاحب اقولك اني ماني بشاعر لدرجة اني اصير مثل حمد هادي رحمة الله او مثل علي بن حمري حفظة الله او مثل علي البورعي والمهداني حفظهما الله..
انا يا اخي الكريم توني مبتدى بالشعر يعني ما بعد جاتني ملكة الشعراء..
ثانيا: وضعت هذة القصيدة من باب المشاركة ولكي اجد من يشجعني من ابناء عمي (عشان بكرة لا صرت شاعر كبير اقول للناس البركة بمنتدى قحطان اللي شجعني)
ثالثا: اني ما وضعتها الا لاتقبل الانتقادات الهادفة اللتي اجعل منها دافعا لي كي اتحسن في المستقبل لا للانتقادات اللتي تاتي باسلوب تجريح وتحطيم..
رابعا: فانا بين ربعي واخواني وماهو عيب اني اعرض لهم اللي عندي ولو كان شي غلط فيردعونني عنه ويسترون علي وان كان صواب شجعوني واعانوني عليه..

لذا فانني اطالب المشرفين بحذف ردك اللذي ليس له هدف سوى التحطيم والاستهزاء..

اشكرك عالمرور..

ابن كشم العبيدي..

[كحيلان]

شكراً لك اخي الكريم على هذا المشاركة

[السحيمي البلوي]

ولد النايب ؟؟؟؟؟؟؟؟؟؟؟؟
يعني وش النايب ممكن توضح لي


ابن كشم يعطيك العافيه

[ابوملاك]

يقوم الرجل يهذي يهذي ويهذري حتى يقول شعرا

فلا عليك ولاتخجل بكرة تصير من اعظم الشعراء ولا كل شاعر قال قصيدة على طول ولكن بعد عدة محاولات حتى اتقن قول الشعر وذلك بكثرة القراءة والاطلاع .

فليس بعد الفشل الا النجاح فلا تيأس ولاتتحطم ولاتنكسر مجاديفك من النقد او من التعليق بل اجعل منها وقودا

لك وممرا للنجاح .
وانا متأكد بأن ولد النايب ليس هدفه التحطيم والاستهزاء ولكن هدفه التنبيه والنصح مع بعض المداعبه والمزح

وهذا ما استشفيته من رده ، وعلى قولة صديقك من صدقك لا من صدَّ قك .

والله يعطيك العافيه اخوي ابن كشم ويا زينك وزين شعرك .والى الامام ,,,,,,,,

[عاشق الوطن]

بن كشم العبيدي
السلام عليكم ورحمة الله وبركاته
القصيده محاوله جيده
ولك الحق تطرح ما تجود به في الموقع
اما بالنسبه للااستاذ ولد النايب لم يخطي انما
قدم نقد القصيده باسلوب السهل الممتنع وانا متاكد
لو انك وضحت ان القصيده محاوله في طريق النجاح لكان
اسلوبه غير شكل

[ولد النايب]

السحيمي البلوي
نائب القبيلة اصغر من شيخ القبيلة واكبر من العريفة
__________________________
ابو ملاك
عاشق الوطن

كلامكم جميل
وجائزتكم من عندي بعد ما يتعين الوالد شيخ اتنازل لواحد منكم بالنوابه
بس حطوا السهم بينكم

[مشعل بن مترك بن شفلوت]

ابن كشم العبيدي

مساء او صباح الخير الله يعطيك الف عافيه يالغالي على ذالمحاوله الجريئه , ونصيحتي المتواضعه لك بأنك تكثر من

قرائتك للقصيد وحاول انك تجعل لحن معين لأحد ابياتك واوزن عليها البقيه وثق تماما بأن النجاح لا ياتي الا بعد الكثير

من المحاولات فلا تيأس والا الامام يا ابن كشم العبيدي ................


اما بالنسبه لنقد ولد النايب فصدقني يا ابن كشم ان الرجال لم يقصد ايذائك ابدا ولو تبيني احلف حلفت وانا ما اعرفه

ولاكن حب يعط جو حلو في المنتدى لا اكثر ولا اقل خصوصا يوم قال :


قالت يا ولد ما اردك ولا طبعي جحـــــود*********** مير البلا ما بعتبر ان كــــل مدوحك واصفات
والله ما يستقيم وزن البيت الا ان كان يفزعون لك كل شعراء المنتدى

اخوكم \ ابن شفلوت

[ابن كشم العبيدي]

كحيلان..
السحيمي البلوي..

حياكم الله ولا هنتو عالمرور..

[ابن كشم العبيدي]

ابو ملاك.. ارحب يالغالي ملايين..
واشكرك جزيل الشكر على النصيحة وتشجيعك لي..
مرورك يعني لي الشي الكثير..
لا هنت لا هنت..

[ابن كشم العبيدي]

ارحب يا عاشق الوطن..
لاهنت على مرورك الكريم..

[ابن كشم العبيدي]

ارحب يا بن شفلوت مليارات..
مرورك انا اعتبرة وسام شرف على صدري..
ونصيحتك ساجعلها نصب عيني..

[بن مزهر]

بسم الله الرحمن الرحيم
يابن كشم محاوله جيده وجريئه وما قصرت وبيض الله وجهك
والى الامام انشاءالله
اما بالنسبه لنقد ولد النايب فصراحه معى احترامي لاراء اخواني
الي دخلو الموضوع فأنا من وجهة نظري فأن النقد اتى

بأسلوب استهزائي وخالي من أي جديه صح ان الشاعر يحتاج الى النقد لكي

يعرف الاخطاء التي وقع فيها لكن يجب ان يكون النقد جدي مايجلس الواحد ينقد

على كل كلمه.

ابن كشم شاعر مبتدئ ويحتاج الى الدعم والمسانده حتى لو كان في شعره بعض

الملاحاضات البسيطه وانا اضم صوتي لبن كشم انه يجب حذف رد ولد النايب لين يعرف ينقد

بجديه وبدون اي استهزاء او ضغينه

والى الامام يبن كشم وما قصرت

[ابن كشم العبيدي]

ارحب يا ابن مزهر مليارات..
يا جعل عيني ما تبكيك يا وجة عبيدة..
اشكرك على مرورك الكريم..
لا هنت لا هنت..

[ولد النايب]

بن مزهر


الدور عليك


بس

متى



ما ادري



عسى الله يجيب لك موضوع يستحق التشريح

ملاحظة:
تراك قلت
ما يجلس الواحد ينقد على كل كلمة
وهذا صحيح
لانني لو جلست انقد على كل كلمة في قصيدة ابن كشم
ما كفتني نصف صفحات المنتدى
بس قلت اختصر .
_____________________________________________
مسكين
من يعتقد ان النقد هو في تحطيم الطرف الآخر.
لم يبرز نجم في الشعر والادب الا بعد ان تعرض لشتى انواع النقد الآذع.
ومن لم يتعرض للنقد أفل نجمه .


قابلوني ان كان عرف بعضكم هذا المعنى.

[بن مزهر]

ولد النايب









يبدولي انك تفهم بالمقلوب
ياخوي انا قلت النقد الجدي
والصريح مو نقد استهزائي
وخفة الدم الي مالها داعي




اتمنى ان يكون كلامي واضح



وبعدين شوف مواضيعي في مجلس
القلطه والمحاوره روح انقد زي ما تبغى
وبعدين نبي نقد مضحك


وبعدين لما قدك ولد شيخ نقابلك
ما يصلح نقابلك وانت ولد نايب
شكل يبغالكم واسطه حتى الاجراءات تنتهي




وبعدين نصيحتي لك
روح مجلس سعة الصدر
وطلع مواهبك الانتقاديه
هناك

[ولد النايب]

ابن مزهر
الحمد الله اني ما فهمت عليك . وهذا من طيب حظي

وانت خلك من ذي القصيدة وادنا .

[المحيط]

ابن كشم
Nice try and keep going

[سعيد بن فالح المهداني]

السلام عليكم ورحمة الله وبركاته

[ولد النايب]

السلام عليكم ورحمة الله وبركاته




وعليكم السلام ورحمة الله وبركاته


وان كان عندك شي فهاته

.

[ابن كشم العبيدي]

المحيط..
thank u, that u have look on my subject
also i would to thank u for support me

[ابن كشم العبيدي]

سعيد المهداني
وعليكم السلام ورحمة الله وبركاته
اشكرك عالمرور الكريم..

[ابن كشم العبيدي]

وعليكم السلام ورحمة الله وبركاته

السلام سنة وردة واجب ولا يحق لي اني اسالك ليه رديت السلام


وان كان عندك شي فهاته

.

اما هذي فمالك حق تقولها لاني انا صاحب الموضوع ولا سالته تجي انت تقول هات اللي عندك..

[ولد النايب]

ابن كشم

how old are you
?


_____________

[تركي الأشاعرة]

^^^^^^^^^^
صدق الكبر مامنّه غير الأذى


إبن كشم يعطيك العافيه وماعليك ودخل منّا وخرج منّا القصيدة حلوه ومعانيها أحلى
ركزّ على الوزن بس يعني حاول تخلّي للقصيدة لحن يركب على جميع الأبيات

وبعدين ياولد النايب النقد بإسلوب محترم فيه فايده وهو سبب لنجاح الكثير أما التحطيم ماجاب لنا إلا الدشير والمفحطين وأرباب السوابق

يعني النقد اللاذع على قولتك تراه كلّه مضرّه وبعدين إذا بغيت تتفلسف تفلسف على ناس تتقبل فلسفتك ترانا في منتدى الهدف فيه إنا نتعارف على بعض ونتبادل الآراء بنفوس طيبه وبعدين نشجع بعض
يعني وش ينقصك لو شجعته وعلمته بالخطأ من غير إستهزاء

إستهزائك يدل على إنك ماتبي شعار جدد وإن تغيض لهم العدواه وأنا غاسلن يدّي من يوم شفت توقيعك

وإذا تبون تحذفون الرد عادي

أنا قلت الكلام الصحيح

وتحياتي

[ولد النايب]

ابو فهد شبيه الفهد

اهلا ومرحبا

ليش يحذفون ردك اذا حذفوا ردك
لك علي اني ما ادخل المنتدى مرة ثانية.حتى يرجع ردك.
لك الحرية المطلقه في ما اكتب .

[تركي الأشاعرة]

....

[ابو ذيب]

ابن كشم
قصيده رائعه
ينقصها الوزن
وبعض تغير الكلمات

وهذه ان شاء الله بداية شاعر مبدع
وترا كلام الاخوان كل في مصلحتك ان شاء الله وكله من محبتك وتقبل تحياتي واحنا تحت امرك في اي وقت

[الهـاجري]

ارررررررررررحب يا وجه جنب

قصيده روعه

لاهنت يابن كشم

وصح اللسانك

[قحطان]

قصيده راائعه ومعاني اروع
بس زي ماقالو اخوانك ركز شوي والى الأمام
وولد النايب يمكن معذور مايدري وش صار على الختم
عشان كذا فكره مشتت وقام يخربط

جدك قحطان

[بارق الشرق]

السلام عليكم ورحمة الله وبركاته
الأخ ابن كشم العبيدي........... حفظه الله
كل ما أرجوه أن تصنع من كل هذه الردود :
زورقاً صغيراً لتبحر به في بحور الشعر
وسلماً تصعد به إلى آفاق التميز والإبداع.. ولكن استفد من نصائح الأخوان الصادقة
مع تمنياتي لك بالتوفيق

[محمد بن جفين]

اخوي بن كشم
اولا اهنيك على شاعتك وطرح قصيدتك للنقد

قصيده ومشاعر رائعه وكلمات اروع
ولكن ينقص القصيده بعض الاشياء
مثل الوزن وتغير بعض الالفاظ الى الافضل

وانت ان شاء الله شاعر وفيك بركه بس حااول القراءة بكثره للشعر
ولا تخشى من النقد لان النقد يعطي دفعة للامام والى الافضل

وان شاء الله في القريب العاجل تراك من الشعرا اللذين يشار لهم بالبنان
وتقبل تحياتي
اخوك
محمد

[ابن كشم العبيدي]

ابو فهد شبيه الفهد
يا هلا ويا مرحبا اشكرك على مرورك وتعليقك الجميل وسامحني عالتاخير..

[ابن كشم العبيدي]

ابو ذيب اررررحب ملايين يا غالي..
اشكرك جزيل الشكر على مرورك..
وتشجيعك لي والنصيحة تعنيان لي الشي الكثير..

اخوك /ابن كشم العبيدي

[ابن كشم العبيدي]

الصالاني لبا قليبك يالذيب..
مجرد دخولك للصفحة شرف كبير لي..
جعلني ما عدمك..

وسامحني عالتاخير

اخوك/ابن كشم العبيدي

[ابن كشم العبيدي]

قحطان ارحب مليارات..
اشكرك على مرورك..
لا هنت يالقرم لا هنت..
وسامحني عالتاخير..

[ابن كشم العبيدي]

بارق الشرق ما اجمل هذي الكلمات اللتي كتبتها اناملك الذهبية..
اشكرك جزيل الشكر..
وسامحني عالتاخير

[ابن كشم العبيدي]

ابن جفين..
هلا وغلا..
اشكرك الشكر الجزيل على ما كتبت وانشاء الله اكون عند حسن ظنك ..
وسامحني عالتاخير..