المساعد الشخصي الرقمي

مشاهدة النسخة كاملة : استفسار عن قبيله الشيابين


عايذ
12-06-2005, 11:20 AM
السلام عليكم
ودي استفسر عن قبيله الشيابين (شيباني) الذين ينتسبون الى عتيبه حيث اني سمعت انهم من الجحادر قحاطين لكن حصلت ذبحه بينهم وبين ابناء عمهم مما جعلهم يلجؤن الى قبيله عتيبه وكان يشاركون العتبان في مغزي القحاطين انتقاما منهم وبعد مده من الزمن انتسبوب الى عتيبه
انا غير متأكد من هذه المعلومه واريد الايضاح

ساس العرب
12-06-2005, 12:03 PM
الظاهر مر على موضوع مشابه في منتدى قحطان
بس ما ادري ليش التكرار

الضويري
12-06-2005, 12:04 PM
مرحبا اخوي

لا تصدق مثل هالاساطير والكلام كثير في مواضيع مشابهه

كحيلان
12-06-2005, 02:12 PM
نعــــم اخوووووي الشيابين من الجحادر من قحطان لاكن هم من عتيبه

ولاكن تنقل قرابه بينا وبينهم والقصــيده لا تورد عندي اللحيـن احاول اجيــــبها للك وانا اخووووك

تقبلـ تحياتيـ

اخوووووووووووكم

كحيلااااااااااااااااااااان

عيفان
12-06-2005, 05:35 PM
السلام عليكم ورحمة الله وبركاته

مشكور اخوي عايذ على هل الموضوع الجيد واحب اضيف ان الشيابين يرجعون الى ال شايب من ال سعد وان وسم ابلهم واحد وتعود القصه الى ان شيبان قتل احد اخوانه ورحل تقريباً هذي القصه باختصار .

اخوي الضويري كيف حالك الاساطير هذي يزينها لانها ضمت ناس معروفين وقبايل ونعم فيهم وكلن يفتخر فيهم الشيابين او من القبائل الاخرا ينضمون الى قحطان .

لكن الى يقهر الواحد لقالو ان ال فلان اوفلان يرجعون الى قبيلة قحطان وهم في الاصل خضيرية ولا قبيله تقبل فيهم وموجودين في هذا المجلس.

اخوكم / عيفان

الضويري
12-06-2005, 07:54 PM
اخوي عيفان

لم اقلل من قدر الشيابين او اي قبيله كريمه , مثلا نسب الشدادين في شداد عبيده قحطان اثبته ابن شفلوت رحمه الله نفسه ولا يحتاج الموضوع الى اخذ ورد طالما رأس القبيله شهد بذالك .

اما الشيابين ونسبهم للجحادر لم يشهد به لا كبيرنا ولا كبيرهم ولاتتعدى المسأله سواليف مجالس وانا تتبعت نسبهم في كتبهم وكتب غيرهم ولم اجد فيها اي ذكر لنسبهم للجحادر فكيف نحن ننسبهم لأنفسنا وهم لم ينسبو انفسهم لنا .
اذا مافيه احد منهم معروف نسب قبيلته لنا في كتاب رسمي والا أفضل عدم الخوض في مثل هالسوالف حنا من فضل الله غنين عن الناس ولا ودي يصير منتدانا شغله الشاغل ملاحقه قبايل كانو من اشد اعداءنا وننسبهم لأنفسنا كن حنا نترجاهم يعترفون بذالك وحتى منتداياتهم لا تعترف بذالك وشهوله ينشف حلقي علشان اثبت انهم منا وللاسف هذا الكلام يأتي منا فقط؟
المساعيد من ال مسعود
والعصمه من ال عاصم
والشيابين من ال سعد
وانت ماشي

مرعي بن دواس الحبابي
12-06-2005, 08:14 PM
اخوي عيفان

لم اقلل من قدر الشيابين او اي قبيله كريمه , مثلا نسب الشدادين في شداد عبيده قحطان اثبته ابن شفلوت رحمه الله نفسه ولا يحتاج الموضوع الى اخذ ورد طالما رأس القبيله شهد بذالك .

اما الشيابين ونسبهم للجحادر لم يشهد به لا كبيرنا ولا كبيرهم ولاتتعدى المسأله سواليف مجالس وانا تتبعت نسبهم في كتبهم وكتب غيرهم ولم اجد فيها اي ذكر لنسبهم للجحادر فكيف نحن ننسبهم لأنفسنا وهم لم ينسبو انفسهم لنا .
اذا مافيه احد منهم معروف نسب قبيلته لنا في كتاب رسمي والا أفضل عدم الخوض في مثل هالسوالف حنا من فضل الله غنين عن الناس ولا ودي يصير منتدانا شغله الشاغل ملاحقه قبايل كانو من اشد اعداءنا وننسبهم لأنفسنا كن حنا نترجاهم يعترفون بذالك وحتى منتداياتهم لا تعترف بذالك وشهوله ينشف حلقي علشان اثبت انهم منا وللاسف هذا الكلام يأتي منا فقط؟
المساعيد من ال مسعود
والعصمه من ال عاصم
والشيابين من ال سعد
وانت ماشي
lمانعرف الا انهم من عيال الشايب قحاطين اصل وفصل لاكن الدنيا تغيرت وربعنا ونعم فيهم
حبابي اصل وفصل

ابن شايب
12-06-2005, 09:50 PM
اخوي العائذ نعم قبيلة الشيابين هم عيال شيبان اخي شايب وشويب ذبح ابوه عند البل قديما وذهب اخيه شويب يدوره وجلا مع مطير اما شيبان جلا لجبال الحجاز وسبى بنت من العرب يقال انها بنت شيخ العصمه وجاو اعياله الشيابين اللى هالحين ودخلو في عتيبه بعد مغازيه عليهم بعد ماطلبو منه الحلف هو وابنائه
واقول لضويري لولا الاساطير لمل كتب التاريخ ولمل كانت هناك قصايد وقصص قديمه
واقولك ياخوي الضويري يخوي يكون بعلمك الشيباني اقربلي منك من حيث النسب ويكون بعلمك ترى لنا قسم واراضي قديمه بحلبان والحجاز وكذالك لهم عندنا
وفيه ونا اخوك قصيده لامير ماجد بن فهيد رحمه الله يذكر نسبه وكذالك قصيده لنا نحن ابناء شايب نذكر اننا مع ماجد ورهن اشارته فيما يقول بس اصبر علينا ونجيب اشرطه مسموعه من الشيابين وال شايب يذكرون قربهم من بعض
ون

ابن شايب
12-06-2005, 09:53 PM
اخوي العائذ نعم قبيلة الشيابين هم عيال شيبان اخي شايب وشويب ذبح ابوه عند البل قديما وذهب اخيه شويب يدوره وجلا مع مطير اما شيبان جلا لجبال الحجاز وسبى بنت من العرب يقال انها بنت شيخ العصمه وجاو اعياله الشيابين اللى هالحين ودخلو في عتيبه بعد مغازيه عليهم بعد ماطلبو منه الحلف هو وابنائه
واقول لضويري لولا الاساطير لمل كتب التاريخ ولمل كانت هناك قصايد وقصص قديمه
واقولك ياخوي الضويري يخوي يكون بعلمك الشيباني اقربلي منك من حيث النسب ويكون بعلمك ترى لنا قسم واراضي قديمه بحلبان والحجاز وكذالك لهم عندنا
وفيه ونا اخوك قصيده لامير ماجد بن فهيد رحمه الله يذكر نسبه وكذالك قصيده لنا نحن ابناء شايب نذكر اننا مع ماجد ورهن اشارته فيما يقول بس اصبر علينا ونجيب اشرطه مسموعه من الشيابين وال شايب يذكرون قربهم من بعض
علي ال خميسه الشايبي السعدي

الضويري
13-06-2005, 01:28 AM
اللي فهمته من كلامك اخوي ابن شايب ان قبيله الشابين لم تكن موجوده وان قبيله العصمه اقدم من وجود قبيله الشيابين وهوا ما يتعارض مع كتب الانساب اللتي تذكر الشيابين من اقدم قبايل عتيبه وجودا.

ربما فخذ من الشيابين يرجع في ال سعد لكن الشيابين كلهم من ال سعد كلام لا يصدقه عاقل كيف يخرج رجل من قبيله ال سعد ثم تتكاثر ذريته في فتره زمنيه بسيطه وتضاهي القبيله الام في العدد ويكون خصما لهم في حروب وثارات

عيفان
13-06-2005, 08:48 AM
السلام عليكم ورحمة الله وبركاته

اخوي الضويري

انا ضد كل اشوي يجي واحد ويقول ان الفلان يرجعون لقحطان لكن اذا فيه مايثبت انا معه اما العوئل الصغير الى في الاصل هم خضيريه مثل ( الزريق ) وما ادراك مالزرق حساويه يقولون انهم من عيل الشايب لاوالف لا

ابن شايب

ياوجه براك اررررررررررحب وهذي الروايه الى سمعناها من الشيبان ويقولون ان وسم ابل ال شايب والشيابين واحد ياليت تتأكد منه

اخوك / عيفان

الهـاجري
13-06-2005, 09:47 AM
اخوي عيفان

لم اقلل من قدر الشيابين او اي قبيله كريمه , مثلا نسب الشدادين في شداد عبيده قحطان اثبته ابن شفلوت رحمه الله نفسه ولا يحتاج الموضوع الى اخذ ورد طالما رأس القبيله شهد بذالك .

اما الشيابين ونسبهم للجحادر لم يشهد به لا كبيرنا ولا كبيرهم ولاتتعدى المسأله سواليف مجالس وانا تتبعت نسبهم في كتبهم وكتب غيرهم ولم اجد فيها اي ذكر لنسبهم للجحادر فكيف نحن ننسبهم لأنفسنا وهم لم ينسبو انفسهم لنا .
اذا مافيه احد منهم معروف نسب قبيلته لنا في كتاب رسمي والا أفضل عدم الخوض في مثل هالسوالف حنا من فضل الله غنين عن الناس ولا ودي يصير منتدانا شغله الشاغل ملاحقه قبايل كانو من اشد اعداءنا وننسبهم لأنفسنا كن حنا نترجاهم يعترفون بذالك وحتى منتداياتهم لا تعترف بذالك وشهوله ينشف حلقي علشان اثبت انهم منا وللاسف هذا الكلام يأتي منا فقط؟
المساعيد من ال مسعود
والعصمه من ال عاصم
والشيابين من ال سعد
وانت ماشي
100 في 100

انامعك في هذا الكلام

حتى لو نفرض هذا الكلام وانتسابهم صحيح لقحطان ولائهم في ايام الجهل مع قبائلهم ضد قحطان وفي الوقت الحالي

إبن الأروق
13-06-2005, 01:40 PM
خلونا من الضد وغيره

اولا الشيابين ونعم فيهم

ثانيا عددهم اكثر من قبيلة آل روق بعشرة أضعاف تقريبا وذلك نسبة للحمايل الموجودة في قبيلتهم

ثالثا الشيابين اقصراي يعددون اسماؤهم الين الجد العشرين تقريبا ولا فيه سعد ، ويقولون هم نفسهم انهم يعودون في سعد

طيب انا اسأل عيفان او علي الخميسي عددوا اسماؤكم الى سعد

اكثر واحد راح يعد ما هو بمتعدي 13 او 14 جد

واللي يزود تراه يناقض نفسه

وبعدين نسابة العتبان ينكرون الشيء ذا ، ولا يثبته الا بعض عوامهم

يعني الصحيح انهم عتبان اصل وفصل ومن رووس عتيبه

ويمكن مثل ما قال الضويري مجرد حمولة منهم يمكن هي اللي تعود في قحطان


والسلام

عيفان
13-06-2005, 05:27 PM
السلام عليكم ورحمة الله وبركاته

اولاُ وشفيك زعلان الشيابين ونعم وماقلت فيهم شي واقراء اول مقال قلته ثاني شي العتبان حلف وليس جد علشان تقول يعدون الى الجد عشرين ولاتقارنهم فيكم من غير حقران انتم من اقل افخوذ ال محمد .

ام العد الى سعد انت صادق تقريباً

اخوك / عيفان

إبن الأروق
13-06-2005, 08:48 PM
ارحب يا عيفان

انا ما قلت انك قلت فيهم شيء

وكلامك واضح وانا افهم عربي وايضا كتبت ردي بالعربي


انا نعمت للشيابين وهم يستاهلون النعم

ويوم نعمت كان قصدي ان الكلام اللي بكتبه عقب النعم انه مبني على حقيقة وليس كره ، فلذلك وضحت موقفي من البداية بالنعم

ولم اتطرق لقصدك او لكلامك بارك الله فيك

هذي نقطة

والثانية هي هي انهم حلف وليس جد

انا اقول انهم حلف من قبائل شتى يجمعها جد واحد وهم ما ينكرون ذلك

في النهاية انهم عيال رجال واحد

والشيابين تعد جدانهم لين توصل للجد هذا ، وراح تشوف انهم من رووس القبيلة

والثالثة

ليه تفضحنا يا عصيفيري هااااه

والرابعة

ان كانك بتسافر للشيك ذا السنة تراني خويك لاني بألحق الربع اللي بيسفرون الصبي


والخامسة

اسلم وسلم

ابن شايب
13-06-2005, 09:24 PM
ياخي يالضويري ال سعد قبيله كبيره ولا تقارن بالكثر لا ال عاطف ولا الخنافر والا المشاعله والا السحمه والمعروف ان سعد جد قبيله ال سعد هو اخو دهيم ودهيم جد ال عاطف المشاعله والسحمه والخنافر يعني ال سعد لا تقارنها الا بال دهيم كلهم يعني ال سعد وال دهيم هكذا
اما الشيابين فهم يتقارنون بالخنافر او السحمه
اما شيبان فقد جلا وقصته مشهوره عندما قتل ابوه عندما كانت ال سعد تعد بالاصابع
اما الشيابين فحالفو عتيبه عندما شكلو قبيله كبيره في الحجاز مع حلف عتيبه الكبير الذي ضم العديد من القبائل
يااخي يوجد هيات كثيره لشيابين شاركنا فيها وهم كذلك واقربها مشكلتهم مع العصمه اتاهم من ال شايب تسعين مردوفه والقصه معروفه عند الشيابين وال شايب وصار فيه قصايد بينهم اشهرها قصيده امير الشيابين رحمه الله في ال شايب وكذالك قصيده بن جابر من عقداء ال شايب والقصيده مشهوره تلقاها عند شيوخ الشيابين وال لبده
ياخوي انت تقول انه غير معقول ان قبيله كبيره مثل الشيابين لا ترجع لال سعد يخوي هذي قبيله ال الغمر مع شهران قبيله كبيره جدا جلا غمر براسه من عبيده وراح لشهران وصارو قبايل لا قبل لا وازيدك من الشعر بيت شاركو شهران ضد قحطان في الحروب كلها وبعدين ترى الاخوه يصير بينهم الشق والبعج
وا
قول لخوي وجه براك العيفاني نعم الوسم نفسه لم يتغير المطارق والهلال
ونا بجيب قصيده شيخ قبيلة ال شايب الشيخ الحرير بن جريب في قبيلته وقبيلة الشيابين رحمه الله وهي قصيده طويله وكان رحمه الله من العريف والرواة توفي قبل شهرين عن عمر يناهز الثمانين عام ونتضروها

الضويري
14-06-2005, 12:40 AM
مسيكم بالخير

اخوي ابن شايب

حجم قبيله ال سعد الكريمه وكثرتها لا تزيدنا الا فخر ولا قد طرى علي من اكثر ولا اعد نفسي الا واحد منهم

الشي الثاني ال الغمر دخلو في عداد شهران كقبيله وليس كفرد واحد جاهم وتكاثرو ذريته عندهم

وال لبده وروهم العين الحمرا في وقت مضى ولا انت معين عنده الا الشحم والعلوم اللي تنومس

وحنا نعرف ان عتبه جبل تحالفت عنده عده قبائل من هوازن وشكلو قبيله عتيبه ومن القبائل اللي تحالفت الشيابين من اقدم قبائل عتيبه وجودا وآصلها كلها بشهاده نسابتها الكبار وماعليك سوى الاطلاع فقط في كتب الانساب حتى يسمح خاطرك وتقارنه بسواليف عامه لاتقدم ولا تؤخر ولم تغير من الواقع بشيء

وانا ياخوي ابن شايب اقصد ان هذا الكلام مجرد سواليف لا ولن تغير من الواقع شيء والكلام فيه عقيم وعديم الفائده
اخوك اللي يعتزي ( ياعيال قحطان ياعيال ابوي ) مهوب( ياعيال عتيبه ياعيال ابوي) هم اقرب لك ولا حنا اقرب لك يالسعدي؟
والرجال يحشم نفسه وانا اخوك من سفهائهم قبل لا ينفج احد عليك في مجلس قدام الرجاجيل ثم يقول تعقب يالي فيك مايخطيك لا حنا منكم ولا انتم منا يا.......................................؟؟؟؟؟؟؟؟؟ ؟؟؟؟؟؟؟؟؟

مثل البقمي يوم قال ابن حميد منا في مجلس عتبان فسمع من الكلام مالا يرضيه ( مابقى الا هي يامكسيه السرح يرجع فيكم شيخ عتيبه )

خلونا في عيال الشايب وخلو عتيبه في حالهم ولد عمي اللي يعتزي بقحطان وغيره ربه وربي الله

عيفان
14-06-2005, 09:28 AM
السلام عليكم ورحمة الله وبركاته

تسلم ياوجه آل بيطن

يعني تقصد ان الشيابين جدهم واحد دون اعتيبه

انت اتقول ان اعتيبه حلف ومن قبائل شتى ويجمعهم جد واحد ، فسر كيف يجمعهم جد وهم حلف ومن قبائل شتى عدنانيه وقحطانيه.

يابن لاروق عس الحديث عندك الى تقول ماتقدر تعد اكثر من ثلاثين جدوالله اني عرفتك من يوم قلت حدك 13 او 14 جد.

مشكور اخوي ابن شايب على المعلومه وهذا دليل قاطع ولا بتقولون صدفه ياالربع

مقروعين يالربع بسلم ابوانكم وجدانكم من الكلام الى ميصلح ياوجه براك انت والمحمدي حنا في هذا الموقع

نبي نستفيد من القصص القديمه والعلوم . وطالبكم انكم تنهون الموضوع تممممم.

اسلم وسلم على ال خرسان والربع كلهم وقلهم حبهم في العين اوه القلب اهههههها وسير ونت مارعلى الربع اهل الربوه



اخوك / عيفان

العايذي
15-06-2005, 12:21 PM
انا اللي سمعت فيه...انهم يرجعون في ال سعد ..

وكانوا شايب ومشيب وشيبان ...وشيبان هم الشيابين..


وسلامتكم

العريدي
10-08-2005, 10:33 AM
الناس مستأمنين على انسابهم والشيابين لو فيه ذرة تقارب بينهم وبين القحاطين هم اول من بيقولها لأن هذا ما يعيبهم ان زادهم ولا مانقصهم !!!!!!!


بعدين والله ماهم بحول القحاطين في الشبه لا أشكالهم ولا حكيهم ولا شيء ....

وطبعهم طبع العتبان ... والقحاطين لهم اشكال وعوايد تختلف جذرياً عنهم ..

وبعدين اكثر الناس يقول حنا قحاطين !!!!! طيب وش نسوي لهم حنا مانعترف الا في انفسنا ياعوووال الشااايب

اللي يبي يروح منا ينتسب لاحد الله يستر عليه .... اما اللي يبي ينتسب للقحاطين لا زم نتأكد منه ونسأله عن جدانه !!!

والله يعز الاسلام ,, ولا حد يحسبني اعتدي على الشيابين لا بله ومن لا يقدر الرجال ماقدروه !!

المنار
10-08-2005, 01:48 PM
السلام عليكم ورحمة الله وبركاته :
اخي العزيز عايذ
الذي اعرفه واسمع به من كبار السن من قحطان والبعض من عتيبه
ان قبيلة الشيابين لا يرجعون في قحطان وهذا هو الصحيح .

العاطفي (دوت كوم)
11-08-2005, 04:00 PM
السلام عليكم ورحمه الله وبركاته
وبعد

سالت احد زملائـي من قبيلة ( الشيابيـن) ومن فخذ القرافيـن بالتحديد
وقلت له كل مادار من نقاش بان الشيابين يرجعون في ال سعد
(شايب وشيبان) وانهم اخوان وافترقوا ووووو........

فقال لـــــــي : هذا غير صحيح إطلاقــــــــا
والمشكلة ان هذى السوالف انتشرت عند اغلبية الناس
والصحيح هــــــــــو :

قبيلة الشيبابين ليست من عتيبة بالاصل
وانما هي فخذ من فخوذ قبيلة ( ثقيف )
الحجازية ومواطنهم القديمة (سيسد والحوية والطائف)
وتحالفت مع قبيلة عتيبة ,, كمــا هو معروف
فالحلــف .

مثلهم مثل /

برازات مطير اصلهم ( سهول )
عرينات سبيع اصلهم ( تميـــم )
وووو......................

بالحلــــــــف


والله اعلــــــــــم

سلطان ال روق القحطاني
12-08-2005, 04:24 PM
الشيابين سمعت يا اخوى انهم من ال سعد وهذا الموضوع سمعت من ال سعد من ال حصين من ال سعد وان الشيابين يرجعوان من ال سعد وان القصه ان امهم كلها الذيب وعيرهم ثم شدوا الى عتيبه وخذا نسب فيهم وسلامتكم هذا الي سمعت من ال حصين وشكرا:to-sulk:

شاعر من عتيبه
06-02-2007, 03:15 AM
يا ناس ابك انا شيباني ولا انتم عرفين اصلي اكثر مني
ابك حنا قبيلتنا من دون عتيبه وبعد ما هزمن كسرى مع هوازن قبل تسمى عتيبه واضا القصه مشهوره وله مسلسل على القنوات وفراسانه باسماء الشياين صار حلف بين الشيابين وهوازن اللي هي عتيبه ومن ذاك اليوم وحنا مع اعتيبه
وانتم ياعوال الشايب تكثرون الكلام

قحطاني متغرب
06-02-2007, 05:01 AM
اذا ان الشيابين يرجعون في قحطان فهم من يقوله مهوب الواحد ينقز ويقول الشيباني ولد عمي وفي الاخير يقوله الشيباني قم بس قم ماحن منكم
والصحيح انه اذا انهم يرجعون في قحطان فهذا فخر لهم

بعدين انت ياللي تقول الشيباني يقرب لي اكثر من القحطاني ليتك ما قلتها هنا عندنا والله ما درو عنك الشيابين
لا تلحق المقفي

علي بن شداد القحطاني
06-02-2007, 09:57 AM
الأخ عايذ حياك الله


الشيابين ليسوا من جد واحد شأنهم شأن بقية عتيبه وكثير من قبائل جزيرة العرب .
ولكن قسم من الشيابين يعود في آل شايب ويقال أن أهم فرع يعود لقحطان هم الفهيدات وسمعت من آل شايب أن هناك بينهم وبين الشيابين فيما مضى فزعات ونجدات في مواقف حصلت على الشيابين واستنجدوا بآل شايب وهذا ما أكده لي بعض رواة الشيابين أثنى بحثي الميداني في جمع مادة كتابي الذخيرة في أنساب قبائل الجزيرة .

واللي فهمته ولا كتبته من آل شايب والشيابين أن نزوح الشيابين (فرع) لا يخلوا من المغاضبة والله أعلم .

رفيق الخوي
22-02-2007, 08:57 AM
يفترض عدم النقاش في المواضيع هذي

الحيد اخف من الجبل

ان كان نسب الشيابين يعود لقحطان فهم المعنيين باثبات ذلك وليس العكس

لو يحذف الموضوع تسوي خير يا المشرف

ابوساري البشري
23-02-2007, 03:32 AM
عشت يا الضويري وعلى فمك الشـــــــــــــــــــــــــــــــــــــــــــــــ ـــحم

إبن مشعل
20-05-2007, 12:52 PM
أرحب بالجميع
وترحيبة خاصة للضويري على فكره وطرحه اللي يطرب الخاطر ، من غير قصور في الجميع