المساعد الشخصي الرقمي

مشاهدة النسخة كاملة : عايض القحطاني [ قصيدة تجربة عمر ] صوتيه + مكتوبه


محمد الامارات
07-03-2008, 01:28 AM
بســـم الله الرحمن الرحيم


السلام عليكم ..


مثل ماعودناكم ..

مع محمد الامارات .. مش حتقدر تغمض عنيك خخخ >> طبعا لو كان شي يخص الغالي عايض ..

قصيدة : تجربة عمر ..

http://www.1ss1.com/2008/3/1ss1_NGXjEunOZ3.jpg

القصيدة بصيغة الـ mp3 : [ اضغط هنا ] (http://www.qahtaan.com/works/up/get.php?hash=1789hiuvwx1204885817)

القصيدة بصيغة الـ رايل بلاير : [ اضغط هنا ] (http://www.qahtaan.com/works/up/get.php?hash=zjc81gx4br1204841335)


كلمات القصيدة:


يموت الشعور اللـي لـه النفـس نايبـه
الا شاح خير الوقـت وابـدى مصايبـه
تخيّرت في الامثال واخترت مـا مضـى
من اخـر زمانـي لاول الوقـت جايبـه
جزيـل النشيـد إلمـا طرالـه يحدّنـي
تسلّمت وصلـه عقـب دفعـة ضرايبـه
ضرايبهْ شغـل البـال والهـم والسهـر
ونتايجـهْ ميقـافٍ لـه النـاس هايبـه
عسى الله يعين اللي مـن الوقـت مبتلـى
تضكّـه همـومٍ بيـن الاضـلاع ذايبـه
سبايـب عـداوات القرايـب وحربـهـم
بوقـتٍ عـداي تحـث يمـي نجايـبـه
يقول التميمي يـوم غنـى مـن البلـش
ومــا آفــة الانـسـان الا قرايـبـه
مثل شوكة المعقـم علـى البـاب فعلهـم
تصيبك الا قفّيـت وان جيـت صايبـه
ضعيفين الانفـس ليـت حيـي وحيهـم
تباعـد مـدى خمسـة وتسعيـن نايبـه
تعلّيـت باسماهـم علـى كفـة الـمـلا
ولاخفـت وقـتٍ كـان يركـي عقايبـه
الين اغرضوا لي ظلم من غير مصلحـة
وعلـيّ استهـدّوا كـل عرجـا وسايبـه
وانا والذي صليـت مـن عظـم هيبتـه
ما عمري عنيت وسرت في درب عايبـه
مخافـة يعـود الـذم فـي جـال حقهـم
او يقـال عـاب اللـي مجانيـه طايبـه
ابخبرك ياللـي عبـت فعلـي ومنزلـي
ماتغنيـك قولـة نفسـي اليـوم تايـبـه
ترى الوقت مثل الوقت لـو دار وانتحـى
غرايب زمانـي فـي زمانـك غريبـه
لـك الله رب الارض والكـون والسمـا
عظيـم المقـام اللـي جـزال وهايـبـه
ما يصمل الا ارتثت محازمك وارتخـت
سوى اللي تجرع من كلامـك مصايبـه
اذا رماح خلانك شكت سطـوة العطـش
انـا مـرويٍ راس السنيـن وعصايبـه
واذا سيوف خلانك شكـت حـر غمدهـا
انا حـد سيفـي شاكـيٍ مـن ضرايبـه
حليمٍ ما اقابـل راعـي الجهـل بالجهـل
والا اقبلت احل اعقـود الامـر ونشايبـه
كريمٍ ما احسب احساب ما اعطيت فالورى
عفيـفٍ تـرده شيمتـه عـن طلايـبـه
شجـاع ٍ الا حـزّت ولـزّت ودقّــرت
ما اهاب العدو لـو سـاق يمـي كتايبـه
ولا ارضى الهوان لمن عناني ولاذ بـي
ولـو كـان دنـعٍ هافـيـاتٍ ترايـبـه
لاتاخذ علـي ياعاذلـي سـرع زعلتـي
ترى القلب نزر ولا استمع كل راي بـه
على سر جدانٍ مضـوا فـاأول الزمـن
زعلهـم سريـع وطوعـوا كـل نايبـه
رواسي عبيده جعـل منـت بخصيمهـم
نهارٍ مـا عـاد لطالـب العـذر ثايبـه
كناديـةٍ تـروي عطـش جـرّد النمـش
بيـومٍ علـى الطاغـي كبـارٍ ذهايـبـه
تنشّـد عـن التركـي ويعطيـك علمنـا
بعـد جـا لخـدٍ رايـح الغيـث دايبـه
مسحنـاه مـزنٍ لمعـة الشلـف بارقـه
ورعـدهْ المدافـع والمثولـث سحايـبـه
لاجل عين من صاحت تبي فزعـةٍ بنـا
شربنا الدما في عطفـة المـوت رايبـه
وتعزوى بعزوتنـا حبابـي وجحـدري
تعنّز حرق لو هو عمى الخصـم شايبـه
حقايـق رجـالٍ مـن قديـمٍ ذكرتـهـم
لاجل شرح رمزٍ عنـه الافكـار غايبـه
طحاطيح وقـت مـات ذكـره وذكرهـم
غـدى فاللحـود ولا بقـى الاّ زلايـبـه

___


والسموووحة ع القصور :)




تحيااااتي الدندونية وبس
محمد الامارات

الوافي القحطاني
07-03-2008, 01:43 AM
السلام عليكم ورحمه الله و بركاته

عاد الينا المبدع و عاد بابداعاته

ارحبوا 100000000000000 يا محمد الامارات

لاهنت على موضوعك الرائع و صح السان ابن غيده

اخوك : الوافي القحطاني

حـمـد القحطاني
07-03-2008, 10:12 PM
مشكوووووور ولاهنت

لكن عندي سؤال اذا ماعندك مااانع

وش سر اعجابك العجيب بـ بن غيده؟؟

ولاهنت

أبو وليد الجروي
08-03-2008, 11:53 AM
لاهنت يالذيب
الله يعطيك العافيه
لك اطيب التحايا

أبــومبارك الـعـابسي
08-03-2008, 01:24 PM
لاهنت والله يعطيك العافية

مع محمد الامارات .. مش حتقدر تغمض عنيك

تقبل مروري