بشرى ساره ... لأصحاب الدبش( الحلال)

[خالد آل مطرف العاطفي]

وجه خادم الحرمين الشرفين برفع اعانة الشعير من 700 ريال الى 1200 ريال للطن
هذا ومن المتوقع ان تنخفض اسعار الأعلاف بعد هذا الدعم من خادم الحرمين
مع العلم ان الفترة السابقه عندما رفعت اعانة الشعير من 450 ريال الى 700 ريال
لم يحدث اي انخفاض في الأسعار !!!!! لذلك اتمنى ان لايكون مصير هذا الدعم مثل مصير
الدعم السابق ..
والحقيقه ان اصحاب الحلال هذه الأيام يعانون معاناة لايعلم بها الا الله سبحانه وتعالى
وهناك منهم من تضرر من هذا الغلاء الفاحش في الأعلاف .. حتى ان البعض منهم لجأ
الى الدقيق كبديل للشعير مما ادى الى نفاذ الدقيق من السوق فلجأت الدوله الى رفع
سعر الدقيق 100% وكنت اتمنى ان يكون قرار رفع اعانة الشعير قبل رفع سعر الدقيق
لكي لايكون هناك اي مبرر لرفع الدقيق .....
نشكر خادم الحرمين الشريفين على اهتمامه بما يخص المواطن ورفاهيته ...

[سلمان آل سعد]

وكنت اتمنى ان يكون قرار رفع اعانة الشعير قبل رفع سعر الدقيق
لكي لايكون هناك اي مبرر لرفع الدقيق .....
...


صدقت والله ياعبدالله




لاهنت ياعبدالله على طرح مثل هذه المواضيع..... وبيض الله وجهك ورحم الله والديك




.

[عبدالله بن غفره]

لذلك اتمنى ان لايكون مصير هذا الدعم مثل مصير
الدعم السابق ..

للأسف يابو فهد بأن هذا هو الحاصل وهو الذي نسمعه به ولا نرى له آثر بالعين


فكثرة التوجيهات من خادم الحرمين الشرفين جاريه ولله الحمد في رفاهيه وخدمة المواطن والشعب
لكن للأسف نرى البعض منها لم يعمل به ويحتجون بأمور آخرى لا نرى له أي مبرر


الشعب في حاجة ماسه جداً لوقفة خادم الحرمين الشرفين لمواجهة الغلا


نتمى ان نرى مايهدف لمصلحة الشعب من وزير التجاره الجديد


شكراً

[مقبل السحيمي]

جزاك الله خير أخي الحبيب

والحقيقة هناك خط معاكس لخط خادم الحرمين الشريفين حفظه الله

فكلما جاءت مكرمة ملكية تحرك هذا الخط ؟؟؟؟؟؟؟؟؟؟؟؟؟؟

لاراحم إلا ربي.....اللهم ارحمنا برحمتك

[@ابوريان@]

أخي الحبيب / خالد

وينك يالغالي لك وحشه

الله يعين الوضع مزري جدااااااااااااااا

[خالد آل مطرف العاطفي]

اخواني الغالين

سلمان ال سعد : عافاك الله على مرورك الطيب ورحم الله والديك وكل مسلم لاهنت

ابوغاده : عزالله انك جبتها وهذا هو الصحيح لكن على قولة ابن خضير الله يعدلها
الله يطرح في ذا الوزير الجديد البركه ... لاهنت ياابوغاده

مقبل السحيمي : ويجزاك انشاءالله خير وباالفعل هناك خط معاكس والله يكفينا شره وهذا شي
صار واضح للمواطنين لأن ماعاد فيه احد مايفهم الناس صارو يطلعون ويتابعون الأحداث وصار فيه
وعي وادراك لما يدور حولهم ....

ابوريان : الله يطول عمرك ياابوريان وانا والله موجود وتسئل عنك العافيه انشاءالله ووافي ياابوريان
ماتشوفش وحش ... اما الوضع عزالله انك صادق ياابوريان مزري وعسى الله يعدلها .. الا بسئلك معزبكم
مالحقه الدور الى هالحين .. والا عروقه في الماء
شاكر للجميع مرورهم

[@ابوريان@]

ابوريان : الله يطول عمرك ياابوريان وانا والله موجود وتسئل عنك العافيه انشاءالله ووافي ياابوريان
ماتشوفش وحش ... اما الوضع عزالله انك صادق ياابوريان مزري وعسى الله يعدلها .. الا بسئلك معزبكم
مالحقه الدور الى هالحين .. والا عروقه في الماء



تحياتي لك عروقه في البحر

[سعد القحطاني]

إلا عنه بعد ذالدعم بيصير سعر الكيس 80 ريال سعودي :017:

لاهنت يابو فهد

ونتمنى إن شاء الله ان الأمور تزين وترخص الأسعار لجميع السلع

تحياتنا

.

[@تركي السنحاني@]

لاهنت يالغالي


و الله يفرجها من عنده

[الضويري]

لاهنت يابو فهد

الله يصلح البطانة اللهم امين

[خالد آل مطرف العاطفي]

الأخوان الغالين
سعــد : لاتقول الا خير الله يستر .. والله ان قدنا نذل من بعض الدعم ... اما السلع
والله ياابن الحلال ان مدري انكان شي من ذا ..الوزير الجديد .. ولاهنت على مرورك

تركي السنحاني : مشكور على المرور ياتركي وعلى قولتك الله يفرجها من عنده ..

الضويري ::ومن قال مايهون .. اما ذا البطانه الصراحه ترفع الضغط الله يخارج منها والله يرزق ملكنا بطانة ٍ
صالحه .. لاهنت على المرور ..

[عبدالله آل عباد]

الله العالم

أنه بيزيد يرتفع السعر بعد ذا الدعم