المساعد الشخصي الرقمي

مشاهدة النسخة كاملة : يايتيمه لا تصيحي في قصيرين اليمان <> قبلك امك ولولت ولا انفعتها الولوله


سعيد بن مانع
04-03-2008, 11:05 AM
سـلآم عليكم ...



مساء الخير ...





أمنيه :
ياكم تمنيت أن أرى هذه الفتاه اليتيمه .. سعيده من سعادة أمها ...\






اقبلت ذيك اليتيمه والحزن فيها يبان=واجلست جنبي وقالت هيه عندي أسئله
قلت ياعمري وروحي اسألي عن اي كان=قالت القصه وش القصه ابيها مفصله
قلت ياويلاه ياقلبي على ذاك الزمان=كان ابوك الشيخ اباالعاده زبون المرجله
كان قايد قوم مامثله على ظهر الحصان=وكان شيخ داهيه مافيه حيّ استسهله
جا نبا أمك صوب ابوك وحبها حد الجنان=وكانوا اهل امك قساةٍ والأمور منيله
بس لينهم وجاها واكتبوا عقد القران=وابتدت قصة غرام بس ماهي مطوّله
مات ابوك وراح بذن الله الى روض الجنان=وعقب مات ابوك لا ذا اليوم وامك ارمله
مات ابوك وللأسف ماله عيال ولا خوان=ولا حدٍ عقبه خذا الشيخه وجات المهزله
مات أبوك وعقب موته صارت العشره ثمان=اخذوا الشيخه رجالٍ ماتعرف البسمله
لا يصومون ارمضان .. ولا يلبون الأذان=طاغيين وكل سترٍ دون ظلمٍ تسدله
بالغوا في ظلم امك باليدين وباللسان=والبلا موقف خوالك قاعدين امخيّله
لا بعد واكبر مصيبه خالتك زوجة فلان؟=زوجها المنعور مدري من غدر به واقتله
رملّوها ذوّقوها كل مطعوم الهوان=والحقت امك بنفس الداهيه والمعضله
كانوا أخوالك حرارٍ شانهم بالعز شان=غيره وشيمه وفزعاتٍ ومده مجزله
لين جاهم عبد خلفه جيش يملا له مكان=عبد ؟ لكن عبد قيّد ذا الحرار بسلسله
واخضعوا له عقب ماهو خاضعٍ تحت الدفان=واصبح العبد القبيح بعينهم يامجمله
يايتيمه كفي الدمعه وراسك لا يهان=وأسألي الجبّار دايم كل صعب يذلّـله
يايتيمه لا تصيحي في قصيرين اليمان=قبلك امك ولولت ولا انفعتها الولوله
لاترجي في خوالك لا معين ولا معان=مابه الا بلبله في بلبله في بلبله

العبدي
04-03-2008, 12:44 PM
صح لسانك يالرفيدي

نسأل الله ان يكون في عون هذه اليتيمة

ويحرر قيدها من أيد الظلمة

ومن يوم جانا ذا العبد وحن صايرين عبيد له

واهم شي في الحياة .. هو

لاهنت يالرفيدي مشاركة رائعة

تحيّاتي

سعد القحطاني
10-03-2008, 11:49 PM
ارحب يابن مانع

سلمت وصح لسانك يامبدع

تواصلك يسعدنا

ولاهنت

.

سعد بن عدال
11-03-2008, 12:04 PM
سلمت يابو مانع



قصيده تحكي الواقع المرير



ولكن لاحول ولا قوة الا بالله



تقبل تحياتي يابو مانع



سعد بن عدال

سعيد بن مانع
12-03-2008, 12:46 PM
العبدي



مرحبا بك يالذيب



والله يصلح الشان وانا اخوك

عبدالله بن سعيد البشري
13-03-2008, 09:56 PM
ارررررررررحب ترليوووووووووون ومايكفوووووووون

((اليتيمه))

دره رائعه اتى به المبدع كاالعاده سعيد بن مانع


خاطب فيها الاحاسيس000ولامس الجراح

وتفنن بمفهوم الجزاله000

سعيد000

شاعر اكبر من اشاده من حرفي المتواضع

وشاعر فوق الانتقاد00يدهشك بااسلوب الخاص

دمت بصحه يااااااااااااااااااااااااااااااااااااذيبان

سعيد بن مانع
31-12-2008, 10:58 PM
ارحب ياسعد مليون


تواجدك شرف طال عمرك


لاهنت نفداك

علي بن حيان
01-01-2009, 12:14 AM
ارحب يا سعيد
قصيدة جزلة وصح لسانك
وليس بغريب عنك الابداع

حكيم الشور
01-01-2009, 01:18 AM
صح الله لسانك يابن مانع

عزالله ابدعت لاهنت

سالم ابن سعران
01-01-2009, 10:06 AM
ارحب يابو مانع صح لسانك يالغالي

قصيده جزله من شاعر جزل

موضوع مميز وفكره رائعه

والله يعين وانا اخوك على هالدنيا

ولاهنت يالغالي

سفر بن مبارك
01-01-2009, 03:14 PM
صح لسانك وإعتلا شأنك وبيض الله وجهك على هالقصيده الجزله

تقبل مروري وخالص شكري .....

ابراهيم آل بي حبيب الرفيدي
02-01-2009, 12:51 PM
صح لسانك مليووووووووووون ولا يكفووووووووون


ابداااااااااااع يا ابو عبد الله كالعاده



واقع مرير عسى الله يبدل من حال لا حال




قصيد مبدعين