بداح الكودري
03-03-2008, 01:17 AM
هذه القصيدة للتواصل
والعذر من الله ثم منكم على الانقطاع
تقبلوا عذري وتقبلوا تحياتي
الصاحـب اللـي كنّـه الغيـم لا نــشّ=يفرح بـه اللـي خايلـه فالسمـا جـاي
هرجـه كمـا هملـول وبـلٍ لـيـا رشّ=يسقـي مجاديبـي ويـروي ظمـايـاي
طلـقٍ (ا)حجاجـه جانبـه ليّـنٍ هـشّ=وأقسى مـن الفـولاذ لا قابـل (ا)عـداي
درعي لمنها يبست (ا)حلوق و(ا)خشـشّ=وامّـا بحـزّات الرخـا ظلّـي ومــاي
وان جا لزومـي بـان ماهـوب ينخـشّ=هـذا (الخـويّ) وراس مالـي بدنيـاي
آفـزّ لامـن فــزّ وآكــش لا كــشّ=وان جاني (ا)من ادناه جيته (ا)من اقصاي
والصاحب اللـي شغلتـه فالقفـا حـشّ=من يوم اقفّي لو بعـد يسمـع (ا)خطـاي
وان شافنـي بالوجـه تبـسّـم وبــشّ=وحـطّ المعـزّة لـيّ والعالـم (ا)فـداي
هـذاك حبّـه داخـل القلـب مـا خـشّ=وعيّـت لا تعطيـه التّبسّامـه (ا)شفـاي
لابـوه لابـو (ا)مجاملاتـه لبـو هـشّ=ما اعـدّه إلا وطيـةٍ مـن (ح.....يـاي)
هـذا بليّـا سـابـق انــذار ينـطـشّ=ياكيف اشيل الداب فـي وسـط مخبـاي
أدخل علـى المعبـود مـن نيّـة الغُـشّ=يالله لا تعـطـيـنـي إلا نــوايــاي
والعذر من الله ثم منكم على الانقطاع
تقبلوا عذري وتقبلوا تحياتي
الصاحـب اللـي كنّـه الغيـم لا نــشّ=يفرح بـه اللـي خايلـه فالسمـا جـاي
هرجـه كمـا هملـول وبـلٍ لـيـا رشّ=يسقـي مجاديبـي ويـروي ظمـايـاي
طلـقٍ (ا)حجاجـه جانبـه ليّـنٍ هـشّ=وأقسى مـن الفـولاذ لا قابـل (ا)عـداي
درعي لمنها يبست (ا)حلوق و(ا)خشـشّ=وامّـا بحـزّات الرخـا ظلّـي ومــاي
وان جا لزومـي بـان ماهـوب ينخـشّ=هـذا (الخـويّ) وراس مالـي بدنيـاي
آفـزّ لامـن فــزّ وآكــش لا كــشّ=وان جاني (ا)من ادناه جيته (ا)من اقصاي
والصاحب اللـي شغلتـه فالقفـا حـشّ=من يوم اقفّي لو بعـد يسمـع (ا)خطـاي
وان شافنـي بالوجـه تبـسّـم وبــشّ=وحـطّ المعـزّة لـيّ والعالـم (ا)فـداي
هـذاك حبّـه داخـل القلـب مـا خـشّ=وعيّـت لا تعطيـه التّبسّامـه (ا)شفـاي
لابـوه لابـو (ا)مجاملاتـه لبـو هـشّ=ما اعـدّه إلا وطيـةٍ مـن (ح.....يـاي)
هـذا بليّـا سـابـق انــذار ينـطـشّ=ياكيف اشيل الداب فـي وسـط مخبـاي
أدخل علـى المعبـود مـن نيّـة الغُـشّ=يالله لا تعـطـيـنـي إلا نــوايــاي