المساعد الشخصي الرقمي

مشاهدة النسخة كاملة : سلطان بن وسام الهاجري يرفض المشاركه في شاعر المليون


العريفي الخالدي
29-02-2008, 07:58 PM
http://www.qahtaan.com/works/up/get.php?hash=z4so67ewtq1204302189 (http://www.qahtaan.com/works/up)


سلطان بن وسام الهاجري يرفض المشاركه في شاعر المليون بهذه القصيده




انا يازماني في فوادي ثـلاث اطعـون =
ولاهي بطعنه من سيـوف وسكاكينـي
من افتح ياسمسم والا يافلم ابو كرتون =
امورن تغث اكبود حتـى الوراعينـي
وجمهوري الغالي يسوق الشره ويمون =
ونا قد شرهات العتـب مـن محبينـي
يقولون ماشاركت واقول هل توحـون =
ابي كل واحد يفتـح اذنـه ويوحينـي
لابالله ماشاركت في شاعـر المليـون =
لواني على المليون تومـي شرايينـي
ولكن انا مانـي بخبـلٍ ولا مجنـون =
اجي وقطع ارزاق الضعوف المساكيني
ولامرّ وادها اني علي للرجال اديـون =
ومليـون واحـد مايسـدد دياييـنـي
الاياحمام الورق يااللي تجـر الحـون =
تغانم زمانك بيـن خضـر البساتينـي
تراها لا ركبت كل جمره على الغليون =
وراد الله انه يصفي الماء من الطينـي
حشرنا الضباء بقرون والابدون اقرون =
اقرون الظبي تصلى على النار وتليني
مثل ماوطى هامان والاوطى فرعـون =
ثياب الشرف ماتستـر الاالشريفينـي
ياالاجواد مدت للمواهب اكفوف العون =
وهاذي صفاتٍ من صفات الكريمينـي
والاقزام تهدم كل ماأهل الكرم يبنـون =
اصروحٍ من الامجاد ماهي من الطيني
بنتها الكفوف اللي كرمها سحاب امزون =
ارموز البطوله نصرة الحق والدينـي
غضبهم وأنا سلطان يهتز منه الكـون =
وكرمهم تربع فيـه حتـى البعارينـي
اجبالٍ قممها فوق والها حجا وركـون =
اليا مر طاريها على الراس والعينـي
بطوله عربيـه وتاريخهـا مصيـون =
عـن الاستهانـه باالقيـم والقوانينـي
واليامن لحقني من زماني جفا وغبـون =
تذكرتهم ومسيـت فـي راس علّينـي
عساالله يهونها على الناس لين اتهـون =
وتزين القرايه فـوق روس المجانينـي
اضعاف العقول اللي تهبد على مالـون =
على كـل ملـواحٍ تهـز الجناحينـي
ماتنظف يديهم لو تغسل من الصابـون =
كثر ماتقدمها علـى الزيـن والشينـي


وتقبلوا تحيتي

أخوكم / العريفي الخالدي

سعد محمد الفهري
29-02-2008, 08:15 PM
صح السانه وابو وسام ماهو في حاجة ناس يقيمون قصيدته

لاهنت وتقبل مروري

سعيد الجهيمي
29-02-2008, 08:34 PM
السلام عليكم


لا هنت يا الخالدي
وابو وسام شاعر الوزن الثقيل تبغاه يقيمه بدر صفوق ولا العميمي

هههههههههههههههه

لسلطان بيت مشهور في إحدى قصايده وكان يرد على احد الشعار فيها

وقال انشد خلف وانشد رشيد الزلامي منهو اللي تثنى عزومه ؟؟؟؟؟؟؟؟؟؟؟؟؟؟


وللمعلوميه يالذيب هذي قصيده له من العام من النسخه الأولى وقالها في مزاين قحطان

وهذا الفيديو لها
اضغط هنا لتحميل الملف (http://www.qahtaan.com/works/up/get.php?hash=35ejkntvwy1204306416)


وتسلم يالغالي على المشاركه الممتازه

ابوحسين
29-02-2008, 08:44 PM
من الصعب مدرس في الشعر يقيمونه تلاميذ

تحياتي

خادم والديه العبدي
29-02-2008, 11:26 PM
الله لا يهينك وبن وسام مدرسه شعريه كل شاعر استفاد منها

العجرشي
01-03-2008, 12:10 AM
لابالله ماشاركت في شاعـر المليـون
لواني على المليون تومـي شرايينـي
ولكن انـا مانـي بخبـلٍ ولا مجنـون
اجي وقطع ارزاق الضعوف المساكيني


لاهنت يالعريفي

عايذ
01-03-2008, 12:10 AM
يا اخي الكريم مجرد مشاركه الشاعر سلطان الهاجري فيه تقليل من قيمته
فكيف بشاعر مثل سلطان يشارك في برنامج شاعر المليون

العريفي الخالدي
03-03-2008, 09:25 PM
سعد محمد الفهري

سعيد الجهيمي

أبو حسين

خادم والديه العبدي

العجرشي

عايذ

منورين بطلتكم على الموضوع

وتعليقاتكم الرائعه

لاهنتوا على المرور الكريم يالغلاه

ابراهيم
04-03-2008, 12:57 PM
ونعم والله بالشاعر والناقل شاعر أنسان هذا يعجبني

عبدالله السحيمي
06-03-2008, 01:38 AM
كفو والله يا ابن وسام

وابن وسام ماهو بحاجة البيرق ولا المليووون

ومستواه اكبر بوووااجد من شاعر المليون كله


اخوك/عبدالله السحيمي

مشاري بن نملان الحبابي
06-03-2008, 12:08 PM
الله يعطيك العافية

وأبرك له ما يدخل هذا البرنامج الفاشل