فارس قحطان
11-10-2004, 08:07 AM
هذه القصيدة للشاعر/ عايض بن تميم آل إدريس الكنادي
من الحرقان عبيدة قحطان
قالها بمناسبة النصر وتحرير دولة الكويت الشقيقة من الاحتلال العراقي عام 1411هـ.
بسم الإله اللي له الناس سجّاد = بديت باسم الله خير إمعبودي
فهد العروبة كاد للي لنا كاد = له موقف يشهد وحنا شهودي
له موقف معروف من فوق الاشهاد = وأخلف ظنون موشمين الخدودي
شتت سياسة طامعين وحسّاد = أهل الجرايم ناقضين العهودي
صدام تلعنك البرية وبغداد = ويلعنك في بغداد حتى الحيودي
مالك مقاصد كون في الأرض الإفساد = والله يا صدام ما منك فودي
أعدمت شعبك في حلبجة والأكراد = شوهتهم وأعدمت ناس هجودي
من غير ذنب تقتل شيوخ وأولاد = ذنب عملته ما عمله اليهودي
صدام للمعروف منكر وجحاد = نسي الجميل اللي فعله السعودي
الله بلاك أنت ورديين الأجداد = أعوانك اللي ناقصين الجدودي
منك تبروا وقطعوا عنك الإمداد = خلوك وسط النار بين اللحودي
نصحك بو فيصل ولك النصح ما فاد = والنصح في المجرم ترا ما يفودي
واليوم تلقى ذوق سم بالأكباد = تجرعه وتذوق سم الكبودي
المعركة تبغي لها زند وزناد = عليك دارت يالخسيس المرودي
ترسل عليك أسراب في الجو تنقاد = كن حسها زلزال هز الرعودي
ترسل قذايفها كما وبل رعاد = على المواقع ضربها بالركودي
في الجو طيارة وفي الأرض الأفراد = جند لبو فيصل ونعم الجنودي
جيش الوطن عز الوطن درع وسناد = حماة الوطن عن كل ملحد حقودي
جيش على مبدأ قيادة وقياد = قايده فهد والفهد من فهودي
جيش السعودي في المهمات معتاد = ضد الضديد وفي المعارك صمودي
حنا هل التوحيد في سلم وجهاد = نطرح عدو الله ضعيف الزنودي
حنا انتصرنا اليوم والحق ينعاد = لأهل الكويت الحق يرجع وزودي
لنا بقول الله على النصر ميعاد = والحق لاهله بأمر ربي يعودي
بيدي رجال تارد الموت ميراد = والكويت حرر من جميع الحدودي
وهذا كويت العز به الأمن قد ساد = وذعذع له الغربي نسيم البرودي
منه انقلع صدام وأرمس بالإبعاد = ذاك الغرير اللي بعد في المهودي
تقدم التكريت واليوم شراد = وهزيمته بانت عسى ما يعودي
قيده فهد وقال سووا له قياد = ودبر له الخطة وشد القيودي
وسيرة هل العوجا قديمات وجداد = إخوان نورة جعلهم في الوجودي
من الحرقان عبيدة قحطان
قالها بمناسبة النصر وتحرير دولة الكويت الشقيقة من الاحتلال العراقي عام 1411هـ.
بسم الإله اللي له الناس سجّاد = بديت باسم الله خير إمعبودي
فهد العروبة كاد للي لنا كاد = له موقف يشهد وحنا شهودي
له موقف معروف من فوق الاشهاد = وأخلف ظنون موشمين الخدودي
شتت سياسة طامعين وحسّاد = أهل الجرايم ناقضين العهودي
صدام تلعنك البرية وبغداد = ويلعنك في بغداد حتى الحيودي
مالك مقاصد كون في الأرض الإفساد = والله يا صدام ما منك فودي
أعدمت شعبك في حلبجة والأكراد = شوهتهم وأعدمت ناس هجودي
من غير ذنب تقتل شيوخ وأولاد = ذنب عملته ما عمله اليهودي
صدام للمعروف منكر وجحاد = نسي الجميل اللي فعله السعودي
الله بلاك أنت ورديين الأجداد = أعوانك اللي ناقصين الجدودي
منك تبروا وقطعوا عنك الإمداد = خلوك وسط النار بين اللحودي
نصحك بو فيصل ولك النصح ما فاد = والنصح في المجرم ترا ما يفودي
واليوم تلقى ذوق سم بالأكباد = تجرعه وتذوق سم الكبودي
المعركة تبغي لها زند وزناد = عليك دارت يالخسيس المرودي
ترسل عليك أسراب في الجو تنقاد = كن حسها زلزال هز الرعودي
ترسل قذايفها كما وبل رعاد = على المواقع ضربها بالركودي
في الجو طيارة وفي الأرض الأفراد = جند لبو فيصل ونعم الجنودي
جيش الوطن عز الوطن درع وسناد = حماة الوطن عن كل ملحد حقودي
جيش على مبدأ قيادة وقياد = قايده فهد والفهد من فهودي
جيش السعودي في المهمات معتاد = ضد الضديد وفي المعارك صمودي
حنا هل التوحيد في سلم وجهاد = نطرح عدو الله ضعيف الزنودي
حنا انتصرنا اليوم والحق ينعاد = لأهل الكويت الحق يرجع وزودي
لنا بقول الله على النصر ميعاد = والحق لاهله بأمر ربي يعودي
بيدي رجال تارد الموت ميراد = والكويت حرر من جميع الحدودي
وهذا كويت العز به الأمن قد ساد = وذعذع له الغربي نسيم البرودي
منه انقلع صدام وأرمس بالإبعاد = ذاك الغرير اللي بعد في المهودي
تقدم التكريت واليوم شراد = وهزيمته بانت عسى ما يعودي
قيده فهد وقال سووا له قياد = ودبر له الخطة وشد القيودي
وسيرة هل العوجا قديمات وجداد = إخوان نورة جعلهم في الوجودي