المساعد الشخصي الرقمي

مشاهدة النسخة كاملة : (( كنت بين العرب كالذيب له في مراقيبه قنيب = واصبح اليوم ذاك الذيب ملحوق خير وعافيه))


محمد بن نغموش
26-02-2008, 07:46 PM
السلام عليكم ورحمة الله وبركاته
هذه القصيدة كتبتها على لسان شيخ قبيلة كبر في سنه واصبح اسير المرض فنسأل الله لنا وله حسن الخاتمة

عللتي يا خطرها حار فيها المداوي والطبيب = عقب ذاك النشاط أصيح يا ناس وين العافيه
انحنى الظهر والشوف اقترب واعترى الشعر المشيب = والقدم حار والجنبين عن مرقدي متجافيه
كان فينا من الصحة وطول الأمل شي عجيب = يحسب انها الخبل تبقى وهي في الحقيقة جافيه
كنت أقود الصفوف واقدح العلم من راس صليب = واتعزوى بقوم يعرفون السلوم الوافيه
كنت بين العرب كالذيب له في مراقيبه قنيب = واصبح اليوم ذاك الذيب ملحوق خير وعافيه
بعد ما مات ريعي صرت بين البشر كني غريب = والونس غاب وجروح الزمن في الخلد متكافيه
احسب الوقت والتفكير ياقف على أمس القريب = دام هذي السنين الماضية كيف عاد اللافيه ؟!!
قالها اللي يشوف إن شمس عمره تدانت للمغيب = والمرض في جنوبه حل والحزن بيح خافيه
وعللتي يا خطرها حار فيها المداوي والطبيب = عقب ذاك النشاط اصيح يا ناس وين العافيه
محمد بن نغموش القحطاني

سعيد بن مانع
27-02-2008, 06:12 AM
يالله حسن الختام يالله ...



لاهنت يابوعبدالرحمن وصح لسانك .. والله يرحم الحال ..

عبدالله بن غفره
29-02-2008, 05:17 PM
صح لسانك يامحمد

وننتظر تواجدك وتواصل المستمر

محمد أبن دوحان
02-03-2008, 12:40 AM
الأخ الشاعر / محمد بن نغموش

صح لسانك يالقرم واعتلا شانك

مبدع بلا حدود

لاهنت

عبود القحطاني
29-03-2008, 12:19 AM
ارحببببببببببببب

يالله ان تحيييييييييه


صح والله لسانكككك يا نجم

الصمت الحزين
10-10-2008, 12:25 AM
الوافي (( عملاق الشعراء )) محمد بن نغموش

صح لسانك ورحم الله شيبانك

تمتطي صهوة الإبدااااااااااااع .. لتعانق شغاف القلووووووووووووووب

دمت بخير على طاعة الله