المساعد الشخصي الرقمي

مشاهدة النسخة كاملة : قصه قديمه آتمنى ان تعجبكم


سلايل كيحلان
06-06-2005, 11:48 AM
القصه طالت عماركم جميع .....
يقولون فيه شيخ وكبير ربعه وعميدهم وله ولد كفو (شروى من يقرا) ولد الشيخ شيخ المهم ......
كان معهم في ديرتهم (حلال بلحط) يعني ما له اصل ومعه اخت حلوى مزيونه (لكن عرقها ماش) .........
حبها ولد الشيخ واتفق مع خوها على الزواج ؟؟؟
راحلبوه يوم من الايام قال يبه ابي اتزوج فلانه اخت فلان قام ابوه من مكانه واعتزى( ياللي فيك ما يخطيك )تبي تاخذ بنت ( البلحط) وانت فلان ولد الشيخ الفلاني........المهم عيا الولد قال ابوه تدري اجل خذها هي واخوهاوشدو من الديره وتزوجها بعيد مني قام الولد وشد ركوبه واخذ له عفش وزاد وما وعلم لنسيبه ذا الجديد ةبالعلم طاعه نسيبه وشدو المه خذولهم ركوبه ابل ومثلها وسرو في اللليل يوم اصبح الصبح لي والله انهم قد ابعدو من الديره تعبوا وتعبت الركايب قال ولد الشيخ اجل بنصبح هنيا ونفطر ونعين من االله خير رقدو لهم شوي ويوم شرقت الشمس قام الولدشب الضو وصلح القهوه وصلح لهم دوحين في ( الضو )المهم جائهم رجال ياولد ويش انت قال : ضيف فطور وقهوه قال ولد الشيخ اقلط الله الله يحيك؟ قام يبي ينفض الدوحين ويكسرها عنده...................... صالح البلحط خل دوحي؟؟؟
عود خلاه وعطا الضيف دوحه وافطر الضيف وعين من الله خير عرف الشايب ( الضيف ) ان بينهم نسب او ان بسير نسب من كلامهم وسوالفهم خلص الضيف ......الله يخلف عليك ياولدي قال ولد الشيخ اربك شبعت قال الشاي


كلينا وشبعنا ولللذر في زاد الاجواد معاش
واللي ما يعرب منسبه قبل منشبه يروح عليه ولده بلاش
سمعها ولد الشيخ وكنها وقعت في قلبه؟؟؟؟
قال للبلحط تدري الله يستر عليك انت واختك ويعطيه المطلق؟؟؟
اما انا باعود لبوي عقب ذا الكلام





وسلامتكم ارجو ان تكون في محلها واعجبتك

ولد النايب
06-06-2005, 12:01 PM
اشوي انه ولد شيخ

ماهوب ولد نايب

عيال النواب
ما يسون كذا ابداً
ههههههههههههه

الودادي
06-06-2005, 12:02 PM
الله يعطيك العافية ياسلايل كحيلان على هالقصة الحلوة ومشكور 1000

كحيلان
12-06-2005, 02:26 PM
شكراً لك اخي الكريم على هذا المشاركة

الله لايهينك على القصه وبيض الله وجهك يا سلايل كحيلان

ابوملاك
12-06-2005, 04:03 PM
الله لايهينك يا سلايل كحيلان ومشكووووور على القصة الجميلة

والولد ان طاب طيبه من خواله

والله يعطيك العافيه .

ملحف الرفيدي
12-06-2005, 04:48 PM
كثر خيرك وجمل حالك على ذي السالفة

سفير بني بشر
15-07-2006, 12:13 PM
الف شكرا

سعيد بن مسعود آل مهدي
15-07-2006, 01:18 PM
سلايل كحيلان

كلينـــــــــا وشبــــــعنا ولــــذر = فـي زاد الاجـــــواد معـــاش
والي مايعرف منسبه قبل منشبه = يروح عليـــــه ولــــده بلاش



أنشهد أن الشائب صادق في كلامه وأن عيال الرجال تاتي رجال والرسول قد أخبر بما معناه تخيروا لنطفكم فأن العرق دساس


مشكور ياسلايل كحيلان وأنت كحيلان بعد
تقبل أحترامي وتقديري

خوي الذيب الربيعي
30-08-2006, 06:34 AM
أخوي /سلايل كحيلان
بيض الله وجهك على هذي السالفه
والسلام ختام

عبدالله ال دريس
04-09-2006, 07:32 AM
بيـض الله وجهـك على مجـهـودك
فـي مصلـحـة هــذه القبيـله العــريقه

عبدالله فراج العلياني
13-10-2009, 04:55 AM
لاهنت وبيض الله وجهك على الموضوع الرائع

تقبل مرووووري

مشاري بن نملان الحبابي
13-10-2009, 11:43 AM
لاهنت أخي الغالي ..

والعرق دساس ..

عبدالله العنبسي
13-10-2009, 10:28 PM
ههههههههههههههههههههههه بس وش درا الضيف ان الي عيا على الدوح بلحط ؟بيض الله وجهك يا سلايل كحيلان اضحك الله سنك ولاهنت ولا تجعلها يتيمه ولك خالص الشكررررررررررررررررررررر

ابن عيفة الحبابي
13-10-2009, 10:50 PM
ذيب عوى وانا على صوته اجيب = ومن ونتي جضت ضواري بأندفاعة
أبا أنذر اللي من ربوعي يبا الطيب = لا ياخذ إلا من بيوت الشجاعة
يجي ولدها مذربٍ كنه الذيب = عز لبوه وكل ما قال طاعه
وبنت الردي يا تي ولدها كما الهيب = غبن لبوه وفاشله بالجماعة
ياكبر زوله عند بيت المعازيب = متحريٍ متى يقدم متاعه



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,




يالعبد لو ميزت في كل الاحوال=عرفت وين المخطيه والمصيبه
وعطيت واف الحق قدام ينقال=مخطي وتصبح بين شكٍ وريبه
الحق مايزعل منه غير الانذال=اهل الردى واهل والوجيه الغضيبه
دام السريره صافيه فأنت رجال=واليا دخلها غش والله مصيبه
الحر لو ماحط له بشت وعقال=يكفيه بين الناس فعله وطيبه
وراع الردى لو بأجمل اللبس يختال= تلقى الردى مابين كمه وجيبه
ومن لاكسب كلمة نعم بين الاجيال=يكسب بدلها ياهل العرف خيبه
ومن لا شرب لمواجه الوقت فنجال=يقضي العمر بين الطمان وشعيبه
ومن لاتحدى في الزمن بحر الاهوال=اللول والمرجان ماهو نصيبه
ومن لاحسب قبل النسب معدن الخال=لاينشد المولود من وين عيبه
ومن لادفع في ماقف الربع مثقال=لا ينتظر تعطيه ربعه زبيبه
ومن لا طلب للمشكله ناس عقال= يجيه من عميان الاريا كتيبه
ومن لاحفظ سمعه عن القيل والقال=تلقى ورم مخه نميمه وغيبه
ومن داس عرض الناس لو كان بالمال=من عرضه المصيون دفع الضريبه
ومن لاحسبها صح في عمر الاقبال=ماهو بحاسبها ليا بان شيبه
سمعت ماقالوه قبلي بالامثال=من لاكسب كلمة نعم وش تبيبه
جنب عن الرديان وكبار الازوال=وتلقى من اهل الخير من تعتزي به
هذي نصيحه كان ما اعطيتها بال= أتضيع بين المخطيه والمصيبه

عبدالله العنبسي
14-10-2009, 04:41 PM
بيض الله وجهك يبن عيفه مداخله طيبه واثريت الموضوع دايمن الابداع حليفك يبن عيفه تقبل شكري ومروري

خادم والديه العبدي
14-10-2009, 08:05 PM
الله لا يهينك ويعطيك العافيه

تحياتي00000000اخوك

أبو تركي الحرملي
19-10-2009, 12:04 AM
هذي القصيده لحجرف الذوبيي الحربي والقصه غير كذ تماما وسوف نوردها في حال طلبها

يعطي العطا من كان ضاري بالعطا .......................ويمن العطا من كان خـــــاله لش
شبــــــبعنا وشبع الذر من مير ضيفنا .......................والذر يلقي في مير الكرام معاش
من لايعرب منسبه قبل منشـــبه ...................................يصرعليه وايلده بــــــــــــلاش

حد السيف
19-10-2009, 08:26 PM
بيض الله وجهك ياسلايل كحيلان