المساعد الشخصي الرقمي

مشاهدة النسخة كاملة : قصيدة فالح الظفيري في ياسر القحطاني


محمد آل غانم
22-02-2008, 04:05 AM
بسم الله الرحمن الرحيم
السلام عليكم ورحمة الله وبركاته


هذي قصيده للشاعر .. فالح ابن دهمان الظفيري ..المشارك حاليا في شاعر المليون ..كتب هذه القصيده في نجمنا المحبوب ياسر القحطاني .. قبل دخوله المسابقه ..

تفضلوا :



ماللنجوم الا منازل سماها=يانجم يانجم النجوم المشاهير

حي قحطان الله يكثّر نماها=عز الوطن بأقدامها والشواطير

صبي قحطاني والمعالي رقاها=بحذاه في عزم ومهاره وتدبير

ونفوس منّاها وحقق مناها=وتصفق قلوب الملايين وتطير

ذيب العزايم ذيبها يوم جاها=خلا مجاهيم الملاعب مغاتير

نفسه بهدات الحماس يحداها=هدات بن شداد او سالم الزير

كم كورة جاته على مشتهاها=لكن ايبديها لـ مالك وتيسير

وياسر الا منه خذاها وعطاها=في القول واهتز الشبك والجماهير


تقبلوااا تحياتي الدندونيه

أبن سعيّد
22-02-2008, 04:14 AM
لاهنت

وصح لسان بن دهمان ، ويستاهل صبي قحطان.

تقبل تحياتي

ابن خضير
22-02-2008, 01:53 PM
صح السااااااااااااااااااااااااان الشاعر


والله يعطيك العافيه

محمد آل غانم
22-02-2008, 03:05 PM
لاهنت

وصح لسان بن دهمان ، ويستاهل صبي قحطان.

تقبل تحياتي




لا هنت على مرورك الراااااائع

محمد آل غانم
22-02-2008, 03:05 PM
صح السااااااااااااااااااااااااان الشاعر


والله يعطيك العافيه



لا هنت على مرورك الراااااائع

محمد آل غانم
26-02-2008, 01:01 AM
لا هنتم على مروركم وتواجدكم

فلاح آل راكان
26-02-2008, 04:29 AM
لاهنت يا الغالي على النقل

وصح السان الشاعر وصبي قحطان يستاهل

محمد آل غانم
27-02-2008, 12:29 PM
لا هنت على مرورك اخوي فلاح

سعد القحطاني
27-02-2008, 12:38 PM
يستاهل ياسر

وصح لسان الدهمان

ولاهنت على النقل يامحمد

لكن بسألك سؤال بسيط

وش معنى الجمله اللي في آخر موضوعك ( تحياتي الدندونيه ) ؟ :mad:

ودمت بخير ،،

.

محمد آل غانم
27-02-2008, 12:45 PM
نو نو نو


هذي سر المهنه


يالله عرفتها تبيني اعلمك اياها

لا يعني لا يعني لا



خل محمد الامارات يعلمك<<<<<<واحد مايعرف معناها