المساعد الشخصي الرقمي

مشاهدة النسخة كاملة : قلبــــــــــي سجــــــــــــد لك .. بدر بن عبدالمحسن


معيض بن صميع
14-02-2008, 11:34 PM
السلام عليكم ورحمة الله وبركاته،،



هذه المشاركة للتواصل معكم روّاد عذب الكلام مع التقدير والإحترام ..







قلبي سجد لك قبل لا يسجد حجاجي= على الثرى اللي تسامى بالنبي أحمد
قصدت مسجد نبيك ..نادمٍ... لاجي= عن كل جرح.. وحزن...وهاجس..أسود
قدّست نورك... وغيره مظلم.. وداجي = واخلصت في عبادتك.. ياخالقي فـ اشهد
اشعلت شمسي.. وغيضك يطفي سراجي = وأنت الوحيد الذي على الضرر تحمد
ان تبت عن مدخلي... يا طيب مخراجي = أموت وأولد... وأموت برحمتك... وأولد
لوخضت بحر ٍو أنا في عزتك ناجي= ولو كنت أنا البحر... مالي عزتك بنفد
خمسين حولٍ مريض الطرف وعلاجي = في ركعتين تداوي قلبي الأرمد
نزعت عن خاطري خزّي وديباجي= شوك... وكستني المحبة ثوب من عسجد
يا هل المدينة سلامٍ كثر ما هاجي = نسيم صبح وناح الراعبي وغرّد
على الذي له في عالي الفلك معراجي= نبينا اللي اصطفاه الخالق الأوحد
لاجيب طيبه تهدم برجي العاجي= ظهرت من مثل قبري عاريٍ أجرد
وقلبي سجد له قبل لا يسجد حجاجي = على الثرى اللي تسامى بالنبي أحمد








وسلامتكم،،

محمد آل غانم
14-02-2008, 11:37 PM
صح لسانك ولسان الشاعر



لا هنت على القصيده الرائعه

ابراهيم آل بي حبيب الرفيدي
15-02-2008, 08:37 PM
لاهنت يا معيض على التواصل الطيب


والاختيار الرائع


سلمت سلمت

يثرب
16-02-2008, 11:33 PM
بسم الله الرحمن الرحيم

الاخ ابن صميع

رائع اخي بنتقائك للقصيدة وصح لسانك ولسان الشاعر .

أخ معيض ذكرتني بقصيدة رائعة لقايد الشريف ...

على صوت المآذن والاذان وزحمة ذنوبي
....................... تغافلت الخطايا العوج وبعت الذنب للتوبه
تثاوب للخطا صوت وتنحنح اول عيوبي
.................عرفت اني الى ربي قريب ومتجـــه صوبـه
شعرت بقشعريره وارتعشت ولجت جنوبي
.............. بعدها ماشعـــرت الا وانا غــارق بغيبوبــه
تخيلت الذنوب اللي توثب تتجه صوبي
................. وانا العبــد الفقير اللي يضيق بكثرة ذنوبــه
تخيلت القيامه والعذاب وضقت من ثوبي
..................تخيلت المعاصي السـود وضـاق القلب بجنوبه
ذكرت القارعه والزلزله وآنا ومكتوبي
...................وذكرت ان اصغر ذنوبي معي في لوح مكتوبه
من اول وحشة القبر الصغير فـ اول دروبي
.................. الى حد الصراط المستقيــم وآخر دروبــه
انا دوبي وصلت من الغياهب والدجى دوبي
...................وقلبي تـو نـزع عنه ازارير الخطـا دوبه
مع صوت المؤذن بالآذان وزحمة ذنوبي
.....................لعنت ابليس باربي وجيتك راجـي التوبه





دمت لنا اخ معيض



محبك يثرب

عندوس البشري
17-02-2008, 12:19 AM
صح الله لسان الأمير وصح لسانك ياخوي معيض على القصيدة الجزلة