الامير سلطان بن محمد بن سعود الكبير يرعى فعاليات افتتاح سوق نجد بالجله لبيع الإبل

[فارس قحطان]

الامير سلطان بن محمد بن سعود الكبير يرعى فعاليات افتتاح سوق نجد
بالجله لبيع الإبل

http://www.qahtaan.com/up/up/soltan.jpg
صورة لسمو الأمير سلطان بن محمد وعلى يمين الصورة الشيخ مترك بن ذيب ابن شفلوت وعلى يسار الصورة الشيخ سلطان ابن خليل ابن عمر

شرف صاحب السمو الامير سلطان بن محمد بن سعود الكبير فعاليات افتتاح سوق
الإبل بالجله وذلك الساعة الحادية عشر من صباح يوم
الخميس الموافق 23/8/1425 حيث بدئ الحفل بآيات من القران
الكريم وبعدها ألقيت كلمة الأهالي والتي ألقاها نيابة عن الأهالي الشيخ /حمود بن حزام ابن عمر بهذه المناسبة ،
كما القي خلال ذلك عدد من القصائد الشعرية بهذه المناسبة وقصائد أخرى تحكي
عن الإبل تاريخها وأنواعها
ونورد لكم هذه القصيدة التي قالها الشاعر / مبارك بن محمد المكودر آل عاطف القحطاني لهذه المناسبة وترحيبا بصاحب السمو الأمير / سلطان بن محمد بن سعود الكبير


بسم الذي بيده تصاريف الاعمار = الخالق الرازق عزيز الجلالي
مجري سفينة نوح من فوق الابحار = يوم اعتلا الماء فوق روس العوالي
احب للمسلم من الوالد البار = ويجازي المشرك حميم وصالي
بعده تنّحي صاحي الفكر واندار = دور الرشا من فوق عود المحالي
اندار للمعنى وعبر بالاسطار = عبر عن اللي راسمه في خيالي
ارسم من الواقع تماثيل واشعار = وصخّر المعنى على ما طرالي
يامرحبا بزاير اللي لنا زار = وستفتح السوق وكساه الجمالي
جيت سموّه طورت كل مقدار = غيثٍ نزل وامطر حقوق الخيالي
سلطان ابونايف معزّب وزوار = واضح وما يبغي جواب وسؤالي
واعم بالترحيب من كان حظار = ولا كرر الترحيب يرتاح بالي
يا مرحبا من جد ما نيب عيّار = باللي لهم في كل طيبٍ مجالي
روس الرجال اهل المواجيب والكار = اللي على العليا تسوق الرحالي
جاو للثلاث انواع مكسب ومقدار = ومشاركة في حفل سوق الجمالي
سوق الابل في نجد وبجله الاعشار = سمي بلوحة نجد واسم مثالي
زاعت له البدوان من كل الاقطار = شرق وغرب ومن جنوب وشمالي
بسم اقحطان ارحّب امرار وامرار = بسم اقحطان ارحب اول وتالي
في موقع تعتز به سمعة الدار = حضر البلد ومجودين الحلالي
لكن من سوّى مباديه واختار = ورخص له الموقع وهو كان غالي
لسوق من حكمة بعيدين الانظار = ما حطوا ايام الرخاء راس مالي
هزاع هو وحمود وافين الاشبار = ضد العدو ريف الصديق الموالي
تو الرجال اقولها سر وجهار = وردّها في اخوانهم والعيالي
نعم الرجال اللي لهم صيت وذكار = لادنى رفيقك لا ورد ما يمالي
ونعم يا آل اعمر من اكبار وصغار = يشهد لهم من ماضيات الليالي
يشهد لهم لا ما اعتلو قب الامهار = لا جالها عند الطريح اجتوالي
ويشهد لهم لا ساقوا النار بالنار = لاعسكر البارود والدم سالي
هذا وانا ما انسى المطاليق الاخيار = اللي سعو للسوق حال وحلالي
وقول مشكورين تكرار تكرار = يا اهل الوفاء والجود روس الرجالي
هذا ولي في السوق مدخل ومظهار = والكامل الله ما ادعي بالكمالي
وصلوا على نور الهدى سيد الابرار = نبينا المبعوث بجزل مقالي

http://www.qahtaan.com/up/up/DSCN2267.jpg
سمو الأمير سلطان يسلم على أحد الشعار

وبعدها غادر سموه مقر الحفل وودع بمثل مأستقبل به من حفاوة وتكريم .


جدير بالذكر أن هذا السوق
جهز ليستقطب بيع الإبل على مستوى المملكة وقد لاقى السوق
حركة بيع نشطه في يومه الأول وقد حدد الحراج العام في
يوم الخميس من كل أسبوع


والآن نستعرض لكم بعض الصور التي ألتقطتها عدستنا هناك



http://www.qahtaan.com/up/up/DSCN2269.jpg
سمو الأمير سلطان وعلى يساره الشيخ مترك بن ذيب ابن شفلوت ثم الشيخ عشق بن محمد بن شفلوت

http://www.qahtaan.com/up/up/DSCN2277.jpg
الشيخ حمود بن حزام بن عمر

++++++
صور منوعه للأبل

http://www.qahtaan.com/up/up/DSCN2282.jpg


http://www.qahtaan.com/up/up/DSCN2279.jpg


http://www.qahtaan.com/up/up/DSCN2283.jpg


http://www.qahtaan.com/up/up/DSCN2284.jpg




تغطية ومتابعة
فارس قحطان
و
شبل قحطان

[فارس الشواطي]

بيّض الله وجيهكم ولا تهونون على هالمجهود الرائع

ولكم فائق التقدير على نقلكم للصور وكأن الواحد كان جالس بقلب الحدث

تقبلو تحياتي


أخوكم فارس الشواطي

[عبيدي الدمام/ابوزياد]

الف شكر للغالين رجال قحطان (( فارس وشبل قحطان ))
الله يعطيكم العافيه على هذا المجهود الجبار ..
نتمنى ايضا تغطية أي حفل يخص قحطان من تبراك الين الجنوب وتهامه ..

[السيف النادر]

مشكووووورين والله لا يهينكم ، وارجو انكم تنقلون لنا الصورة كاملة عن الحدث بالتفاصيل وان قدرتوا بعد تصورون مقاطع بالفيديو ما تكون كبيرة عشان نقدر نحملها ( ان قدرتوا ) ، والله لا يهينكم ويبيض وجيهكم .

[عاشق الوطن]

تفاعل مذهل وتغطيه مميزه مزيد من العطا في بلد الرخا اللهم احفظ بلادنا من كيد الاعدا
فارس ، شبل قحطان اهنئكم ونفسي على هذا السبق الصحفي عيار جنبي يقول عينهم على الشرهه من الامير سلطان

[ابن شويه]

مادري وش اقول والله
اتحفتونا يالغالين
لاهنتوا

[ابو سديم]

الله لا يهنكم على هذي التغطيه


واتمنى لسوق نجد للابل النجاح والتطور


وشكرا.....

[فارس قحطان]

فارس الشواطي


عبيدي الدمام/ابوزياد

السيف النادر

عاشق الوطن

ابن شويه

SAAD

شكرا جميعا على المرور

وبالنسبة لأخوي ابوزياد

نتمنى ايضا تغطية أي حفل يخص قحطان من تبراك الين الجنوب وتهامه ..

هذي راح تكون صعبه علينا
اما اذا كان فيه تعاون من الأخوان ويجيبون لنا الخبر
مستعدين والله نحطه في الصفحة الرئيسية وندعمهم باللي يبون بعد :)


واما اخوي السيف النادر

مشكووووورين والله لا يهينكم ، وارجو انكم تنقلون لنا الصورة كاملة عن الحدث بالتفاصيل وان قدرتوا بعد تصورون مقاطع بالفيديو ما تكون كبيرة عشان نقدر نحملها ( ان قدرتوا ) ، والله لا يهينكم ويبيض وجيهكم .

تونا على المقاطع الفيديوه ، ولكن يوجد حاليا بعض الأتصالات مع بعض الأشخاص لتصوير جميع احتفالات قحطان
ورفعها للموقع اولا بأول

اما اذا احد الأعضاء عنده شي ويبينا نرفع فحنا مستعدين أتم الأستعداد


اخوكم
قارس قحطان

[شيخ المهادية]

مشكووووووووورين يا فارس قحطان ويا شبل قحطان على تغطيه الحفل وبيض الله وجيهكم

اخوكم شيخ المهادية

[عز الخيل]

الله لا يهينكم ويعطيكم ألف عافيه

وأتمنى للسوق نجاح بارزاً

[سطام ابن شفلوت]

اخواني اشكركم على هذا الجهد والله لايهينكم والله يبيض وجيهكم حدث كان مهم للمنطقة ونشكركم على تغطيته

تحياتي للجميع

اخوكم

سطام بن شفلوت

[عبيدي الدمام/ابوزياد]

مشكورين على هذا التجاوب ونحن مستعدون للتعاون ..

[سلطان العبيدي]

فارس قحطان بيض الله وجهك على التغطية المميزة

[بن عايش]

لاهنتوا يالنشامى.

[كعدان]

السلام عليكم ورحمة الله وبركاته

أشكر فارس قحطان على هذه التغطية ومزيداً من التقدم ولاهوب غريبةً:040104_em:040104_em

[كعدان]

السلام عليكم ورحمة الله وبركاته

أشكر فارس قحطان على هذه التغطية ومزيداً من التقدم ولاهوب غريبة


ألف ألف ألف شكر وآسفين على صور الإبتسامات جاءت بالغلط