المساعد الشخصي الرقمي

مشاهدة النسخة كاملة : أوصيـك لاتبحث


شبل قحطان
03-09-2004, 03:50 AM
أوصيـك لاتبحث
مرشد البذال يوصي ابنه في هذه القصيدة

يالله يارب الضعوف المساكيــن =اللي لك المخلوق يحسن صلاتـه
تستر على غوشن صغارن مكفين =أكبرهم العارف دليله عصاتــه
لا يا عيالي كلبوكم حبيبيــــن =عندي وعند الناس كلن وذاتــه
عندي غلاكم يدفن الزين والشيـن =وعند العرب كلن تشاف اخملاتـه
يا عبيد أنا خابرك ورعن لهالحيـن =داوي بغبات الجهل وظلماتـــه
لاشك علمي لك محبه وتفطيــن =تسمع الوالد وثبت وصاتــــه
وصاة مخلوقن يعرف القوانــين=مافاة عمره بالجهل والهياتـــه
يا عبيد انا أوصيك مني بثنتــين=ثنتين هن سؤ البشر وحسناتـــه
أوصيك لاتبحث سدود المغيبــين=ولاتجهر اللي غارقن بغفلاتـــه
ترى النميمه تمحق الرزق والديـن =والمنزل العالي تهدم اطبقاتـــه
لاتحسبن أهل الظليمه بخيتـــين=كلن يوافق ما عمل في وفاتـــه
وانذرك عن حق الضعيف المسيكين=اللي على حقه يهل اعبراتــــه
ترى الضعيف الليا غدى الليل ليلين=يدعي وعند الله توافق ادعاتـــه
الظلم فان الظلم يفنى السلاطيــن =ياويل راعي الظلم من مقبلاتــه
وانذرك عن ربعة رخو من هياسين=اللي سوالفهم بوده وهاتــــــه
ويا عبيد الأقشر لوصفا لك نهاريـن=نهار ثالث جاك يرفع عصاتـــه
والله عندي ربعة الناس الأقصيــن =ولا صديقا يبلشك في حياتـــــه
ترى الرجال ابهم فهود وحياويــن =جاك الكلام اللي صحيحا ثباتـــه
ان كان ما تدري ترى الناس درايـن=الرجل مدحه بالمجالس طراتــــه
رجلن تعلق به رجالــــن مسمين =عز الرفيق ولابته والحماتـــــه
ورجلن تشوفه جسم وعيون ويديــن =ولولا الشعر ما تفرقه من خواتـــه
كم واحد بالبيت يضرب بسيفيـــن =وأن جاء حزم كلاب قبع عبادتـــه
والحلم عن الغيض ينجي الشياطــين =يكفيك شر إبليس هو و دحراتـــه

فارس قحطان
06-09-2004, 02:08 PM
صح لسانك :) ولسان كاتبها :)
الف شكر لك ياحساااام

شبل قحطان
07-09-2004, 03:19 AM
مشكور حبيب قلبي فارس قحطان على المرور

@ابوريان@
19-12-2006, 06:44 PM
تحياتي لك يشبل قحطان على هذا النقل

معيض بن صميع
19-12-2006, 08:01 PM
السلام عليكم ورحمة الله وبركاته



الأخ الكريم : شبل قحطان


لك الشكر الجزيل على هذا النقل الجميل والإختيار الرائع

قصيدة من أروع القصائد وبها من الفوائد والحكم الكثير والكثير

عذوبة هذه المشاركة تبقينا في إنتظارٍ دائمٍ ومتجدّد لما تمتعنا به دوماً

تقبل وافر التحية والتقدير،،