*** يااخواني انا بعت سيارتي ودي اشتري سيارة***

[د.علي]

واضح العنوان

من يخبر لي سيارة من نوع يوكن موديل 2001 / 2004

او جيب لكزس موديل 98 / 2002 بسعر معقول

ويكون الموتر نظيف وخالي من السمكرة

فله جزيل الشكر

بصراحة وقتي ضيق ويصعب علي اقعد ادور بالمعارض ولا لي بعد الله الا ربعي وبني عمي واخواني اعضاء مجالس قحطان

فمن يخبر لي عليه الاتصال ارسال رسالة على الخاص او هنا

ولكم الشكر

[محمد آل غانم]

والله ماعندي علم


لكن أخبر لي أخويا عندهم معارض


بأستفسر لك وأبشر بالخير

[عبدالرحمن المشجري]

د.على اذا عندك وقت تصفح موقع اسمه مستعمل
هذا الرابط
http://www.mstaml.com/

..) ارجو من الاداره عدم حذف الرابط <<والله لو عندنا مجلس للبيع والشراء ما عطيت الرابط للرجال (..

مـ تمنياتي لك بالتوفيق ـع

[أبو عساف]

تبي سياره شفها عند فارس قحطان

مره فالمعرض واذا أعجبتك سياره علمنا علشان نروح نطلبه ينقصلك فالسعر

وش رايك وهذا أختصار عليك لاتروح يمين ولا يسار

وسلامتك

[@تركي السنحاني@]

تبي سياره شفها عند فارس قحطان

مره فالمعرض واذا أعجبتك سياره علمنا علشان نروح نطلبه ينقصلك فالسعر

وش رايك وهذا أختصار عليك لاتروح يمين ولا يسار

وسلامتك



يا اخوي و الله انها تعجبني ردودك


و تجيبها في الصميم

المهم اخوي علي

مثل ما قال لك اخوي المشجري

فيه موقع خاص للسيارات المستعمله

[شامانـ العاطفي]

أخوي علي ..

كم تعطيني سعي هههههههههههههههه

الله يعينك بتتعب صدق اذا رحت ...

[د.علي]

بيض الله وجيهكم جميع

والله يوفقكم

[ذيب النير]

تبي سياره شفها عند فارس قحطان

مره فالمعرض واذا أعجبتك سياره علمنا علشان نروح نطلبه ينقصلك فالسعر

وش رايك وهذا أختصار عليك لاتروح يمين ولا يسار

وسلامتك



أنا مع أخوي ابو عساف



وان شاء الله بتلقى السياره اللي تعجبك

[حسين فارس الفحوس]

شف ياطويـل العمــر ... أن كـان تبـي موتــر خذ لـكـ < نيســان باترول > ... أطلق من الـ يوكن & اللكزس ...

صحيــح أن النيســان يشفـط البنزيـن شفـط بس عز الله أنــة موتــر ...

وإذا تبــي المواتــر الزينــة ... في الريــاض ... قطـــر ... الأمــارات ... خميـس مشيــط ...

الدمـــام ... لاتوجــد سيــارات صاحيــة كلهـــا أتعبهـا الحرارة + والرطوبــة ...

تقبــل منـي فائــق التقديــر والأحتــرام ...