يوم الخميس الناس جونا يعزون=== في فقد شيخ كلنا في جنابه

[عبدالله بن مداد الحبابي]

بسم الله الرحمن الرحيم

هذه المرثيه قلتها بعد وفاة الشيخ فلاح بن جابر ال حثيث الحبابي شيخ قبائل الحباب في

دولة الامارات العربية المتحدة الذي انتقل الى رحمة ربه يوم الخميس 7 / 2/ 2008


يالله ياللي بأمرك الكاف والنون=ياواحدن كل الخلايق تهابه

ياناصر موسى على سحر فرعون=بأمرك وتدبيرك تسير السحابه

انك تخفف حزن من كان محزون=انت الوحيد اللي ما خاب الرجى به

يوم الخميس الناس جونا يعزون=في فقد شيخ كلنا في جنابه

فلاح ابن جابر راع الطيب والعون=شيخ الحباب اهل الكرم والمهابه

ابو الجميع اللي له الكل مديون= بيت يظللهم ويلقى الذرى به

ياكم بكته عيون وعيون وعيون= وكل يعزي صاحبه في مصابه

كل يهل الدمع ويقول ممنون=ابكي على شيخ تقافت ركابه

ماكل ميّت لجله الناس يبكون= كم واحد لو مات محد درابه

لكن فلاح بموته الكل يدرون=كل يعّزي من شيوخ وقرابه

الله يبيحه عد ماهلت مزون=وعداد ماحط القلم من كتابه
جمايله تبقى ولو كان مدفون=تبقى مع الحيين مابه غرابه

مقدم بني عمه على العسر والهون=خدم بني عمّه من اول شبابه

فيه الكرم والطيب بالصدق مقرون=وفيه الشهامه والوفاء والرحابه

يومن غيره بالعطايا يمنون= عطّيته ماهي تلّحق طلابه

كم فك من مسجون كم خلص ديون =كم واحد ضاقت عليه ولجابه

فيالله يامنجي من الموت ذا النون =ترحم فلاح وتجمعه بالصحابه

[علي بن مسفرالحبابي]

الشاعر المبدع والرائع عبدالله بن مداد الحبابي


ارررحب مليون وصح الله لسانك عل هذا الرثائيه


في الشيخ فلاح بن جابر ال حثيث الحبابي


الله يرحمه رحمه واسعه ويسكنه فسيح جناته

شيخ يرفع الراس ويبقي في قلوب الجميع

وانت لاهنت ياعبدالله واحسن الله عزاك وعزانا جميعا

[عبدالله بن غفره]

صح الله لسانك ياعبدالله وبيض الله وجهك


قصيدة رائعه وجزله

[ابن خضير]

صح الله لسانك وبيض الله وجهك



والله يرحمه ويغفر له

[ناصر بن محمد]

الله يرحمه ويسكنه الجنة


وصح الله لسآنك وبيّض الله وجهك وجعلكم مآتوآجهون مكروه

[خالد العاصمي]

الله يرحمه ويبيحه ويسكنه الجنة وموتى المسلمين

صح لسانك يابن مداد وبارك الله فيك