أنا حصان وسط حصن وانت حصان وسط رمك

[متعب الهاجري]

السلام عليكم ورحمه الله وبركاتة



هذي المقوله مشهوره في الزمان الماضي وكانت في حضره أحد الامه من آل سعود


ويقال ان أطرافها هم واحد من الدوشان شيوخ قبيلة مطير

والطرف الثاني قيل الشيخ محمد بن هادي شيخ قحطان

وقيل انه ابن حثلين شيوخ قبيله العجمان


ونبي احد يجيب العلم والسالفه الصحيح لانها دخلت في عده روايات وانسوبوها ناس مثل العجمان لهم


مع ذكر المصدر سواء كتاب او راوي من معروف من القبيلة



وشكرا لكم

[شامانـ العاطفي]

اخوي متعب :

الأمام الي حصلت عندة السالفة وهو فيصل بن تركي بن عبدالله...

والطرف الموجهة الية العبارة وهو الدويش يقال انة فيصل شيخ مطير

المهم الأختلاف في من قال هذة العبارة فالعجمان يقولون وبقوة هو راكان بن حثلين وذكروا لها مناسبة

ويقال انها للشيخ محمد بن هادي بن قرملة شيخ قحطان وذكر لها مناسبة ...

وكذلك حتى العتبان يقولون انها لشيخهم محمد بن هندي وهذا مستبعد من الأحتمال

لأن السالفة قبل بروز وظهور الشيخ محمد بن هندي ...

وكذلك حتى بني صخر يقولون انها لشيخهم سطام ابن فايز ويقولها موجهة للشعلان امير الرولة

وذكروا لها مناسبة ..

وانا واخوي متعب نوقف موقف المحايد الذي يريد الوصول الي الحقيقة وليس لأني قحطاني

سأوكد انها للشيخ محمد بن هادي من غير برهان كما فعل غيري من القبايل الثانية...

المهم هذا الرابط قد يساعدك في هذا الموضوع ..

http://www.qahtaan.com/vb/showthread.php?t=38399

وتقبل تحيتي ..

[صالح بن ناعمه]

أنا أأكد أنها لابن هادي

حاكم نجد بلا منازع في ذلك الوقت

وبالنسبة للقبايل اللي يدعون أنها لشيوخهم

فنلتمس لهم العذر لأن كل رجال فيه خير وده

أن الرجال الطيب من ربعه وجماعته

ولاكن بالنسبة لهذه السالفة فأكيد أنها لابن هادي

جعل عظامه وعظام من خلفوه فالجنه،،،

[متعب الهاجري]

بيض الله وجهك يا شامان وحنا مثل ماقلت نقف موقف محايد حتى يتبين لنا اثبات القصه الصحيحه ومن هم اهل السالفه الحقيقيون ونتمنى الفايده من اخوانا شرواكم امثال ابا الذموم والضويري وغيرهم من الاكفاء في مجالس قحطان



الاخ صالح مرحبا بك مشاركتك نحترمها وانا ايضا لا اخفيك ارجح وبقوه ان المعني والاجدر بالحكايه هو مسواط نجد الشيخ محمد ابن هادي عليه رحمه الله الواسعه




تحياتي

[أبا الذموم]

السلام عليكم ورحمه الله وبركاتة



هذي المقوله مشهوره في الزمان الماضي وكانت في حضره أحد الامه من آل سعود


ويقال ان أطرافها هم واحد من الدوشان شيوخ قبيلة مطير

والطرف الثاني قيل الشيخ محمد بن هادي شيخ قحطان

وقيل انه ابن حثلين شيوخ قبيله العجمان


ونبي احد يجيب العلم والسالفه الصحيح لانها دخلت في عده روايات وانسوبوها ناس مثل العجمان لهم


مع ذكر المصدر سواء كتاب او راوي من معروف من القبيلة

وشكرا لكم


أررررررررحب يامتعب تراحيب المطر
بيض الله وجهك ياكحيلان وما تقدمه من درر ثمينه
لي تعليق :
القصه هذي بين الشيخ محمد بن هادي والشيخ فيصل الدويش عند الإمام فيصل بن تركي بن عبدالله آل سعود حوالي عام 1274هـ وذاك الوقت العلاقه بين الإمام فيصل بن تركي والشيخ محمد بن هادي مضطربه شوي وكان الإمام زعلان على الشيخ محمد بن هادي بسبب ما قام به فرسان من آل سعد على رأسهم الفارس شنان آل جحشان آل سعد بقتل المطران " المريخات " وهم في وجه الإمام فيصل بن تركي والمريخات قتلوا ثار في الشيخ جمل بن لبده .
والمقوله اللي دارت بين الشيخ فيصل الدويش والشيخ محمد بن هادي بحضور الإمام فيصل بن تركي هي :
قال الدويش : انا اذبح المطيري وامش الدم اللي بسيفي في ثوبه ولا احد يثور فيه وإلا أنت يابن هادي لو تذبح أحد من قحطان ثاروا فيك وذبحوك .
قاله ابن هادي : أنا حصان وسط حصن وإلا انت حصان وسط رمك .


المهم قال الشيخ محمد بن هادي هذه القصيدة في أثناء جلوسه عند الإمام فيصل بن تركي بحضور شيوخ القبائل هذه القصيدة :


يالله يامنشي مزون ٍ طهايف =افرج لمن هو مايجي درب منقود .

ادنيت أنا الحرقا وقلطت نايف =وردوا علي الهدو ما ابغى له ردود.

نايف على اسمه جا عديم الوصايف = منفّله ربي على الخيل به زود .

ابوه سبّاقٍ لخيل الطوايف = وامه ثمنها تسعة آلاف منقود.

ياشيخ لا تسمع هروج الحفايف = خذ جابتي يا منقع الطيب والجود.

لو كنت عود ٍ لي فعول ٍ عنايف = وربعي تطاوعني على الهون والكود.

حنّا على ضدك جبال ٍ نوايف =وحنّا لك أطوع من عنيبر ومسعود.

لي لابة ٍ تروي حدود الرهايف = لاجاء نهار ٍ فيه حاوي ومطرود.

ما نشتحن من حرب كل الطوايف = وإلى بدا لازمك حنّا لك جنود.

شد العتيبي من وراء كشب خايف = ولا يحدّر كود يبرا له القود.

وشد المطيري من خشوم الردايف = وان سندوا وردوا حنيظل وابا الدود.

لي لابة ٍ ماجمعوا بالحلايف = من نسل قحطان وتعزى على هود.
تقبل فائق الاحترام.

[أبو عساف]

أررررررررحب يامتعب تراحيب المطر
بيض الله وجهك ياكحيلان وما تقدمه من درر ثمينه
لي تعليق :
القصه هذي بين الشيخ محمد بن هادي والشيخ فيصل الدويش عند الإمام فيصل بن تركي بن عبدالله آل سعود حوالي عام 1274هـ وذاك الوقت العلاقه بين الإمام فيصل بن تركي والشيخ محمد بن هادي مضطربه شوي وكان الإمام زعلان على الشيخ محمد بن هادي بسبب ما قام به فرسان من آل سعد على رأسهم الفارس شنان آل جحشان آل سعد بقتل المطران " المريخات " وهم في وجه الإمام فيصل بن تركي والمريخات قتلوا ثار في الشيخ جمل بن لبده .
والمقوله اللي دارت بين الشيخ فيصل الدويش والشيخ محمد بن هادي بحضور الإمام فيصل بن تركي هي :
قال الدويش : انا اذبح المطيري وامش الدم اللي بسيفي في ثوبه ولا احد يثور فيه وإلا أنت يابن هادي لو تذبح أحد من قحطان ثاروا فيك وذبحوك .
قاله ابن هادي : أنا حصان وسط حصن وإلا انت حصان وسط رمك .


المهم قال الشيخ محمد بن هادي هذه القصيدة في أثناء جلوسه عند الإمام فيصل بن تركي بحضور شيوخ القبائل هذه القصيدة :


يالله يامنشي مزون ٍ طهايف =افرج لمن هو مايجي درب منقود .

ادنيت أنا الحرقا وقلطت نايف =وردوا علي الهدو ما ابغى له ردود.

نايف على اسمه جا عديم الوصايف = منفّله ربي على الخيل به زود .

ابوه سبّاقٍ لخيل الطوايف = وامه ثمنها تسعة آلاف منقود.

ياشيخ لا تسمع هروج الحفايف = خذ جابتي يا منقع الطيب والجود.

لو كنت عود ٍ لي فعول ٍ عنايف = وربعي تطاوعني على الهون والكود.

حنّا على ضدك جبال ٍ نوايف =وحنّا لك أطوع من عنيبر ومسعود.

لي لابة ٍ تروي حدود الرهايف = لاجاء نهار ٍ فيه حاوي ومطرود.

ما نشتحن من حرب كل الطوايف = وإلى بدا لازمك حنّا لك جنود.

شد العتيبي من وراء كشب خايف = ولا يحدّر كود يبرا له القود.

وشد المطيري من خشوم الردايف = وان سندوا وردوا حنيظل وابا الدود.

لي لابة ٍ ماجمعوا بالحلايف = من نسل قحطان وتعزى على هود.
تقبل فائق الاحترام.



على فمك الشحم أشهد بالله أنك وافي ياأبالذموم وعلمك وافي وأنت كنز ثمين ياكحيلان

سجلني متابع لكل علومك وردودك ومواضيعك ..... جعل أيامك سنين ياقحطاني

تقبل ودي وتقديري

أخوك / أبو عساف

[ال مبارك]

أنا اتفق مع أبا الذموم وبيض الله وجهه ووجيهكم

[سعيد الجهيمي]

السلام عليكم

بيض الله وجهك يا ابا الذموم
وانت وافي وعلومك وافيه

[محسن العجمي]

السلام عليكم

وان كانها لكم فانت كفو لها ولا هذي بتزيدكم لان انتم سوالفكم كلها طيبه

لاكن السالفه علي الدويش وبن حثلين

ولا يختلف عليها اثنين

والله لو ماكانت لنا مايتنسبونها العالم لنا والمطران ونعم مافيهم الا طلق اوجيههم يقولون انها بين الدويش وبن حثلين
وانتم بصركم وان بغيتوها لكم ماعندنا مشكله جعلها فدوه لكم :)

[سعيد الجهيمي]

السلام عليكم

ارحب يا العجمي

والله اني اعزكم جميع يالعجمان بشكل خاص والياميه بشكل عام

وان كانت لبن حثلين فهو كفو ويستاهل العلم الغانم
وابن حثلين كلمته مثل السيف البتار

لكن العلم على ما نعرف انها لبن هادي ابن قرمله الجحدري

وما دام ان الأخ ابا الذموم تكلم فيها وبين الحقيقه فهو رجال عالم بالتاريخ وولا بيقول كلام الا وهو موثق منه

ولك التحيات

[متعب الهاجري]

ولك بياض الوجه يابا الذموم ماقصرت وانا والله ماعرفك شخصيا ولكن التمس دائما منك الحياديه في الردود ودام السالفه جات منك فما وراها نشده رايتك بيضا والله لايهينك وسبعين نعم في المذكورين بالسالفه والشيخ ابن هادي علم على راسه نار ولايخفى على الجميع لا بالشجاعه ولا بالكرم ولا بالشيخه والمراجل وعزه النفس

[مبارك بن حاضر]

بيض الله وجهك يابالذموم

و الله لايهينك


ولايهين الجميع على التوضيح

[عبدالله العرجي]

أشهد بالله أنك وافي ياأبالذموم وعلمك وافي وأنت كنز ثمين ياكحيلان

سجلني متابع لكل علومك وردودك ومواضيعك ..... جعل أيامك سنين ياقحطاني

تقبل ودي وتقديري

أخوك /
انا معى أخوي ابو عساف بيض الله وجهك يا أبو الذموم وجعلك ذخر لقحطان

[محسن العجمي]

الاخ سعيد الجهيمي

والله الذي لا يعبد سواه

اني احب قحطان محبه مايعلم فيها الا الله

ولا عليك زود

ولكن ابا الذموم ماهب نبي كل ماقاله نصدقه مع احترامي له

يمكن رجل تاريخ او من محبيه واللي يحفظونه

وحنا ياربعك ماحنا بقاصرين والسوالف مثل مايسمعها او يقراء عنها حنا كذلك نسمعها من مؤرخين

ومن شيبان ومن الرجال اللي مثلك ومثل من يقراء العارفه

وابن قرمه فارس وشيخ ولا فيه كلام وهسالفه ماتزيده ولا تنقصه

وهو قايل هل بيت

ان كان رمحك مع هل الخير مرسوم __ فنا برمي حامين نجد كله

الله واكبر

[محسن العجمي]

الاخ متعب الهاجري

ابا الذموم يستاهل المدح وحنا بعد يربعك لا تخلينا لانك لامدحتنا نرتفع حنا :)

[محسن العجمي]

ابو حاضر لاهنت على ردك الطيب

[سعيد الجهيمي]

اررررررررررررحب يا محسن العجمي

اول شئ الله يحييك

الشئ الثاني يا طويل العمر ابا الذموم مثل ما قلت ما هو بنبي ولا هو بكتاب منزل وكلنا يا خلق الله معرضين للخطأ وللزلل ولا فينا معصوم ولكن الرجال أشوف انه ادرى مني بأشياء كثيره وما أزكيه على الله لكن من حسب ما اعرف عن الرجال وما اقراه واشوفه


الشئ الثاي البيت اللي ذكرته لبن قرمله هو كالتالي :

أن كان رمحك بأول الخيل ملحوم ==== فأنا برمــحـــي حــامي(ن) نــجــد كــله
وهي قصيده موجهه للشيخ تركي بن حميد العتيبي

ولك الشكر يا العجمي

واتمنى منك مشاركت اخوانك القحاطين في نفس المنتدى هذا في المجالس الثانيه مثل العام والشعر ولا تحرمنا من مشاركتك يالذيب فاللي مثلك ينومسنا .

أخوك سعيد الجهيمي البشري القحطاني

[محسن العجمي]

لاهنت لرد الجزل واللي بمكانه

والبيت مجه لتركي بعد قصيده قالها تركي بن حميد ولتركي بيت

يقول

انا برمحي مع هل الخيل مرسوم .. وانت رمحك عن ساره تشله

والسوالف طويله وكلهم كفوا والله

وابشر طال عمرك

وانتم تنومسون الي يجيكم

ولا هنت

[متعب الهاجري]

الاخ متعب الهاجري

ابا الذموم يستاهل المدح وحنا بعد يربعك لا تخلينا لانك لامدحتنا نرتفع حنا

مرحبا بك يالعجمي انت وابا الذموم ربي انشاء الله مادحكم وفي غنا عني لكن والله ماقلت الكلام هذا في ابا الذموم الى وانا ملاحظ وعارف ان الرجال مايذكر شيء الى وهو متؤكد منه مع اني مثل ماقلت من البدايه مابيني وبينه معرفه شخصيه يشهد الله على كلامي


وانتم يالعجمان ربعنا وغالين وان كانها لابن حثلين فهم شيوخ ومافيهم قصور يقولون ويطولون

والله يرحمهم ويرحمنا برحمته


متعب

[ذيب النير]

بيض الله وجهك يابا الذموم



لاهنت وتقبل تحياتي

[محسن العجمي]

لاهنت يا متعب الهاجري

والله يجمعنا على العز

والله لا يباغض بينكم ان شاء الله

ولا هنت على الرد الطيب


وبيض الله وجهك

[عبدالمحسن مبارك]

اسمحولى اخوانى ادلو بدلوى بهالقصة بالذات لانى اسمعها من شيبانا اللة يرحم من مات منهم ويطول فى عمر الباقين منهم -- وانا رجل من قحطان --- هذى القصة اسمعها وانا عمرى 10 سنوات وهى ان شيخ مطير الدويش جالس ومعة ابن حثلين قال الدويش انا اذبح المطيرى واقص راسة واروح ارقد عند مرتى ولا احد يكلمنى من مطير رد علية ابن حثلين وقالة اما انا واللة لو الطم واحدن من عيال عجيم على وجة وما ارقد الا وانا فى وجة واحدن منهم(( العجمان )) انت يالدويش حصان وصط رمك والا انا يا ابن حثلين حصان وصط حصن ونعم فى العجمان عيال مرزوق يستهاهلون المدح اما انها للشيخ محمد بن هادى فكبير العمامة لاهى بمزيدتة ولاهوب فى حاجتن لها --شيخ الشيوخ --- حاكم نجد وتاريخة يشهد بما هو اكبر من هالسالفة هذا ان اصبت فتوفيقن من اللة وان اخطات فمنى ومن الشيطان---- عبدالمحسن مبارك

[الضويري]

اسمحلي اخوي عبدالمحسن اقولك انك خلطت بين سالفتين او اللي ذكرولك

السالفة خلطوا بين سالفة ابالتمر محمد بين فيصل الدويش مع الشيخ محمد بن هادي بن قرملة

وبين سالفه راكان مع فيصل الدويش التي تتعلق بندبة في وجه راكان ولاداعي للخوض فيها من قبلنا.

[متعب الهاجري]

عبدالمحسن بن مبارك حياك الله

ومثل ماقال اخوي الضويري فيه امور وخلط حاصل

وسالفه ابن هادي والدويش اقرب للصحه وهي الي استفسرت عنها بموضوعي


واشكر كل الاخوه الضويري وابا الذموم وكل من هو مهتم بموروث وتاريخ قبيلة قحطان المجيده

[ابومداوي]

القمصه معروفه من اولهاوالمشاده الكلاميه بين الشيخ محمد بن هادى وبين شيوخ القبايل الذينا بينه وبينهم نزاع الذي توضحه القصه القصيده ونا سمعت من احد كبار السن انه قال لبن هادي لو تضرب واحد من قحطان اصبحت في وجه جوير والجيره لاتوجد الا عند قبايل قحطان هذا والله اعلم وستغفر الله العظيم

[خالد آل سعد]

لا هنت يا متعب



تحياااااتي

[متعب الهاجري]

ابن مداوي لاهنت وتسلم على مرورك الجميل واظافتك للموضوع

[ابو مبارك المظفري]

السلام عليكم ورحمة الله وبركاته

بيض الله وجيهكم جميع وما قصرتوا في هذا الموضوع

لاكن انا اختلف معكم في هذا الموضوع بذات

القائل انا حصان وسط حصن هو راكان بن حثلين رحمه الله

فانا اعرفها من الصغر ومتاكد منها

ه

[متعب الهاجري]

خالد ال سعد لاهنت على مرورك


المظفري ارحب ياوجه بني هاجر لك وجه نظر فيما قلت وحياك الله

[شارب الفناجيل]

السلام عليكم

وان كانها لكم فانت كفو لها ولا هذي بتزيدكم لان انتم سوالفكم كلها طيبه

لاكن السالفه علي الدويش وبن حثلين

ولا يختلف عليها اثنين

والله لو ماكانت لنا مايتنسبونها العالم لنا والمطران ونعم مافيهم الا طلق اوجيههم يقولون انها بين الدويش وبن حثلين
وانتم بصركم وان بغيتوها لكم ماعندنا مشكله جعلها فدوه لكم :)

أخوي محسن العجمي وجه محلف أرحب مليون وانا راح ابين السالفة وهي أقرب للصواب وقد سمعتها من كبير سن ويعتبر مؤرخ ومرجع تاريخي لعلوم قحطان والجحادر خاصة وتوفي وعمرة فوق 120 سنة *****
وهذا الكلام أوجهه لمنتدى قحطان وكل أخواني صبيان قحطان وعلى رأسهم ابا الذموم والضويري وأخواني الباقين
من غير قصور في جميع الاعضاء فكل المنتدى وأعضاءه على راسي ولهم التقدير والاحترام***


الاخ محسن العجمي الشيخ راكان بن حثلين غني عن التعريف ولكن السالفة هذي لا بن قرمله محمد ولد هادي
وكل القبائل تنسبها لابن هادي ما عدا العربان القريبة الى العجمان من نواحي ديار العجمان كزعب وال مرة وسبيع اهل رماح لا نهم سمعوها من العجمان عن قرب والا هي طال عمرك لا بن قرملة


والسالفة كالاتي*****
أن الدويش شيخ مطير أتى ابن هادي في وسط نجد يريد منه المساعدة في حرب على قبيلة من قبائل نجد فقال
ابن قرمله ابشر يالدويش ولكن يجب أن اخذ راي شيوخ الجحادر فقال الدويش الله يعيني أصبر **
فقام محمد بن هادي الله يجعل عظامه الجنة واستدعى شيوخ الجحادر والدويش معهم يسمع ما يجري في الاجتماع
الحاصل **فقال بن هادي السالفة على شيوخ الجحادر وقال نفداكم يا أخواني ان توافقون ان نساعد الدويش
فألتف الدويش على ابن هادي وقال يا محمد ان تفدا ربعك وترجاهم فقال بن هادي نعم . اتفداهم واحبهم ايضا
فهذولا ربعي واخواني وعزوتي يالدويش **

فقال الدويش أماأنا يا بن هادي ماني مثلك أنا أذبح المطيري وأمن وارقد في فراش المراءة ولا احد يستجري
يقولي شي فرد عليه ابن هادي وقال انت يالدويش حصان وسط رمك ******** والا انا حصان وسط حصن
والله لو اضرب راعي من رعيان قحطان ما امسي ذاك اليوم الا انا في وجه رجال من قحطان من الراعي


فهذا الكلام يا اخ محسن أكيد وموثق عن الشيبان والجيرة عند قحطان لذا اليوم