لــــــــغــــــــــز

[سلمان آل سعد]

جايبلكم لغز يشيب بالراس من صعوبته ولكن الذكي بيحله ، ولا تواخذوني على التعبير و استروا ما واجهتوا...


اللـــــغــــــز

ثلاث عمال يبون رواتبهم من كفيلهم ، قالهم كفيلهم ماراح اعطيكم الرواتب إلا اذا كل واحد فيكم فتح هالدرج وحط من جيبه مثل اللي بالدرج وياخذ منها اربع ريال ، فتح الدرج الاول وسوا اللي قاله كفيلهم ، وجاء بعده الثاني وسوا.......، وجاء الثالث وسوا مثل ما قاله كفيله ولكن ما بقى بالدرج شي.


السؤال: كم كان في الدرج قبل لا يفتحوه الثلاثه؟





.

[فيصل الجنوبي]

ريالين ترى جبتها من راسي بس توقع
والله الظاهر لو اني سكت انه اصرف قال ايش قال ريالين>خخخخخخخخخخخ
لآهنت ع اللغز وان شاء الله بينحل وكل الشباب اذكياء مايحتاج

[سلمان آل سعد]

ريالين ترى جبتها من راسي بس توقع
والله الظاهر لو اني سكت انه اصرف قال ايش قال ريالين>خخخخخخخخخخخ
لآهنت ع اللغز وان شاء الله بينحل وكل الشباب اذكياء مايحتاج


أرحب يا فيصل

اسعدني مرورك ولكن الاجابه خطأ.


وبالنسبه للذكاء ، عوال الشايب فيهم الذكاء فطره ولا اقولها مجامله.




.

[صالح السنحاني]

يبدو اني جبت الحل

كان في الصندوق

3.5 ريال

صح ولا لا؟

[ابو اماني]

وانا مع اخوي صالح السنحاني

[آل معمر]

شرهتك على اللي فيه حيل يفكر

الشباب كلهم خير وبركة

ارد عليك والساعة الحين 4.13 فجرا بالله كيف ما تبغاني اكون متنح :) <<< يعني إن قد ذا عذر

خخخخخخخخخخ

[سعيد الجهيمي]

فــــــــــاصل ونواصـــــــــــل

انا قدني طافي
وعلى ما قال ال معمر
هههههههههههههههههههههههه

بكره نلتقي باذن الله

[محمد آل غانم]

الله لا يهينك على اللغز

الظاهر والله أعلم أنه مافيه ولا ريال

صفر ريال

[منصور العبدالله]

أنا مع الاخوان اللي قالوا 3.5 ريال

وبعد ماخلص الاول طلع في الدرج 32 ريال


وبعد ماخلص الثاني كان في الدرج 2 ريال

وبعد ما انتهوا يصير الدرج فيه صفر


وطبعا وقبلها كان في الدرج 3.5 ريال




يارب حلي صح علشان ارفع ضغط بعض الناس


لاهنت اخوي سلمان ال سعد


لغز رائع


وحضورك جميل


وتواجدك رائع


وطلتك حلوه


لك الف والف والف تحيه

[صالح السنحاني]

كان في الدرج 3.5

جا الاول وحط 3.5 فصار في الدرج 7 وسحب 4

فبقى 3

جا الثاني وحط 3 فصار في الدرج 6 وسحب 4

فبقى 2

جا الثالث وحط 2 فصار في الدرج 4 وسحب 4

فبقى 0 ريال

هذا شرح حلي

قد يكون للشباب الاخرين شروح او افكار اخرى

لا هنت يا سلمان على اللغز

تشكرااااااااااتي

[سلمان آل سعد]

آسف يا شباب على التأخير لكن تعرفون الاختبارات

الحل الصحيح هو 3.5

اجابها المبدع صالح السنحاني


اتمنى انكم استمتعتوا باللغز.


لكم مني كل الود اخوكم /// ســـــلمان

[صالح السنحاني]

جزاك الله خير يا سلمان

عز الله انك انت المبدع

ولا تقطعنا من مثل الالغاز هذي

خلنا نحرك عقول الشباب

تشكرااااااااااااتي

[ابن عياف]

اف تأخرت شوي

والا كان حلها عندي وانا ابوهندي ---------- ( خراط )

لاهنت اخوي الغالي

[سلمان آل سعد]

اف تأخرت شوي

والا كان حلها عندي وانا ابوهندي ---------- ( خراط )

لاهنت اخوي الغالي




قدها وقدود يا ابن عياف


اسعدني مرورك يالغالي


.

[حـمـد القحطاني]

جزاااك الله خيييييييييييير