أبن خضير..أبو عساف..تركي السنحاني

[منصور العبدالله]

السلام عليكم ورحمه الله

طبعا بتستغربون العنوان بس هذا الأسبوع فيه أخبار ساره وجميله وبعضكم ماعنده علم فحبيت أهني وأبارك لي

شخصيا وللشبكه وللجميع وجود ثلاث مناسبات سعيده على قلبي وقلوبكم ويشهد الله من فرحتي طرحت هالموضوع


أولا : الغالي والأستاذ وأخوي الكبير أبن خضير
-----------------------------------------------------------------------

طبعا من أوائل الأشخاص اللي تعلمت منه والله الكثير وأتذكر اول ماصرت مشرف كان يوجهني ويدق علي

وما أدري وش السالفه ويقول إذا تبي كذا ساوي كذا وإذا سويت كذا لابد تحط كذا

المهم علمني شلون أصير مشرف وكان الله يعطيه العافيه يدق علي ويتابع معاي في المجلس ويبلغني

ويوجهني ويكفي عندي أنه في صيف العام وبالرغم من أكثر الشباب مافهم موجودين وكانت الاستراحه


نائمه شوي وهو معاي شعللها وشغلها بمواضيعه وتواجده وردوده ومشاركاته

بالفعل والله انه استاذ

طبعا اخوي ابن خضير طلب أعتذار عن المراقبه نظرا لظروفه الصحيه والكثير يعلم بذلك

ووالله اني زعلت وماتخيلت مجالسنا تخلو منه ومن وجوده وبالذات في الاستراحه

ووالله يابو سعد اني من يوم عرفت وانا أفكر في طريقه لعلي أثنيك عن عزمك في الرحيل

والحمدلله على رجوعك وبيض الله وجهك على موافقتنا وتقديرك لطلبتنا انا والشباب

فأقول لك أهلا وسهلا بك ومن هالعين لي هالعين ويامرحبا وسهلا فيك يابو سعد

------------------------------------------------------------------------------------------------------------------------------------------------

ثانيا: أو عساف المشرف الراقي الرائع ويكفي أن تكون مجالس قحطان متميزه عن باقي المنتديات بوجود


أبو عساف وهو بالنسبه لي رصيد داخل وخارج الشبكه والله على ما أقول شهيد


أبو عساف يحل ضيفا علينا في إستراحة المجالس وعلى كرسي التعارف وهذه مناسبه سعيده


لنا في الاستراحه وتميز فمرحبا بك يابو عساف بين محبينك وأخوانك وأبناء عمك

-------------------------------------------------------------------------------------------------------------------------------------------------

ثالثا: تركي السنحاني وما أدراك ماتركي السنحاني

إذا لمجالس قحطان دينمو يحركها فهو تركي بلا منازع

إذا كان لكل منتدى في عالم النت شخص مثل تركي فأضمن له النجاح والشعبيه

طيب طيبه غير طبيعيه هذا الشخص...ودود جدا وخفيف دم لدرجه انك ممكن تشرب الشاهي حار وهو قدامك


وياكثر ماتعبته وكلفت عليه وعارف نفسي أحيانا أغثه وماعمره غيره شيء أبد وحتى وهو في أسوأ ظروفه؟


وملاحظه هامه : تروه أمين يا شباب يعني اذا حط أحد عنده فلوس فلا يخاف ( عن تجربه )

وهو شخص له شعبيه جدا جدا بين الأعضاء والمشرفيين والمراقبين واتمنى القى واحد ما يعرفه ومالقيت؟


له قبول في النفس بالرغم إني أحلا منه ( صح ياتركي ) لكن سبحان الله ربي عطاه قبول من الناس ماعمري شفت


هالقبول عند أحد فسبحان الله وسبحان من أعطاه هذا الحب والقبول ويستاهل والله ابو فرحان


المهم نرحب بعودة تركي السنحاني بعد مدة من الإنقطاع عن مجالسنا نظرا لظروفه وأنا أول من سعد بخبر رجوعه


فهلا وغلا يابو فرحان ولو يسمحون بالرمي لجيب دبابه على بوابة المجالس وأرمي عليك بكم صاروخ ترحيبا بعودتك.


----------------------------------------------------------------------------------------------------------------------------------------------------------

في النهايه لقيت ثلاث مناسبات مع بعض جمعتها والله يديم علينا الرخى والنعمه ويديم هذا التواصل الجميل

تقبلوا تحيات أخوكم / منصور العبدالله من أمام بوابة إستراحه المجالس - بمجالس قحطان - وألقاكم في نشره جديده.

[محمد آل غانم]

الله يبيض وجهك وماقصرت

ويستاهل كل من مدحت

أبن خضير

أبو عساف

تركي السنحاني

[منصور العبدالله]

لا هنت اخوي محمد ال غانم


وانت تستاهل الشكر والتقدير يابو غانم وحياك الله واشكرك لتواجدك الجميل معنا وسرعة ردك وطيب كلماتك

[سعيد الجهيمي]

السلام عليكم

ابو نواف وش العلم خاصه من صوب ابن خضير
هو صدق العلم ولا تخبل علينا
والله يشفيه ويعافيه مترك رجال فيه خير ودين ان شاء الله
وابو عساف وهو يبشر باللي يتعبه وهو يجاوب

والحلو تركي على ما قلت<<<<<<<<< والله ما ضنتي
لو انه الجهيمي ياشيخ كان صدقت ههههههههههههه

الله يحييه ويا مرحبا مليووووووووون

[سعيد الجهيمي]

على فكره صباح الخير يا منصور

[منصور العبدالله]

صباح النور يا سعيد


وشكرا لتواصلك ومرورك الجميل والحمدلله على رجوعهم كلهم وتواجدهم وهم مكسب لنا


وانت والله ياسعيد انك عين في الراس ومن الاشخاص اللذين سجلو اسمهم بحروف ذهبيه


تحياتي والله يسعد صباحك

[عبدالوهاب آل راضي]

وعليكم السلام


والله وسبعة انعام في اللي ذكرت كلهم

رجال وافين ويستاهلون اللي يذكرهم بالطيب


ولاهيب غريبة عليك يابونواف ذكرك لعلوم الطيب


لاهنت يا كحيلااان

والله يصلح الشان

تحياتي

[صالح السنحاني]

جمعن 3 من عمالقة المنتدى يا منصور


الله يهديك

هظمت حقهم يا منصور


الواحد منهم يبغا له مجلس كامل للحديث عنه


نرحب بالجميع في بيوتهم


ذاب الجليد

ورأينا معادن الرجال

ولله الحمد كانت اصيلة

تشكرااااااااااااتي

[العبدي]

هلا يا بو نوّاف

وحنّا فخورين بتواجد هذولا الأعضاء اللي يعتبرون من أهرام أعضاء هذا الموقع

وسعداء برجوعهم ..

وأرحب بــ تركي السنحاني وابو عسّاف بعد الغياب الطويل

وأشكر ابو سعد على التراجع عن موقفه

وأدام الله المعزّه بين الجميع



تحيّاتي

[@تركي السنحاني@]

اخواني الغلاه

مساااااااااااااكم الله بالخير جميعا

اخبااااااااااااركم عساااااااااااااكم طيبين

اخوي الغاااااااااااااااااالي ابونواف لاهنت فديتك على الترحيب

وهاذي ظروف الدنيا و انا اخوك

لاهنت يالقرم


و ان شالله تفكنا من نشباااااااتك

لاهنت


فدييتك

[آل معمر]

والله انك وافي يا منصور وسباق للجميل

وبيض الله وجهك وجمل الله حالك على التذكير ومتابعة الشباب

بن خضير المعروف لا يعرف ما تسوى المجالس من دونه :)

أبو عساف : والله اني فرحت فرحة كبيرة بعودته وأنا أدري أن الظروف اللي مرت عليه قويه شوي

ولكن هو جبل ما تهزه الرياح

تركي : يكفيك طيبته وأخلاقه وعودته للمجالس بعد غياب استمر طويلا بسبب بعض الظروف

الله يحفظ الجميع بحفظه ويديم المحبة والخير :)

لاهنت يابو نواف

[هايل]

والله انك وافي يا منصور وسباق للجميل

[عاشق الليل]

الساعه المباركه في عودت الاخوان المذكورين


وانت يا منصور تراك مطلوب امنين لانك تبغى ترمي بدون ترخيص والرمي ممنوع

عند الحقيقه لولا ان الاشخص المذكورين غالين علي كان حذفت موضوعك

اللي كان ردي ثم اصبحى الان جيد جدا >>>>معليش حنا في وقت اختبارات


اقدم شكري وتقديري لكل من ابو سعد و ابو عساف و تركي

وادائم الله المحبه بيننى جميع

وشكرا

[ابن عياف]

اخواني مشرفي الاستراحة

والله العظيم انها مناسبات سعيدة

وتفرح القلب ونحن كذلك سعدنا معكم

والله يحييهم جميع

واقول لهم مرحبا ومسهلا

بس ثلاث مناسبات

في مجلس واحد

وانتو ثلاث مشرفين

والضيوف اجحموكم في محلكم

والله البخل اللي ما عاد فيه علاج

من يوم جوكم ما شمينا ريحة الزفر ولا شفنا ريحت الدخان

كل المجالس القريبة يطلطلون عليكم كل يوم ولا به احد

كان جمعتوهم في ضيفه وحده يالبخلاء

والله لا شفنا ارانب ولا غزلان

اثر ما فيكم حيله !!!!

ترحيب مع صده

[مفرح محمد]

لاهنت يا ابو عبد الله على الموضوع الجميل والصراحه التي كتبتها من كل قلبك


والله يشفي ابن خضير ويشفي جميع اخواننا المسلمين


والحمد الله على رجوع اخونا وحبيبنا تركي بعد غيابه الطويل


واكرر شكري وتقديري لكل من قام وتعب في هذا المنتدى الجميل

وعسى ان يجعل والديه في الجنه

وتقبل مروري يا اخ منصور انت ومشرفين والمراقبين........

[شامانـ العاطفي]

تسلم يابو نواف

والرجال الي ذكرتهم يستاهلون ...

[عبدالله آل عباد]

هونا نفتح موضوع جديد

ولا نكتفي برد

ولا نفتح لنا موقع جديد على النت نسجل فيه فرحتنا بهذي الأخبار الساره

أو نستعين بقذايف الهاون ترحيب بهالخبار الساره

ولا الدبابتك كفيله بالغرض


أرحب تراحيب الحيا يامنصور بن عبدالله

عز الله ألي جبت العلوم الغانمه ألي تفرح القلب



كل خبر من هالاخبار يبي له مجلس مستقل

هذا أبن خضير وهذا أبو عساف وهذا الصديق العزيز الوفي تركي بن فرحان السنحاني


ويا والله ونعم وكرم و مليون أرحبو بمعادن الرجال الشجعان

ألي تبان لما حميت المواقف


ولا بعد سمعنا أن به معدن يميز بشروق الشمس وذوبان الثلج





أكتفي بترحيب بموضوعك والاخبار ألي فيه يابو نواف

أما عن الثلاث مناسبات ألي ذكرتها

فيعجز قلمي عن التعبير ...........

[منصور العبدالله]

هلا وغلا ياشباب والمعذره في التأخير على الرد


انا عمدا مارديت من بدري علشان الكل يشارك


مشكورين والشباب يستاهلون والله وطلوع احد منهم خساره علينا


اشكركم بعنف وبيض الله وجيهكم وماسوينا الا الواجب والمفروض

[@ابوريان@]

منصور العبدالله

الف شكر على مشاعرك الطيبة اتجاه اخوان اعزاء ابن خضير أبو عساف تركي السنحاني


ومن شخصكم الكريم

[محمد المعمري]

http://www.qahtaan.com/works/up/get.php?hash=4780gmopuv1200046908


يستاهلووووووووون الضيوف بهذا الترحيب و الثناء كله


و الله يديم المودة

لاهنت يا منصور العبدالله

تــــــــــــــــــــــــحياااااااتي
لــــك ياذيـــــــــبان

[@تركي السنحاني@]

لاهنت يا ابو عبد الله على الموضوع الجميل والصراحه التي كتبتها من كل قلبك


والله يشفي ابن خضير ويشفي جميع اخواننا المسلمين


والحمد الله على رجوع اخونا وحبيبنا تركي بعد غيابه الطويل


واكرر شكري وتقديري لكل من قام وتعب في هذا المنتدى الجميل

وعسى ان يجعل والديه في الجنه

وتقبل مروري يا اخ منصور انت ومشرفين والمراقبين........



اخوي الغالي ابو محمد

لاهنت فديتك و بيض الله وجهك يالغاااااااااااااااالي

و ما تعز الا اللي يعزك


و القدر في الصدر


لاهنت فديتك

[هبشان]

يستاهلون

[مرتاح البال]

السلام عليكم ورحمه الله

طبعا بتستغربون العنوان بس هذا الأسبوع فيه أخبار ساره وجميله وبعضكم ماعنده علم فحبيت أهني وأبارك لي

شخصيا وللشبكه وللجميع وجود ثلاث مناسبات سعيده على قلبي وقلوبكم ويشهد الله من فرحتي طرحت هالموضوع


أولا : الغالي والأستاذ وأخوي الكبير أبن خضير
-----------------------------------------------------------------------

طبعا من أوائل الأشخاص اللي تعلمت منه والله الكثير وأتذكر اول ماصرت مشرف كان يوجهني ويدق علي

وما أدري وش السالفه ويقول إذا تبي كذا ساوي كذا وإذا سويت كذا لابد تحط كذا

المهم علمني شلون أصير مشرف وكان الله يعطيه العافيه يدق علي ويتابع معاي في المجلس ويبلغني

ويوجهني ويكفي عندي أنه في صيف العام وبالرغم من أكثر الشباب مافهم موجودين وكانت الاستراحه


نائمه شوي وهو معاي شعللها وشغلها بمواضيعه وتواجده وردوده ومشاركاته

بالفعل والله انه استاذ

طبعا اخوي ابن خضير طلب أعتذار عن المراقبه نظرا لظروفه الصحيه والكثير يعلم بذلك

ووالله اني زعلت وماتخيلت مجالسنا تخلو منه ومن وجوده وبالذات في الاستراحه

ووالله يابو سعد اني من يوم عرفت وانا أفكر في طريقه لعلي أثنيك عن عزمك في الرحيل

والحمدلله على رجوعك وبيض الله وجهك على موافقتنا وتقديرك لطلبتنا انا والشباب

فأقول لك أهلا وسهلا بك ومن هالعين لي هالعين ويامرحبا وسهلا فيك يابو سعد

فعلا --هذا الرجل ( استاذ ) فرغم انني شبه جديد على المنتدى --إلا انه من المشاركين دوما في مواضيعي --ومواضيع الغير--- وما شاء الله عليه اخلاق راقيه جدا

وجميع ما ذكرته عنه --ابصم بالعشره عليه

ثانيا: أو عساف المشرف الراقي الرائع ويكفي أن تكون مجالس قحطان متميزه عن باقي المنتديات بوجود


أبو عساف وهو بالنسبه لي رصيد داخل وخارج الشبكه والله على ما أقول شهيد


أبو عساف يحل ضيفا علينا في إستراحة المجالس وعلى كرسي التعارف وهذه مناسبه سعيده


لنا في الاستراحه وتميز فمرحبا بك يابو عساف بين محبينك وأخوانك وأبناء عمك-

توني اقرأ --اعترافاته --والحقيقه من مشاركة الاخرين --عرفت انه من اللي تُشترى خوته ومعرفته بأغلى الاثمان ثالثا: تركي السنحاني وما أدراك ماتركي السنحاني

إذا لمجالس قحطان دينمو يحركها فهو تركي بلا منازع

إذا كان لكل منتدى في عالم النت شخص مثل تركي فأضمن له النجاح والشعبيه

طيب طيبه غير طبيعيه هذا الشخص...ودود جدا وخفيف دم لدرجه انك ممكن تشرب الشاهي حار وهو قدامك


وياكثر ماتعبته وكلفت عليه وعارف نفسي أحيانا أغثه وماعمره غيره شيء أبد وحتى وهو في أسوأ ظروفه؟


وملاحظه هامه : تروه أمين يا شباب يعني اذا حط أحد عنده فلوس فلا يخاف ( عن تجربه )

وهو شخص له شعبيه جدا جدا بين الأعضاء والمشرفيين والمراقبين واتمنى القى واحد ما يعرفه ومالقيت؟


له قبول في النفس بالرغم إني أحلا منه ( صح ياتركي ) لكن سبحان الله ربي عطاه قبول من الناس ماعمري شفت


هالقبول عند أحد فسبحان الله وسبحان من أعطاه هذا الحب والقبول ويستاهل والله ابو فرحان


المهم نرحب بعودة تركي السنحاني بعد مدة من الإنقطاع عن مجالسنا نظرا لظروفه وأنا أول من سعد بخبر رجوعه


فهلا وغلا يابو فرحان ولو يسمحون بالرمي لجيب دبابه على بوابة المجالس وأرمي عليك بكم صاروخ ترحيبا بعودتك.-

يا اخي قلت ما نود ان نقوله عن هذا الرجل -- ويستاهل المدح والثناء
في النهايه لقيت ثلاث مناسبات مع بعض جمعتها والله يديم علينا الرخى والنعمه ويديم هذا التواصل الجميل

تقبلوا تحيات أخوكم / منصور العبدالله من أمام بوابة إستراحه المجالس - بمجالس قحطان - وألقاكم في نشره جديده.

--

نشكرك يا كابتن المنتدى --بموضوعك هذا الذي اتاح لنا الفرصه ان نعبر عن مشاعرنا نحو الفرسان الثلاثه

واذا احتفظ الرجل بمعروف الاخرين --يكون وفيا -- واذا اعلنه للمللأ يكون جميلا

وأنت كذلك

تحياتي

[منصور العبدالله]

أشكركم ياشباب وياشيبان على مشاعركم الطيبه اتجاه الاخوان


وهذا من طيبهم وطيبكم ولو مايستاهلون ماتكلمتوا وشاركتوا


لكم دعواتي بأن يديم علينا نعمته وفضله وأمنه وأن تظل هذه الشبكه


ناجحه ومن نجاح الى نجاح بوجود كوكبه جميله شرواكم


والف تحيه والله يحفظكم ويرعاكم

[ابو احمدالرشيدي]

والله والنعم بالرجال الطيبين شرواك يامنصور

وابن خضير

وابو عياف

والغالي تركي

نجوم مضيئه في سماء شبكتنا الغاليه

[منصور العبدالله]

ماعليك زود يابو احمد الرشيدي


ارحب ملايييين



يالله حيه والله وحشتنا يابو أحمد


لعل المانع خير ...من زمان ماشفناك؟



يعطيك العافيه ونورت الاستراحه