سطام بن شفلوت وحمود بن شافي

[الهـاجري]

مفلح بن سالم الفهري يمدح ويثني على الشيخ حمود بن سالم ال شافي عند الشاعر سطام ابن شفلوت

فتهيض الشاعر سطام وقال هذه القصيده




الله يبيض وجه يا مفلح حمود = جمالته ماهيب عندك غريبه
ان جاد فنه يا ولد من هل الجود =وان قام فن جده يحل الصعيبه
اهل الوفاء والطيب عاداتها تزود=وهذا من اللي لابته تعتزيبه
خيالة الهدلا ليا ثار بارود =لاهي من حياض المنايا قريبه
اخوان شفيا لا صفق عودٍ بعود =وردة ولا هابت لو انها صعيبه
وكنزان يشهد موقف العود للعود=شهادةٍ من دون شكٍ وريبه
امخضبه يوم اللقاء تنطح الكود =واشيخها اللي فاللقاء ينتخى به
مواقفٍ لا عدها مالها حدود=كم شيخ قوم شاف منها الغليبه
يا مفلح اهل العرف لفعولها شهود=فعل عليه اثبوت لو ما حكيبه
روح لبو خالد ذري كل مظهود =وسلم على اللي شاع ذكره وصيته
تلقاه في بيته ليا جيت موجود =منصى لضيفانه ومن يلتقيبه
مدهال بيته للمسايير مريود=بيتٍ ليا من نشد منه دريبه
سلم على راعيه من غير مقصود=وقله تنومسني فعوله وطيبه
واسلم وسلملي سلامٍ على حمود =ومواقف الشيخان ماهي غريبه

[كحيلان]

صح الساانك والسان الشاعر صطام بن شفلوت

وبيض اىلله وجهك يالصلاني على المشاركه الطيبه


هذا من طيبك يا بعدي

تقبل تحيـــاتي


اخوووووووووكم

كحيلاااااااااااااان

[تركي الفهري]

أرحب يالصالاني

وصح لسااااااان سطام بن شفلوتد

ووالله اللي صدق ان الناس لافعالكم شهووود
افعال ترفع الراس في كنزان وغيرهااااا ......

[الهـاجري]

كحيلان

شاكر لك المرور والرد

[الهـاجري]

تركي الفهري

لاهنت على الكلام الطيب

[الفتى]

الحقيقة قصيدة مميزة تسلم يمناك يا الصالاني أرحب أرحب

[الهـاجري]

الفتى لاهنت على المرور ولاهنت على الترحيب

[العريدي]

يالربع كنزان خسر فيها الامام عبد العزيز الله يرحمه ومن معه من هواجر وغيرهم

وانتصروا بعد مده طويله على العجمان !!

[العريدي]

معارك العجمان والهواجر كثيره .. وقويه رغم قلة الهواجر !!

لكن يوم كنزان بالذات كان ابن حثلين قد وضع مكيده للجيش الغازي !! ثم انتصر عليهم وبعد مده لا تتجاوز السنه عاد الجيش بعد الامداد ليتغلب على العجمان ..

هذا الي اعرفه يالربع ..

[قحطان]

الله يمسيكم بالخير جميع

ولاهنت يالصالاني


كنزان شارك فيها من قحطان ومن عبيده ناس وااجــد ومن ضمنهم

الشيخ سالم بن هادي القويفل وربعه الفهر اهل الأحساء في ذاك الوقت

وكان غزوهم مع سعد بن عبدالرحمن وليس الملك عبدالعزيز

وصحيح انهم لم ينتصرو وهذي أرادة الله

ولاكن لايعني انا ننسى تاريخهم ومواقفهم البطوليه

بل يسجل في تاريخ ابطال قحطان

هذا ماحبيت اضيفه لسجل اخي العريدي

وللجميع التحيه

[أخوسارة]

بسم الله الرحمن الرحيم
أخوي الهاجري الله يعطيك العافيه على نشر هاذه القصيده والطيب ليس مستغرب سواً من الشيخ/حمودبن سالم بن شافي أو الشيخ سطام بن شفلوت ،وسطام قال هذه القصيده عندماذكر له مفلح بن عبدالرحمن ال سالم صفات الطيب والكرم الذي ورثه من والده وجده وجماعته ،كما وإن سبق ان الملك عبدالعزيز رحمه الله اطلق عليهم لــــقب (خـــزنة الظفر) وصح لسانك وصح لسان الشاعر الشيخ /سطام بن محمدبن شفلوت .

[فالح المفقاعي]

بسم الله الرحمن الرحيم

مشكور يا الصلانى على نقلك الموضوع ويستاهل ابو خالد ومفلح بن عبد الرحمن ال سالم امتدح الشيخ حمود وهو يستحق المدح عند سطام بن شفلوت وهاضت مشاعره على امتداح الشيخ حمود وبيض الله وجه مفلح وبن شفلوت على ما تبادلوه من مشاعر جياشه .

مشكور مره ثانيه يا الصلاني على نقلك للقصيده بين ابنا ء عمومتنا

وتقبلو خالص تقديرنا

اخوكم فالح المفقاعي

[ابن خضير]

السلام عليكم ورحمة الله وبركاته


واللة يعطيك العافية

[محمد بن قريش الفهري]

تسلم يمناك يالهاجري على النقل



وصح لسان شاعرنا سطام بن محمد ابن شفلوت


وبني هاجر يستاهلون الثنا وهم قدها وقدود

[جناب الهضب]

صح الساانك والسان الشاعر صطام بن شفلوت