قصيدة الشاعر بطي بن لبده في مزاين قحطان

[راعي مشعوفه]

السلام عليكم ورحمة الله وبركاتة
هذي قصيدةالشاعر بطي بن لبده في مزاين قحطان
وانا رفعتها على موقع طق طق ..لاني حاولت ارفعها على موقع قحطان لاكن ماقدرت
http://file6.9q9q.net/Download/11828499/---.mp3.html
واتمنى تعجبكم
وتحياتي للجميع

[راعي مشعوفه]

ماتمنّيت ان لي اكثر من لسان=الاّ هالحين وعلي الله شهد
اللسان الواحد بمدح قحطان=مايكفّي مهما حاول واجتهد
والله ان يبطون شعّار الزمان=ماقدروا يوفون لو بس ال سعد
قدرة الشعّار ماتوصل مكان=قحطان بقدرة الفرد الصمد
لننا في الثانيه نزداد شان=والفعول تزيد بكثر من عدد
ان زعلنا حتى راس طويق لان=وحظ من سبب زعلنا ينقرد
وان رظينا قوم ياعيد رمظان=كن كل الكون عايش في رغد
ومن نصانا يشتكي ظيم وهوان=راح واحواله تبشر بالسعد
ومن دخل بوجيهنا من كل جان=يهجدون الجان وابليس يهجد
وان نزلنا مانزلنا الا ّالبيان=رغم عن انف الاسود اسد اسد
لننا شجعان مافينا جبان=مارظينا بديرةً وحده وحد
ومن يقاصرنا ظهر صيته وبان=حتى لو ماكان له موقف وجد
ومن يخاوينا على الارواح مان=للخوي الروح ماتغلى ابد
وان عطينا ارخص عطايانا ثمان=الفقر لاشاف مدتنا حقد
حنّا بس اللي صغيرنا ذو شان=ويعتبر محرم لو انّه في المهد
ياعيال العود ياطوال اليمان=ياكبير السن ولاّ يالولد
لو ادوّر مثلكم في الارض كان=كل عاقل لامني ولاّ نقد
وقال في الناس الحصان ابن الحصان=لكن انتم مايماثلكم احد
وللقبايل فعل وانساب ومكان=ماحداً يجحد وضايع من جحد
لاالفلان ولاالفلان ولاالفلان=بس حنّا ساس لنساب البلد
مثل يوم السبت حنّا ياخوان=الله اللي خالقه قبل الاحد
والمزاين زانت الابل به وزان=بسمنا قبل انتنومس في الوعد
جل من باالبل يبرهن للعيان=مقدرته وقل هو الله احد
الابل اللي لجلها كان الامان=ينعدم ويصير ماكنه انوجد
ودونها الرجّال لاآن الاوان=ينطح الفريس وبعينه رمد
ومن غلاها كل ماكانت سمان=من ملكها يشكر الله ويحمد
لو هو ضعيّف ولا يشبع عشان=يشري اعلاف ابله اليوم وبعد
والله ان حب الابل الحب الجنان=ماهو بحبك يامزموم النهد
ومن يقول اظرب مثال ولاتهان=مع من عيوني على خشمي بعد
والله لااهل المملكه ولا هل عمان=ودهم للبل تعدّى كل ود
بس لامنّا وظعنا بتزان=ودّهم للزود في يداً ويد
فيها ود عمير لبله ياقحطان=والله ان يرجح عمير بن فهد

[رائد عايض القحطاني]

بيض لله وجهك لاهنت

[أبن جفشان]

لاهنت

وبيض الله وجهك

[بن لبده]

قصيده رائعه جدا وبيض الله وجهك على النقل وصح لسن الشاعر بطى بن سعد بن لبده

كما ارجو ان تنقل لنا المزيد من قصائد الشاعر بطى ابن لبده

[بن لبده]

الأخ راعى مشعوفه تحيه طيبه



يا ليت تنزل المقطع بغير امبى ثرى mp3 لكى يتسنى تنزيله بالجوال وتشغيله انا لم استطع تشغيله على الجوال وشكرا

[شامانـ العاطفي]

تسلم يا راعي مشعوفة

لكن ما شغل عندي حق التحميل وش قومة ؟؟

ودنا نسمعها لاهنت ......

[مقبل السحيمي]

لاهنت ياراعي مشعوفة

والقصيدة جميلة وعزالله أن قايلها شاعر

[ابومشرف]

انشهد انك ما قصرت .........!!!!!!!!!!!!

وفيت وكفيت يا وجه قحطان العريبه..........!!!!!!!!!!!!

[راعي مشعوفه]

السلام عليكم ورحمة الله وبركاتة
اخوي رائد بن عايض
وجهك يابو عايض وشكرا" لك على المرور
=
ولا انت يابن جفشان وجهك وشكرا" على المرور
=
وجهك يابن لبده والعفوا ولا شكر على واجب وشكرا" على المرور
=ا
خوي ابن لبده غالي والطلب رخيص هذا رابط الجوال
اضغط هنا لتحميل الملف (http://www.qahtaan.com/works/up/get.php?hash=zjuds2y4mg1200749577)
=

ومن قال سالم يا شامان والرابط شغال ..وهذا رابط ثاني بصيغة 3gp وان شاءلله انها شغاله
اضغط هنا لتحميل الملف بصيغة3gp للجوال (http://www.qahtaan.com/works/up/get.php?hash=zjuds2y4mg1200749577)
كلها وشكرا" على المرور

=
مرحبا يامقبل وجهك ياطويل العمر
ذكرتني بواحد عزيز علي اسمه مقبل ابن مسمار السحيمي
=
وتسلم يابو مشرف على المرور
وبيض الله وجيهكم

[شامانـ العاطفي]

راعي المشعوفة

لاهنت يالذيب .....

ترى مقبل السحيمي الي معنا اسمة مقبل ابن مسمار السحيمي

شكلة رفيقك وانت ما تدري ههههههههههههههههههه....

[ابن خضير]

قصيده رائعه جدا

وبيض الله وجهك على النقل

وصح لسن الشاعر بطى بن سعد بن لبده