مشاري بن نملان الحبابي
17-01-2008, 10:17 AM
بسم الله الرحمن الرحيم
السلام عليكم ورحمة الله وبركاته
قصيدة الشاعر بدر بن عبدالله الخالدي أتمنى أن تنال إعجابكم وبالتوفيق للجميع
الدله اللي غيثها بالفناجيل = تشوقني شوق الظنين لظنينـه
فنجالها لاسيق وبهارها هيل = شـرابها يعزم عزوم(ن) ضـمـيـنه
إليا عزم لطويق مارده الليل = يخايل القـمه وبـاسه يـعـيـنه
كنه يشوف القمه بعين دربيل = وعـزمه على المـرقا ملا راحـتـينـه
يحرم علي فنجالها يارياجيل = أن كان ما اذهلت العقول الذهينه
بتركيبت الفكره وبدع التماثيل = ونزف الهجوس اللي حباله رصيـنه
وبالخافق اللي تبترم به محاحيل = اللي يعزم الموت ساعة حنينـه
ولاحن للعليا في اموري تساهيل = تبرى النفوس البايسات الحزينه
وفي الماقف الغصاب ياحط يا شيل = وكلن يدسم شاربه من يمينه
جملني الله كل ماساللي سيل = في ناظر اللي من ضما مرتوينـه
ماجيت من ديرت هل السيف والخيل = من دار اخو نوره زبون السمينـه
الا وانا عيني على الجدي وسهيل = والطايله تبقى لمثلي رهينه
وان كانها كبر الفضا والمخايل = مايظهر الرجال كود بيدينه
أبرك واشيل حمول موجان وشعيل = وأقوم قومت من جفته السكينه
وان عودت وقفه وصكت حلاحيل = لي لابة(ن) مـجد العرب وارثــيـنه
ربعي بني خالد سوات الهماليل = وقفاتهم تحي العروق الدفينه
وأمجادهم تشفي الكبود المغاليل = بيض الحباري بالحدب محتمينه
فالشعر أمثلهم وأشب القناديل = في شاعر المليون يامشاهدينه
وفي الشعر قسمي من خيار المحاصيل = أبهج وأداري خطر مدورينه
أترك خيال(ن) في يديه المحابيل = يشبك ويملأ بالمعاني خزينه
وأسبح واغيص بحور وأصب وأكيل = أسعى وأنقيلي نوادر ثمينه
نوادر(ن) لاعرضت للدواليل = تجذب كما نجر(ن) يــــجـذاب دنـيــنه
من شان تبقى في الليالي المقابيل = رمز(ن) تذريه الحصون الحصينه
والشاعر اللي يمت البيرق يخيل = يقرط على الشفه عقب صر عينه
يبغاه لكن دون شلف(ن) مصاقيل = من برمجت الأفكار بينه وبينه
وأن مالقى بين الحواجز مداخيل = مالله قسم يرقى مع مسلمينه
وأن قالها الله ياجموع المشاكيل = لأرسي مع الامواج مثل السفينه
تحياتي
السلام عليكم ورحمة الله وبركاته
قصيدة الشاعر بدر بن عبدالله الخالدي أتمنى أن تنال إعجابكم وبالتوفيق للجميع
الدله اللي غيثها بالفناجيل = تشوقني شوق الظنين لظنينـه
فنجالها لاسيق وبهارها هيل = شـرابها يعزم عزوم(ن) ضـمـيـنه
إليا عزم لطويق مارده الليل = يخايل القـمه وبـاسه يـعـيـنه
كنه يشوف القمه بعين دربيل = وعـزمه على المـرقا ملا راحـتـينـه
يحرم علي فنجالها يارياجيل = أن كان ما اذهلت العقول الذهينه
بتركيبت الفكره وبدع التماثيل = ونزف الهجوس اللي حباله رصيـنه
وبالخافق اللي تبترم به محاحيل = اللي يعزم الموت ساعة حنينـه
ولاحن للعليا في اموري تساهيل = تبرى النفوس البايسات الحزينه
وفي الماقف الغصاب ياحط يا شيل = وكلن يدسم شاربه من يمينه
جملني الله كل ماساللي سيل = في ناظر اللي من ضما مرتوينـه
ماجيت من ديرت هل السيف والخيل = من دار اخو نوره زبون السمينـه
الا وانا عيني على الجدي وسهيل = والطايله تبقى لمثلي رهينه
وان كانها كبر الفضا والمخايل = مايظهر الرجال كود بيدينه
أبرك واشيل حمول موجان وشعيل = وأقوم قومت من جفته السكينه
وان عودت وقفه وصكت حلاحيل = لي لابة(ن) مـجد العرب وارثــيـنه
ربعي بني خالد سوات الهماليل = وقفاتهم تحي العروق الدفينه
وأمجادهم تشفي الكبود المغاليل = بيض الحباري بالحدب محتمينه
فالشعر أمثلهم وأشب القناديل = في شاعر المليون يامشاهدينه
وفي الشعر قسمي من خيار المحاصيل = أبهج وأداري خطر مدورينه
أترك خيال(ن) في يديه المحابيل = يشبك ويملأ بالمعاني خزينه
وأسبح واغيص بحور وأصب وأكيل = أسعى وأنقيلي نوادر ثمينه
نوادر(ن) لاعرضت للدواليل = تجذب كما نجر(ن) يــــجـذاب دنـيــنه
من شان تبقى في الليالي المقابيل = رمز(ن) تذريه الحصون الحصينه
والشاعر اللي يمت البيرق يخيل = يقرط على الشفه عقب صر عينه
يبغاه لكن دون شلف(ن) مصاقيل = من برمجت الأفكار بينه وبينه
وأن مالقى بين الحواجز مداخيل = مالله قسم يرقى مع مسلمينه
وأن قالها الله ياجموع المشاكيل = لأرسي مع الامواج مثل السفينه
تحياتي