قصيدة عايض بن هداف في شاعر المليون كتابية و صوتية

[مبارك بن حاضر]

السلام عليكم و رحمة الله و بركاته


يوم الثلاثاء الماضي على شاطيء الراحة



http://www.sa50.net/sha3ralmillion/48/15012008/pic/qahtani03.jpg

الشاعر عايض بن هداف بن غيده القحطاني

يقول


عليكم سلام اسلام مالاح و اشتعل = سنا نوض برق ٍ في عروض مخيل
من ابلاد مظرم كوكب النار فالوغى = الى هاب من كثر الجموع ذليل
حمد هج يا تاريخ و انحاش ياقلم = الا صار منت بمستواه قبيل

--



لصغر سن الشاعر عايض بن هداف بن غيده القحطاني
فقد شكت اللجنة في ملكية الشاعر لقصيدته في مرحلة ما قبل 48 وذلك لجزالتها و لمتن سبكها الذي لايجيده الا شاعرا ً رسخ في الشعر عمرا ً طويلا ً

http://www.qahtaan.com/vb/showthread.php?t=35858


و لكن الشاعر عايض القحطاني ينفي ذلك في قصيدته التي قدمها في أمسية يوم الثلاثاء الماضي و ينتقد من يشتري أو يبيع قصائده.



الشعر صعب الا على رواده = اللي تـْداري جفوته و اعناده
و تحرص على قدره و ترفع شانه = و تاخذ حقوقه من يدين اوغاده
ناس ٍ تبيعه مثل بيع السلعه = بسوق ٍ هواميره سوات افراده
التاجر افقر فيه ممن يشري = واللي شرى مشرى الشعر ما فاده
اللي لبس له ثوب ماهو ثوبه = اما نقص من قيمته ما زاده
و في شاعر المليون ماله بينه = ينخش خلف اعذاره المعتاده
اما ظلم حظه .. و ذم اللجنه = و الا ظلم قاف ٍ لغيره كاده
هذاك له درب ٍ يخالف دربي = دام الثقه للفكر ساس ارشاده
انا من الدوحه حضرت امثل = دار القصيد و صهوته و زناده
دار ٍ لابو مشعل وحن جند ٍ له = و رقابنا في مابغى سداده
حب التميز للعلا يدفعنا = و قصر الثنا يستاهله من شاده
في بو ظبي دار الثقافه الاولى = جينا و جا الجمهور في ميعاده
وردت بير الشعر ورد الضامي = و امة محمد عندها وراده
و ان كان دلوي جاب مايكفيني = هذا هوى بالي و كل مراده
في ظل ابن زايد وريث القمه = شيخ ٍ على العليا يرز اشداده
احيا عكاظ اللي نسينا ذكره = وصحّى قصيد ٍ طال وقت رقاده
في حضرته قاف الشعر سطرته = من جمرة ٍ وسط الحشا وقاده
منها جثت عوص المثايل عنوه = و سارت معي بابهى الحلل منقاده
و ان كان ماهي كفو يا لجنتها = قولوا لي اثنـّي الجمل بقياده
الشاعر اللي ما يشلـّه شعره = ماهوب عيب ٍ لا رجع لبلاده
هذا كلام الشاعر القحطاني = اللي جدوده للقصيد اسناده
الالقاب و الاضواء ما تعنينا = و افعلنا لاقوالنا شهاده
( شاعر رسول الله لقبه يكفي ) = لنا و حنا فالصحيح احفاده



و هنا القصيدة بالفيديو
http://es.youtube.com/watch?v=4FjB96UqxhU&feature=related



http://www.sa50.net/sha3ralmillion/48/15012008/pic/qahtani04.jpg






تقبوا تحياتي

[علي بن مسفرالحبابي]

بيض الله وجهك يامبارك


وبالتوفيق للشاعرنا الرائع


ونجم هذا الموسم عايض بن غيده

[عبدالوهاب آل راضي]

ابيض وجه يابن حاضر


وصح لسان ابن غيده

[ساج الوقت المشعلي]

وعليكم السلام ورحمة الله وبركاته

لاهنت اخوي مبارك وجمل الله حالك على النقل الرائع

وصح لسان ابن غيده والله يوفقه

وتستاهل زيادة السمعة

تقبل تحيات أخـــــــــــوك

ساج الوقت المشعلي

[عبدالله السحيمي]

السلام عليكم ورحمة الله وبركاته

الله يبيض وجهك يا ابو فيضل

ولايهينك على الموضوع

وابن غيده شاعر كفو وجزل والله يوفقه

اخوك/عبدالله السحيمي

[صالح بن ناعمه]

بيض الله وجه الشاعر وانا اشهد انه بيضها

في هذا المحفل الكبييييييييير

والباقي عليكم يا بني مضيم تكفون

تكفى ترى تكفى لها وقت وتروح

[ابن خضير]

بسم الله الرحمن الرحيم
السلام عليكم ورحمة الله وبركاته

الله لا يهينك ويعطيك العافيه

[عبدالله بن محمد بن مقيت]

بيض

[عبدالله بن محمد بن مقيت]

بيض الله وجه تكفون صوتوا لبن عمكم

[حـمـد القحطاني]

لاهنت على القصيده

[سعيد مسعود العماني]

مشكور يامبارك



بالتوفيق لشاعرنا ابن غيده

[العجرشي]

هذا كلام الشاعر القحطاني
اللي جدوده للقصيد اسناده




كفو

عزا الله انك كفو وتستاهل يابن غيدة

لاهنت يامبارك

[فيصل الحطاب]

انا اشهد يبن غيدة والله انك شاعر يا بن غيدة

[ذيب ال سلمان]

بيض الله وجهك

[آل سحمان]

كفووو خير من يمثلناااا وفاله البيرق انشالله صبي قحطان سوا من قطر ولا من السعوديه قحطان كلها حولك



الى الامام يابن غيده يستاهل وقصيده طيب


وحنا معك والرصيد لك مفتوح


وكل الشكر لك اخوي مبارك على نقلك المتميز والرائع

سلمت يمينك والى الامام دوم

[ابومشرف]

ماقصرت يا بن / حاضر ...وصح لسان بن هداف ..............رفع راس

ربعه ..واهله ...ودولته ............!!!!

[مشاري بن نملان الحبابي]

لاهنت ...

والله يعطيك العافية ...

[المحيا]

بيض الله وجهك يا مبارك وها هي غريبه عليك هالمشاركة

والله يعطيك العافية

[المحيا]

بيض الله وجهك يا مبارك وما هي غريبه عليك هالمشاركة

والله يعطيك العافية