المساعد الشخصي الرقمي

مشاهدة النسخة كاملة : هذه القصيده اهدا من الشاعر ((حسين بن يشمر القحطاني الى قبيلته ال مستنير قحطان))


علي آل جبعان
12-01-2008, 10:35 PM
اهدا من الشاعر ((حسين بن يشمر القحطاني الى قبيلته ال مستنير قحطان))





مرحبا ياهاجـسٍ مـن ينابيـع الصـدر هاجـسٍ هيضـه تاريـخ جـدٍ مانسـاه
نور تاريخ ٍ تشعشـع كمـا نـور البـدر لظلمت سود الليالـي ينـور فـي سمـاه
السوالف لولـه صـارت امثـال وعبـر عند من يروي السوالف ويسعد من لفـاه
آل عاصي لابـةٍ مـن دناديـن العصـر ماتجاهل عصرنا منهـم القـوم العصـاه
عودهم شيـخ يسـد اللـوازم لاحضـر وان تكلم مابينشـب لسانـه فـي جمـاه
الفتى منهم لما عاش مـن عمـره عشـر مايضيع طرقة اهل النصايـح والوصـاه
يصبر الرجال منهـم ويجمـل بالصبـر مثل ماقد قالـوا الصبـر مفتـاح النجـاه
راعي المعروف بين النشامـا لـه قـدر لابدا وقـت المواقـف رفيـعٍ مستـواه
الكرم والجـود مايـرث بيـوت الفقـر والبخل مايرث الطيـب وبيـوت الغنـاه
مستنيري في اللقا يشرب الموت الحمـر واعنـا عيـن العـدو لاتقـدم واعـنـاه
فارسٍ ضد العـدا فـي الملاقـا مافتـر صلب راسه يشبه طويق وجبال السـراه
انتشر لـه بيـرقٍ مـن بيـارق النصـر الشجاعه من صفـات المطاليـق الغـلاه
يوفـي بوعـده ونـذره ليـا منـه نـذر صادق فـي كلمتـه وانـوا ريـع بـداه
مـن تحدتـه الليالـي وطاولـه السهـر في الليالي السود يسهر ونومـه ماهنـاه
رحلة العود المسمى وزوعـات الهجـر يصبـح بديـره وديـره يعديهـا مسـاه
لو تحوم الطير ماوصلة ابعـاد الصقـر اللذي مايعرف الصقر صـاده واشتـواه
ياحليل اللي يتمشى علـى درب الخطـر يبطـي سنينـه عليـلاً ولا يلـقـا دواه
ماخبل اللي يطمر النار ويشيـل الجمـر ايتظلل يحسب الظل يوجـد فـي سنـاه
لابتي صبيان مثني كمـا مـوج البحـر غمرهـم لاحـل واديٍ تجمـل واحتمـاه
وسـط تندحـه بنيـت قصـور الفخـر بني عودٍ مـا بيلحقـه لـومٍ فـي بنـاه
الشهاده واضحه من قبل حـرب القهـر صلب قومٍ والتواريـخ ترويهـا الـرواه
فعل قـومٍ ماتغبـا مـع طـول الدهـر مايغبيه الزمن مهمـا طـول فـي مـداه
طبت يازرعاً حصاده من اجـود الثمـر يتعـب الـزراع لمـا زرع والاجـنـاه
كلهم ربعاً على علم خيـر وعلـم شـر تفزع ذياب الوعر لاقنـب ذيـبٍ عـواه
ابن جمعان اللذي في اللقا محـزم ظهـر مثل قصرا عامـراً والمبانـي فـي ذراه
المنـاره شبهـا بالقـرض والاالسـمـر والدلال الصفر وعذوق تمراً من حسـاه
وابن موسى عزوته لاوقف ساعة عسـر مثـل رجـمٍ عاليـاً يحتميبـه مـن وزاه
ابـن عـمٍ لابـن عمـه ويبقالـه ذخـر محزمه وقت اللقا وان حصل همٍ جـلاه
وابن حموض اللذي وقفته شوق النظـر مثل سيفً بارعاً يفتخـر بـه مـن قنـاه
لادعي وقت المواجيب حاضر ماقصـر عادة المطلـق يبيـن مـع ربعـه وفـاه
ما بنجهل سيرتك ياشـرف بيـن السيـر احتما في ماقفه وان بـدا شانـه قضـاه
وان نصاه الضيف قدم مواجيـب الظفـر ايتجمل لو ماياجـد مـن الدنيـا عشـاه
وانت ياقريه بناخذ مـن علومـك خبـر عزوة ابـن العـم لاصاحبـه وإلانصـاه
ابن عـمٍ لأعتـزا قـال تبشـر بالسفـر يكسب العليا بطيبـه ولـه وجـه وجـاه
خمسة في كف واحد وساسٍ من حجـر ساس جدً فـي المواقـف يشرفنـا نبـاه
الصلي عند الصلي مثل ميـزان البصـر وان بدا له حاجـةً يجعـل الدنيـا فـداه
الحضر صيت البدو والبدو صيت الحضر كلهم سيـف بريعـا وحـده فـي شبـاه
الجمايـل باقيـه بعـد مايفنـي العمـر يوم بعض الناس يشقى ولايحسب شقـاه
اكتب القيفان في السطر وابيـح الحبـر ماقدرت اختـم الوصفعـن قـوم ٍدهـاه
السوالف قطفها يشبـه لقطـف الزهـر ما يبيع العـز رجـل عنالـه واشتـراه
اجمل الملبـوس ياربعنـا ثـوب الستـر يسلم اللي يجعل الستـر لبسـأً واكتسـاه
ساسنا من صلب قحطان ياصلب الصخر من ضواحي نجد حتـى تهامـه مسكنـاه
والقبايل في مقـام الوفـا سـر وجهـر كلهم جمع على الدين وفروض الصـلاه
منهم اللي لاسند فـي المواقـف ماحـدر ومنهم اللي لابنا الشـور ماناخـذ سـواه
عاشو آل سعود ضد العدو حتى انكسـر والوطن في هيبة اخـوان نـوره الـولاه
ساس عود وحـد المملكـه امـن وامـر الملك عبـد العزيـز الله يطيـب ثـراه
نحمد الله نبني قصـور وبيـوت الشعـ ر نقطف اثمار البلـد واتغنـا فـي رخـاه
ماقطفت الورد والزهر من غصن السدر مثل بدع القاف واللحن له صوت وصداه
هـذه خمسيـن بيـت مدونهـا الفـكـر قلتها من خاطر صافـي وعـذب سقـاه
قلتهـا يالابتـي ماخـذٍ سيـف الحـذر ابني المعنى على الصح واجنـب خطـاه

محمد الحياني
02-04-2008, 11:42 PM
مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع
حتى في اختيار النقل ....
صح لسان الشاعر
وسلمت يمناك على النقل
مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع

عبدالوهاب آل راضي
03-04-2008, 05:41 PM
الله لا يهينك يابو فهد

قصيدة وافيه ومن شاعر جزل في ربع يستاهلون الطيب



تحياتي

علي آل جبعان
03-04-2008, 09:32 PM
مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع
حتى في اختيار النقل ....
صح لسان الشاعر
وسلمت يمناك على النقل
مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع مبدع


شكرا لك أخي الغالي محمد الحياني

والإبداع هو مرورك بهذا الشكل الذي رسمت به لونك الخاص ...


ودمت بود

علي آل جبعان
03-04-2008, 09:38 PM
الله لا يهينك يابو فهد

قصيدة وافيه ومن شاعر جزل في ربع يستاهلون الطيب



تحياتي

تسلم أخي الغالي عبد الوهاب آل راضي

ولي الشرف أن أحمل كنية أبو فهد

مع العلم أن أبنائي لا يحمل أحدا منهم هذا الإسم ولكنه

شرف من أخي هذه الكنية ...


بالطبع شاعر أوفى قبيلة بهذه الأبيات وليس بغريب عليه الطيب

ولا عليك أخي عبدالوهاب ..


ودمت بود

مشاري بن نملان الحبابي
06-04-2008, 12:31 PM
لاهنت على النقل ...

وصح لسان شاعرها ...

علي آل جبعان
11-04-2008, 08:55 PM
لاهنت على النقل ...

وصح لسان شاعرها ...

والشكر لمرورك أخي مشاري

ولا عدمناك

ودمت بود