المساعد الشخصي الرقمي

مشاهدة النسخة كاملة : ((((((قصيده ترحيبيه بالرئيس الامريكي بوش ))))))))


علي بن مسفرالحبابي
12-01-2008, 03:00 PM
الشاعر الرائع سداح وجدت له هذه القصيده والتي تعبر عن نفسها ونقلتها لكم مع التحيه



مذيـع الأخبـار يظهـر حسـب ميعـاده = في كلّ ليله على الشاشه .. سرا ليلـه

مـن الوكـالات يجمـع كـلّ مـا فــاده = حصـاد الأحـداث والـيـوم بمحاصيـلـه

إليا أنتهى موجزه .. ثم فصّلـه عـاده = وأن عاد لك موجزه .. ماعاد تفصيلـه

اليـوم شــرّف سـعـادة قـايـد الـقـاده = جانا من الغرب بعـد أرسـل مراسيلـه

فـي منطلـق جولـة ٍ للـشـرق منـقـاده = أهدافها واضحه ماهيـب وشهـي لـه

يا سيّد البيت الأبيض وأشهر أسياده = يـا حاكـم العـالـم وقـاهـر رياجيـلـه

يـا قاضـي العـدل وسجّانـه وجــلاّده = يا كـلّ الإرهـاب مـن راسـه ليـا ذيلـه

يا مسيّس الشرّ وباني هيبة أمجاده = وينـك و ويـن السـلام اللـي تنـادي لـه

الشـرق الأوسـط جبرتـه يعلـن حـداده = ذبـحـت حـقّـه بـعـد طمـسـه وتظلـيـلـه

دخلـت بيـن إسـمـه وتـاريـخ مـيـلاده = وحرّفـت تاريـخـه ومـارسـت تذليـلـه

دايــم تــردّ الفلسطيـنـي عــن بـــلاده = والإسرائيلـي تدافـع عــن سرائيـلـه !

تعـبـث بـالإســلام والأيّـــام شـهّــاده = ترميه بالنّار .. وتضحك له وتبكي لـه

عيّنـت وضـع العـراق وحـال بـغـداده = وكابول .. وإسلام أباد .. وقلّة الحيله

وغـوانـتـامــوا .. وبـيـبــانــه وروّاده = وحقـوق الإنـسـان والظـلـم وتهاويـلـه

ما تعتق المسلم اللـي يشكـي قيـاده = وإلاّ اليهـودي بباقـة ورد تـومـي لــه

الـلـي سـواتـك عليـنـا يـقـدح زنــاده = ماهـوب مــن واجـبـه ضـمّـه وتقبيـلـه

لاصار محروس بيـن الوفـد وأفـراده = أظـنّ مـن حقّنـا بالـمـوت نـدعـي لــه

طـاغـوت والعنجهـيّـه غـايـة مـــراده = يـحـطّ بالفـيـتـو الـمـشـروع ويشـيـلـه

حضر جنابه يشوف الجيـش وعتـاده = وينشد عن النفط ويشرب مـن براميلـه

لا أهـلاً .. ولا سهـلاً بحـلّـه ومـعـوداه =واللـي يحييـه طـايـح فــي محابيـلـه

الـذلّ مـن يلبـسـه فــي حلـقـه قــلاده = يـا ويلـه مـن الليـال السـود يــا ويـلـه

مفرح محمد
12-01-2008, 03:15 PM
الذلّ من يلبسـه فـي حلقـه قـلاده يا ويله من الليال السـود يـا ويلـه



اعجبني هذا البيت

وبيض الله وجهك ولاهنت

ابن خضير
14-01-2008, 09:59 AM
بسم الله الرحمن الرحيم
السلام عليكم ورحمة الله وبركاته

صح السان الشاعر الكبير سداااااااااااااااااح


والله لا يهينك ويعطيك العافيه

فارس قحطان
14-01-2008, 03:07 PM
ابوفيصل


انت ماتنقل الا الشي المميز


صح لسان سداح على القصيده



.

سلمان آل سعد
14-01-2008, 10:12 PM
لا هنت اخوي على النقل

وصح لسان الشاعر الكبير / سداح


تقبل مروري

اخوك / سلمان



.

خالد آل مطرف العاطفي
14-01-2008, 11:21 PM
لاهنت ياابوفيصل
بيض الله وجهك على نقل القصيده المعبرة عن واقع العالم وما يدور فيه من احداث
مؤسفه وهي بسبب هذا العربيد بوش
وصح السان الشاعر
قاضي العـدل وسجّانـه وجـلاّده يا كلّ الإرهاب من راسه ليـا ذيلـه

يا مسيّس الشرّ وباني هيبة أمجـاده وينك و وين السلام اللي تنادي لـه

اللي سواتـك علينـا يقـدح زنـاده ماهوب من واجبـه ضمّـه وتقبيلـه

لاصار محروس بين الوفد وأفـراده أظنّ من حقّنا بالمـوت ندعـي لـه

حضر جنابه يشوف الجيش وعتـاده وينشد عن النفط ويشرب من براميله

لا أهلاً .. ولا سهلاً بحلّه ومعـوداه واللي يحييـه طايـح فـي محابيلـه

شامانـ العاطفي
15-01-2008, 06:50 PM
اللي سواتـك علينـا يقـدح زنـاده ماهوب من واجبـه ضمّـه وتقبيلـه

لاصار محروس بين الوفد وأفـراده أظنّ من حقّنا بالمـوت ندعـي لـه

طاغوت والعنجهيّـه غايـة مـراده يحـطّ بالفيتـو المشـروع ويشيلـه

حضر جنابه يشوف الجيش وعتـاده وينشد عن النفط ويشرب من براميله

لا أهلاً .. ولا سهلاً بحلّه ومعـوداه واللي يحييـه طايـح فـي محابيلـه

الذلّ من يلبسـه فـي حلقـه قـلاده يا ويله من الليال السـود يـا ويلـه


صح لسان الشاعر ..

ولاهنت يالذيب ..

محمد القويفل
15-01-2008, 07:01 PM
ودي اطلع ما في صدري..

لكن عندي مقابلة في السفارة الامريكية علشان الفيزا اخاف لاشافو ردي

يهونون ولا يعطوني فيزا :(

قحطاني من دبي
08-02-2008, 03:06 PM
الله لايحييه

ويسلم لسان هالشاعر الراءئع

وانت يالقويفل قل اللي في بالك ماعليك وانا اخوك

عبدالله بن غفره
08-02-2008, 04:42 PM
مميز يابو فيصل


ودائماً تعجبني قصائد هذا الشاعر


لاهنت

علي بن مسفرالحبابي
09-02-2008, 03:03 PM
اعجبني هذا البيت

وبيض الله وجهك ولاهنت

هلابك يابومحمد ولاهنت علي المرور