من عصور ومن زمان

["سالم العجمي"]

اتينا زياره بعد الغياب الاجبارى
وللتواصل
:
:


ياهل المحل اللى نعرفه من عصور ومن زمان=مايجمع الا اهل العلوم الغانمه وامثالها
:
سلام تسليمه وفا نبديبها عند اقحطان=غنابها اللى كل ماهجرس يقود اجزالها

[سعد القحطاني]

الله يحيك
وشرفتنا ..

اقلط ياشاعر .. قدمك اهل المرجله واهل المكان
وانته من رجال نعرف ديارها واقوالها
.
يامرحبا باللي يرد إلنا السلام ولا يهان
والليل بادي يامحلف وعلومكم تقنا لها

["سالم العجمي"]

اررررحب ياسعد يامرحبابك
:
:

الله يعز اصحابنا ذباحت الحيل السمان=والمرجله ترقا لراعيها وهو يرقالها
ابك البقا وليا قضبنا الخط خلك بهلوان=والدله الصفرا ليا فاحت قرب فنجالها

[صالح السنحاني]

الله الله


واصلوا نفداكم

لا تقطعونها


اررررررررررحبو يا وجه محلف

:.:

["سالم العجمي"]

الله الله


واصلوا نفداكم

لا تقطعونها


اررررررررررحبو يا وجه محلف

:.:


البقا ياصالح

["سالم العجمي"]

يبدو انك ياسعد مشغول او غير متواجد

بنتظرك دقايق ان مارديت سرينا

[سعد القحطاني]

الله يعز اللي يقول العلم من قلب ولسان
ماقال له كلمه قديمه بَعدكلٍ قالها
.
ليل الشتا قارس .. تدَف ولا يضرك يافلان
ياماهر بقضب الخطوط قصارها وطوالها

[سعد القحطاني]

صالح السنحاني

لاهنت على حضورك المنور

سالم

البساط احمدي

تنتظر والا تسري

.

["سالم العجمي"]

الله الله
:)
:
:


انا ادرى انك تنطح الفريس فى ظهر الحصان=والمعركه ماينذكر فيها يكون ابطالها
كلن يحاول يرفع البيرق.. ولا.. حاصل ضمان=لاكن بيرق .. يام.. يركز.. والسعد فى فالها

[سعد القحطاني]

ياسالم اسمعني لعل ابوك في خضر الجنان
ما يبلش الا الشاطر اللي حالته يرثالها
.
راياتنا خفاقةٍ ياهوه من قبل الأمان
واليوم لو كلٍ يبا له رايةٍ غنا لها

["سالم العجمي"]

الله الله

اوالديك طالـ عمرك

:)
:
:


مايبلش.. الا.. اللى يحسب العشر وتعود ثمان=لاكن ثبت غترة البسام فوق اعقالها
وانا ماقول الا عسى نجمك على الدنيا يبان=واليا لقيت الحمله اللى جايرة تشتالها

[سعد القحطاني]

الله الله

اوالديك طالـ عمرك

:)
:
:


مايبلش.. الا.. اللى يحسب العشر وتعود ثمان=لاكن ثبت غترة البسام فوق اعقالها
وانا ماقول الا عسى نجمك على الدنيا يبان=واليا لقيت الحمله اللى جايرة تشتالها



دنياك يالعجمي دنيه .. لو تدور للضمان
وعقال بعض الناس وش قومه تحت دسمالها
ياظيفنا فَتْح عيونك قبل يصدر لك بيان
ترى الرجال علومها فاشنابها وسبالها

["سالم العجمي"]

ههههههههه

طيب طيب ياسعد خير ختام منكـ

والصداع خصمي معك اليله من بدية بالطاروق :)

صح الله السانكـ الف طاب لى شرف الوقوف امام هامة شاعر بحجمك وما انا الا تلميذ امام شعراء قحطان جميعاً

تصبح على خير تعرف طبعنا يالشيبان نرقد مبكر

تحياتى لكم جميعاً

[سعيد الجهيمي]

بيض الله وجيهك يا ثنين
انتوا وافين وعلومك وافيهولا خلا ولا عدم يا سعد يا مسد اللزوم

[سحمي الهاجري]

بيض الله وجيهك يا ثنين
انتوا وافين وعلومك وافيهولا خلا ولا عدم يا سعد يا مسد اللزوم

[شامانـ العاطفي]

بيض الله وجيهكم وما قصرتوا ..

ولاهنت ياالعبيدي وسديت اللزوم ..