المساعد الشخصي الرقمي

مشاهدة النسخة كاملة : العفو عند المقدره


سعيد ابو ديه
11-01-2008, 08:12 PM
يابيض غني في النوايف واذكري فعل الرجال=اللي مواقفهم لنا بين القبايل مفخره
اهل الشيم واهل القيم والطيب ذربين الفعال=واهل السلوم الوافيه والمجد سادو منبره
قوم فعايلهم تعلت واعتلت شم الجبال=الا ولا للكايد الا اللي بعزمه يقدره
يوم اعتلا صوت الرجال وكبرو من كل جال=ويوم انتخا العود الكبير وهلت الدمعه مره
في ساعة بين الأمل والياس مافيها جدال=والموقف العسر الصعيب ونحمد اللي يسره
كل يصيح وينتخي ويقول ياعيال الحلال= تكفون ياهل الطايله كل الامور مقدره
وقف لها الحر الصميدع واستخار الله وقال=انا لها والله على مافيه خير يقدره
وقف سعد وقفة شرف وأن قال راعي الطيب طال=ابن جراد بطيب فعله في المواقف نذكره
حلحيل زحل في المواقف يرتكي مثل الجمال=يوم احتمى الموقف رفع سيف العداله وأنهره
واخوانه عضوده هل الوقفات وافين الخصال=حسن وعبدالله وصالح فعلهم ماننكره
من طيبهم قالو نعم ماقال اخونا يستحال= انخالفه لنه الكبير ومن غلاه نقدره
هذي بداية خير والباقي على لفظ الجلال=والله يفعل مايشاء والعبد يرضا بقدره
يوم انفتح باب العفو كل رفع يده وقال=يالله تجزاهم بخيرٍ ياوسيع المغفره
وتعالت الاصوات في الساحه دعاوي وابتهال=في موقف من كبر هوله ماقدرت اتصوره
واكبر من الموقف عجوز دمعها مثل المخال=على ظناها دمعها مثل الهمايل تنثره
جاها البشير ومن فرحها صابها مثل الهبال=صاحت بصوت يجرح القلب الحنون ويكسره
في صوتها المبحوح حزن وفكرها مثل الخيال= حياتها هم وحزن والليل الاسود تسهره
ثم ارفعت كفينها وتقول في عرض السؤال = اللي جبر في خاطري يالله ياربي تجبره
تكفون ياهل الطيب والعليا عريبين الخوال=عتق الرقاب اجر عظيم العفو عند المقدره
اللي عفا واصلح لوجه الله لاحتد الشكال= الله بجنات النعيم وكل خير بشره
ادخل على الله ثم عليكم ياكريمين السبال=واصيح فيكم وانتخي والطيب فيكم نخبره
نخيتكم بأسم قحطان من الجنوب الى الشمال=ياللي مواقفكم لنا بين القبائل مفخره

مبارك بن حاضر
11-01-2008, 08:23 PM
نخيتكم بسم اقحطان من الجنوب الى الشمـال
ياللـي مواقفكـم لنـا بيـن القبائـل مفخـره


يا سلام



صح لسانك يا سعيد

قصيدة وافيه

بيض الله وجهك


:)

شامانـ العاطفي
11-01-2008, 08:24 PM
وقف سعد وقفة شرف ون قال راعي الطيب طال ...... ابن جراد بطيب فعلـه فـي المواقـف نذكـره
حلحيل زحل في المواقف يرتكي مثـل الجمـال........ يوم احتمى الموقف رفع سيف العدالـه ونهـره
واخوانه عضوده هل الوقفات وافيـن الخصـال........ حسـن وعبـدالله وصالـح فعلهـم ماننكـره

صح لسانك وعلى شانك يالذيب ..

قصيدة في غاية الروعة ...

والله يجزي ال جراد على فعلهم الطيب ...

وتقبل تحيتي ,,

سعيد ابو ديه
12-01-2008, 09:24 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سعيد ابو ديه
15-01-2008, 08:19 PM
يا سلام



صح لسانك يا سعيد

قصيدة وافيه

بيض الله وجهك


:)
ارررررررررررررررررررررررررررررحب يامبارك

ووجهك ابيض يالقرم3

بحر
15-01-2008, 08:53 PM
صح لسانك يابو مبارك

وبيض الله وجهك بياض تشله البل

ومن اعفى واصلح فأجره على الله

لاهنت لاهنت وتقبل من بحر اصدق الود

ابن خضير
17-01-2008, 10:27 AM
بسم الله الرحمن الرحيم
السلام عليكم ورحمة الله وبركاته

صح السااااااااااااااااااااااااااانك


والله يحفظك

سعيد الجهيمي
20-01-2008, 01:55 AM
الله الله يا سمي

بيض الله وجهك وجمل الله حالك يا ذيبااااااااااااااااااااان

وانت علم من اعلام قحطان ومفخرة لنا

أخوك الجهيمي البشري

معيض بن دشن
20-01-2008, 06:37 PM
بيض الله وجهك يابو عبد الهادي وهذي عوايدك دايم تسعى في مثل هذي الأمور بما اعطاك الله من موهبة الشعر ووظفتها في محلها لاعدمتك . شهادتي فيك مجروحه لكن أقول عسى الله يكثر من أمثال ابو ديه ،،،،

عبدالله بن غفره
23-01-2008, 09:07 PM
ياسلام على الإبداع والحضور الراقي ياسعيد


نص احتوى على كثير من المعاني والألفاظ الجزله
نص غير تقليدي يبحر بنا الى بحر الإبداع والتميز



صح الله لسانك وبيض الله وجهك